Heydər Əliyev
yeni azerbaycan logo

Ana səhifə / Siyasət / Ərdoğan: Azərbaycan ilə Ermənistan arasında sülhə nail olunması üzrə imkanlar pəncərəsi bağlanılmamalıdır

Ərdoğan: Azərbaycan ilə Ermənistan arasında sülhə nail olunması üzrə imkanlar pəncərəsi bağlanılmamalıdır

30.05.2024 [15:03]

Azərbaycanın tarixi torpaqlarının çoxillik erməni işğalından azad edilməsindən sonra Cənubi Qafqazda uzunmüddətli sülhün təmin olunması üçün tarixi şərait yaranıb. Azərbaycan ilə Ermənistan arasında sülhə nail olunması üzrə imkanlar pəncərəsi bağlanılmamalıdır.

AZƏRTAC xəbər verir ki, bu barədə Türkiyə Prezidenti Rəcəb Tayyib Ərdoğan İzmir vilayətinin Doğanbey rayonunda keçirilən “EFES-2024” beynəlxalq hərbi təlimlərinin “Müşahidəçi günü”ndə çıxış edərkən bildirib.

Türkiyə Prezidentinin sözlərinə görə, Ankara həm regionda, həm də beynəlxalq arenada sülhün və sabitliyin bərqərar edilməsinə çalışır. O əlavə edib: “Sülh istəyirsənsə, müharibəyə hazır olmalısan. Ölkəmiz, həmçinin dost və qardaş ölkələrə əlindən gələn köməyi göstərməyə hazırdır. Biz Türkiyənin olduğu kimi, dost dövlətlərin də təhlükəsizliyinə əhəmiyyət veririk”. Rəcəb Tayyib Ərdoğan onu da bildirib ki, Ankaranın qonşu dövlətlərə heç bir iddiası yoxdur.

Türkiyə Prezidenti beynəlxalq əməkdaşlığın ölkələrin maraqları və təhlükəsizliyi baxımından, o cümlədən müdafiə sektorunda əhəmiyyətinə diqqət çəkib.

Ərdoğan qeyd edib ki, hazırkı “EFES-2024” beynəlxalq təlimləri zamanı Türkiyədə ilk dəfə olaraq müdafiə sənayesinin 33 müxtəlif istiqamətindən istifadə edilib. “Məqsədimiz qarşılıqlı faydalı əməkdaşlıqdır. Türkiyə müdafiə sənayesi sahəsində təcrübəsini dost ölkələrlə bölüşməyə hazırdır”, - deyə Prezident bildirib.

Türkiyənin dövlət başçısı bildirib ki, 2023-cü ilin sonuna qədər onun ölkəsinin müdafiə sənayesində ixracatın həcmi 5,5 milyard dollara çatıb. “Ötən il Türkiyənin müdafiə şirkətlərindən 185 ölkəyə 230 adda məhsul tədarük edilib. Ümumi dəyəri 10 milyard 250 milyon dollar olan müdafiə təyinatlı məhsulların tədarükü üçün yeni müqavilələr imzalanıb”, - deyə siyasətçi bildirib.

Prezident Ərdoğan qeyd edib ki, bu gün “EFES-2024” təlimləri çərçivəsində təşkil edilən sərgidə Türkiyə istehsalçılarının bəzi yeni məhsulları nümayiş etdirilir.

Türkiyə lideri diqqəti ölkəsinin təhlükəsizlik problemlərinə çəkib və Ankaranın cənub sərhədlərində terrorçuların nəzarətində olan zonanın formalaşmasına imkan verilməyəcəyini vurğulayıb.

Paylaş:
Baxılıb: 158 dəfə

Xəbər lenti

Hamısına bax

Xəbər lenti

Sosial

İqtisadiyyat

Xəbər lenti

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30