Tərtərdə görkəmli oftalmoloq-alim Zərifə xanım Əliyevanın anadan olmasının 96-cı ildönümünə həsr olunmuş tədbir keçirilib

Bakı:

30 °C

58 %

5 m/s

AZ RU EN

Ana səhifə / Sosial / Tərtərdə görkəmli oftalmoloq-alim Zərifə xanım Əliyevanın anadan olmasının 96-cı ildönümünə həsr olunmuş tədbir keçirilib

Tərtərdə görkəmli oftalmoloq-alim Zərifə xanım Əliyevanın anadan olmasının 96-cı ildönümünə həsr olunmuş tədbir keçirilib

25.04.2019 [09:44]

Dünən Tərtər Mərkəzi Rayon Xəstəxanasında görkəmli oftalmoloq-alim, Əməkdar elm xadimi, akademik Zərifə xanım Əliyevanın anadan olmasının 96-cı ildönümünə həsr olunmuş tədbir keçirilib. Tədbirdə səhiyyə işçiləri, ictimaiyyət nümayəndələri və Yeni Azərbaycan Partiyası (YAP) Tərtər rayon təşkilatının fəalları iştirak ediblər.
Əvvəlcə çıxış edən rayon İcra Hakimiyyəti başçısının müavini, YAP Tərtər rayon təşkilatının sədri Ramiz Şabanov Zərifə xanım Əliyevanın həyat və fəaliyyəti barədə məlumat verib. Diqqətə çatdırılıb ki, Zərifə xanım Əliyeva tibb elminin inkişafına mühüm töhfələr verərək oftalmologiyanın aktual problemlərinə dair sanballı tədqiqatları ilə böyük şöhrət qazanıb. Onun elmi-pedaqoji və ictimai fəaliyyəti həkimlərin yeni nəslinin yetişməsinə və Azərbaycanda oftalmologiya elminin inkişafına güclü təsir göstərib.
O da xüsusi olaraq qeyd edilib ki, Zərifə xanım müasir müstəqil Azərbaycan dövlətinin memarı və qurucusu, bütün mənalı ömrünü Vətəninin və xalqının tərəqqisinə həsr etmiş dahi şəxsiyyət, Ümummilli Lider Heydər Əliyevin vəfalı ömür-gün yoldaşı, sədaqətli dostu və etibarlı silahdaşı idi. Gözəl bir ailədə doğulan Zərifə Əliyeva çox qayğıkeş ana olub və ölkəmizə layiqli övladlar yetişdirib.
Çıxış edən Mərkəzi Rayon Xəstəxanasının baş həkimi, ərazi ilk partiya təşkilatının sədri Yaşar Hüseynov isə deyib ki, Zərifə xanım Əliyeva oftalmologiyanın aktual problemlərinə dair tədqiqatlar aparıb, fədakar həkim kimi bir sıra göz xəstəliklərinin müalicəsində böyük əmək sərf edib, o cümlədən traxoma xəstəliyinin müxtəlif mərhələlərinin öyrənilməsi və müalicə metodlarının tapılması istiqamətində böyük xidmətlər göstərib.
Sonra Tərtər rayon Uşaq Xəstəxanasının pediatrı Arzu Əhmədova, Bəyimsarov kənd xəstəxanasının baş həkimi Mehriban Hüseynova, oftalmoloq Lalə Rəhimli çıxış ediblər. Çıxışlarda akademik Zərifə xanım Əliyevanın ictimai xadim kimi səmərəli fəaliyyəti də geniş qeyd edilib. Bildirilib ki, o, keçmiş SSRİ Sülhü Müdafiə Komitəsinin üzvü, Azərbaycanın Sülhü Müdafiə Komitəsi sədrinin müavini, respublika “Bilik” Cəmiyyəti İdarə Heyətinin, Ümumittifaq Oftalmoloqlar Elmi Cəmiyyəti Rəyasət Heyətinin üzvü olub, Əməkdar elm xadimi kimi şərəfli adı ləyaqətlə daşıyıb.

Paylaş:

Baxılıb: 638 dəfə