“Bakcell”in “BakuTel 2014” stendi: yeni texnologiyalar, yeni məhsullar

Bakı:

25 °C

47 %

5 m/s

Əlaqə

AZ RU EN

Ana səhifə / Sosial / “Bakcell”in “BakuTel 2014” stendi: yeni texnologiyalar, yeni məhsullar

“Bakcell”in “BakuTel 2014” stendi: yeni texnologiyalar, yeni məhsullar

04.12.2014 [09:57]

Azərbaycanın ilk mobil operatoru və aparıcı mobil internet provayderi olan “Bakcell” şirkəti “BakuTel 2014” sərgisindəki stendində ən son mobil texnologiyaları, ən son texnologiyaya əsaslanan əyləncəni, eyni zamanda, ölkədə gənclərin, futbolun və regionların inkişafına göstərdiyi dəstəyi nümayiş etdirir. Dekabrın 5-dək davam edəcək sərgi çərçivəsində “Bakcell” stendinin ziyarətçilərinə “LTE-A” texnologiyası, Azərbaycanda ilk dəfə olaraq “virtual supermarket”, “Bakcell” brendli “ALOV” və “İLK” smartfonlarının üstünlükləri, mobil tətbiqetmələrin inkişafına yönəlmiş “AppLab” guşəsi və s. təqdim olunur. Şirkətdən verilən məlumatda qeyd olunur ki, sərgi iştirakçıları bu dəfə də “Bakcell”in tam spektrli LTE xidməti ilə 4G texnologiyasının inteqrasiyasındakı uğurları ilə tanış olacaq, eyni zamanda, 4G texnologiyasını mobil cihazlarda, smartfon və planşetlərdə istifadə etmək imkanı qazanacaqlar. Stendin ziyarətçiləri “Bakcell”in qısa müddət öncə yerli bazara təqdim etdiyi və yeni nəsil smartfon istifadəçilərinin bütün tələblərinə cavab verən “ALOV” və “İLK” smartfonlarını sınaqdan keçirəcək, onun texniki xüsusiyyətləri ilə daha yaxından tanış olacaqlar. Məlumatda daha sonra qeyd olunur ki, şirkət öz ənənəsinə sadiq qalaraq bu il də “BakuTel” sərgisinə yenilik gətirəcək. Belə ki, “virtual supermarket” adlanan yeni texnologiya Azərbaycanda ilk dəfə olaraq “Bakcell” tərəfindən yalnız bu sərginin iştirakçıları üçün nümayiş olunacaq. Ziyarətçilər elektron lövhədə göstərilən və “Bakcell”in “Ulduzum” sadiqlik proqramının partnyorları tərəfindən təqdim olunan müxtəlif malları SMS və ya QR kod göndərməklə böyük endirimlərlə əldə edə biləcəklər. Bundan əlavə, “Bakcell” şirkətinin gələcək nəsil mobil texnologiyalar sahəsində dünya lideri olan “Qualcomm” şirkəti ilə birgə əməkdaşlıq çərçivəsində həyata keçirdiyi “AppLab” adlı innovativ mobil developer layihəsi də burada təqdim olunur. “AppLab” ideyaların, mobil tətbiqetmələrin və texnologiyaların pilot variantından istifadəyə buraxılan tam hazır varianta qədər çatdırılmasında seçilmiş developerlərə kömək etmək üçün nəzərdə tutulan sürətləndirilmiş icra modelidir. Sərgidə şirkətin Azərbaycanda İKT-nin və idmanın inkişafına göstərdiyi dəstəyə həsr olunmuş xüsusi guşə də yaradılıb. Burada dünyanın ən böyük klublarından olan “Mançester Yunayted” futbol klubu və Azərbaycan Futbol Federasiyaları Assosiasiyası (AFFA) ilə əməkdaşlıq çərçivəsində Azərbaycanda futbolun bütün səviyyələrdə inkişafını dəstəkləyən layihələr barədə şəkillər vasitəsilə ziyarətçilərə məlumat veriləcək, eyni zamanda gənclərin və texnologiyaların inkişafına xidmət edən layihələrdən danışılacaq. “Bakcell” şirkəti öz fəaliyyətində regionların inkişafına ayrıca diqqət yetirir və Azərbaycanda futbolun inkişafına xidmət edən bir çox layihələr həyata keçirir. Azərbaycanda müasir mobil texnologiyaların inkişafını və tətbiqini dəstəkləyən “Bakcell” günün nəbzini tutaraq müasir mobil proqram təminatlarının inkişafında yaxından iştirak edir, gənc və istedadlı developerlərə öz dəstəyini verir. Bu məqsədlə “Bakcell” “Mobile Monday”, “Hackathon”, “Startup Azərbaycan” və “Startup Weekend” kimi layihələrə dəstək göstərib. Hazırda isə bu layihələrin məntiqi davamı olaraq şirkət “AppLab” layihəsini həyata keçirir. Məlumatda sonda qeyd olunur ki, ilk gündən “BakuTel” sərgisinin iştirakçısı olan “Bakcell” bu sərginin Azərbaycanda informasiya-kommunikasiya texnologiyaları sahəsinin inkişafına təsirini yüksək qiymətləndirir.
“Bakcell” əmindir ki, bu sərgi şirkətlərə öz bizneslərini inkişaf etdirmək və yeni bazarları kəşf etmək üçün xüsusi imkanlar yaradacaq. “BakuTel” sərgisi telekommunikasiya sektoru üçün olduqca əhəmiyyətli bir tədbir olmaqla, indiki və gələcək müştərilərlə birbaşa ünsiyyət qurmaq üçün misilsiz imkanlar yaradır.
Səlim LOĞMANOĞLU

Paylaş:

Baxılıb: 1105 dəfə