Fövqəladə Hallar nazirlikləri arasında əməkdaşlıq əlaqələri daha sürətlə inkişaf edəcək

Bakı:

28 °C

35 %

2 m/s

Əlaqə

AZ RU EN

Ana səhifə / Siyasət / Fövqəladə Hallar nazirlikləri arasında əməkdaşlıq əlaqələri daha sürətlə inkişaf edəcək

Fövqəladə Hallar nazirlikləri arasında əməkdaşlıq əlaqələri daha sürətlə inkişaf edəcək

27.08.2009 [01:10]

Azərbaycan və Qazaxıstan Fövqəladə Hallar nazirlikləri əməkdaşlıq haqqında protokol imzalayıblar
ölkəmizdə səfərdə olan Qazaxıstanın fövqəladə hallar naziri Vladimir Bojkonun başçılıq etdiyi nümayəndə heyəti dünən Fəxri Xiyabana gələrək, müasir müstəqil Azərbaycan dövlətinin qurucusu, ümummilli lider Heydər Əliyevin əziz xatirəsini anıb, məzarı önünə əklil qoyub.
Görkəmli oftalmoloq alim, akademik Zərifə xanım Əliyevanın məzarı önünə də gül dəstələri düzülüb.
Qazaxıstanlı qonaqlar Şəhidlər Xiyabanını da ziyarət edib, Azərbaycanın azadlığı, müstəqilliyi və ərazi bütövlüyü uğrunda canlarından keçmiş qəhrəman oğul və qızların məzarı üzərinə güllər düzüb, “Əbədi məşəl” abidəsi önünə əklil qoyublar.
Qonaqlar buradan Bakının mənzərəsini seyr ediblər.
Həmin gün Azərbaycanın fövqəladə hallar naziri, general-polkovnik Kəmaləddin Heydərov qazaxıstanlı həmkarı Vladimir Bojko ilə görüşüb.
Kəmaləddin Heydərov müstəqillik bərpa edildikdən sonra Ulu öndər Heydər Əliyevin rəhbərliyi ilə Azərbaycanda bütün sahələrdə əldə olunmuş nailiyyətlər və ölkədə aparılan islahatlar barədə qonağa ətraflı məlumat verib. Bildirilib ki, Azərbaycan ilə Qazaxıstan arasında münasibətlərin tarixi çox qədim dövrlərə təsadüf edir. Hər iki ölkə müstəqilliyini bərpa etdikdən sonra siyasi, iqtisadi, mədəni və digər sahələrdə əlaqələr getdikcə inkişaf edir.
ölkələrimiz arasında bütün sahələrdə əlaqələrin uğurla inkişaf etdiyini vurğulayan K.Heydərov, fövqəladə halların qarşısının alınması və nəticələrinin aradan qaldırılması sahəsində ölkələr arasında əməkdaşlığın əhəmiyyətini də qeyd edib.
K.Heydərov deyib ki, bu səfər ölkələrimizin Fövqəladə Hallar nazirlikləri arasında əməkdaşlıq əlaqələrinin daha sürətlə inkişafına təkan verəcək. Azərbaycan fövqəladə hallar sahəsində təcrübəsini Qazaxıstanla bölüşməyə hazırdır. Nazir K.Heydərov bildirib ki, Azərbaycan da, əsasən, toz burulğanları, sellərin və daşqınların qarşısının alınması sahəsində qonşu dövlətin təcrübəsindən yararlanmaqda maraqlıdır.
Bildirilib ki, Qazaxıstan və Azərbaycan Fövqəladə Hallar nazirlikləri arasında ilk dəfədir ki, Bakıda bu səviyyədə görüş keçirilir. Hər iki ölkə Xəzəryanı dövlət olduğundan, bir sıra ortaq problemlərimiz də var. ölkələrimiz neft-qaz hasilatı və ixracı ilə məşğul olan dövlətlərdir.
Qazaxıstanın fövqəladə hallar naziri Vladimir Bojko deyib ki, dinamik inkişaf edən Xəzər regionu ölkələrinin fövqəladə hallar sahəsində birgə əməkdaşlığına ehtiyac var. Bizim region, əsasən, neft-qaz ehtiyatları ilə zəngindir. Xəzərin karbohidrogen ehtiyatlarının daşınması zaman baş verə biləcək müxtəlif hadisələrin, məsələn, neftin dənizə dağılmasının nəticələrinin aradan qaldırılması, Xəzərin bioloji resurslarının qorunması və s. məsələlər müzakirə obyektidir. Bu baxımdan səfərin böyük əhəmiyyəti var. Görüşdə tərəfləri maraqlandıran digər məsələlər ətrafında geniş fikir mübadiləsi aparılıb.
Sonra Kəmaləddin Heydərov və Vladimir Bojko Fövqəladə Hallar nazirlikləri arasında əməkdaşlıq haqqında protokol imzalayıblar.

Paylaş:

Baxılıb: 1167 dəfə