İşğala son qoyularaq ədalət bərpa edildi

Bakı:

25 °C

55 %

4 m/s

Əlaqə

AZ RU EN

Ana səhifə / YAP xəbərləri / İşğala son qoyularaq ədalət bərpa edildi

İşğala son qoyularaq ədalət bərpa edildi

24.09.2024 [17:08]

Azərbaycan torpaqlarının işğal edən faşist xislətli ermənilər işğalın daimi olmayacağını bildikləri üçün Qarabağ və ətraf rayonlarda misli görünməmiş talançılıq törədərək, bütün madi-mədəni irsimizi məhv etməyə çalışdılar. Azərbaycanın təbii sərvətləri vəhşicəsinə talanaraq işğala dəstək verənlərlə birgə mənimsənilmişdir.

Ali Baş Komandan İlham Əliyevin rəhbərliyi ilə qəhrəman Azərbaycan Ordusunun ötən il sentyabrın 27-dən başlanan 44 günlük Zəfər yürüşü doğma Qarabağı azadlığa qovuşdurmaqla yanaşı, tarixi, mədəni, elmi, dini irsimizi də erməni vandallarından xilas etdi. Müzəffər Ali Baş Komandan və cəsur əsgər və zabitlərimiz qəhrəmanlıqları ilə işğalçı Ermənistana layiqli dərs verdi, kapitulyasiya aktını imzalatdırdı.

Ölkə Prezidenti cənab İlham Əliyevin işğaldan azad olunmuş torpaqlarımıza səfərləri çərçivəsində icra edilmiş layihələrin açılışı və yeni layihələrin təməlqoyma mərasimləri sübut edir ki, ermənilərdən fərqli olaraq Azərbaycan xalqının əsas məqsədi insanların rifahı və xoşbəxt gələcəyi naminə qurub-yaratmaqdan ibarətdir.

Məhz bu səfərlərdən biri elə cari ilin sentyabrın 20-də gözəl Qarabağımızın Xankəndi şəhərinə, orada yerləşən Qarabağ Universitetinin açılışı ilə reallaşdı. Dövlətimizin başçısının birbaşa diqqət və qayğısı nəticəsində qısa müddət ərzində Universitetdə müasir tədris infrastrukturu yaradılıb. Ali təhsil ocağının bütün ərazisində genişmiqyaslı abadlıq işləri həyata keçirilib. Əsas tədris binasının qarşısındakı park sökülüb, onun yerində 2,3 hektar ərazidə müasir tələblərə uyğun yeni park salınıb.

Xankəndində Qarabağ Universitetinin müəllim və tələbə heyəti ilə görüşü zamanı ölkə Prezidenti cənab İlham Əliyev çıxış edərək, Azərbaycan xalqını Dövlət Suverenliyi Günü münasibətilə təbrik edib və bildirib ki, 20 Sentyabr bundan sonra ölkəmizdə geniş şəkildə qeyd ediləcək.

Prezident İlham Əliyev 44 gün ərzində əsgərlərimizin bütün dünyaya nümunə sayılacaq qəhrəmanlıqlarında bəhs edərək vurğulayıb ki, biz bu Qələbə ilə, haqlı olaraq hərbçilərimizlə fəxr edirik və əbədi fəxr edəcəyik. Əminəm ki, hər bir qərəzsiz təhlilçi, hərbi ekspert və obyektiv insan bizim bütün bu 44 günlük qəhrəmanlıq salnaməsini təhlil edərək eyni nəticəyə gəlməlidir. Antiterror əməliyyatından söz açan dövlətimizin başçısı əməliyyat nəticəsində Ermənistanın Qarabağdakı 15 mindən çox hərbi kontingentinin tamamilə iflic vəziyyətinə düşdüyünü və bir neçə saatdan sonra kapitulyasiya şərtlərinin müzakirə edildiyini xatırladaraq, revanşistlərə və Ermənistanı silahlandlqan ölkələrə müsajlar verdi.

Azərbaycan xalqı çoxəsrlik tarixinin şərəfli mərhələsini yaşayır. Azərbaycan xalqı Prezident, Ali Baş Komandan İlham Əliyevin rəhbərliyi ilə müzəffər Milli Ordumuzun 27 sentyabr 2020-ci il tarixdən başlanan əks-hücum əməliyyatları nəticəsində 30 ilə yaxın mənfur qonşumuz Ermənistanın işğal altında saxladığı torpaqları azad etməklə tarixi ədalət bərpa edildi. Çağdaş tariximizə 44 günlük Vətən müharibəsi kimi daxil olan bu hərbi əməliyyat nəticəsində Azərbaycanın beynəlxalq hüquqla tanınan ərazi bütövlüyü təmin edildi.

Bu gün Xankəndi ilə yanaşı işğaldan azad edilmiş bütün Qarabağ və Şərqi Zəngəzurun bərpası, gələcək inkişafının təmin olunması, zəruri infrastrukturun yaradılması və əhalinin doğma torpaqlarına qayıdışı istiqamətində genişmiqyaslı tədbirlər həyata keçirilir. Bölgənin zəngin iqtisadi potensialından, təbii sərvətlərindən və geniş turizm imkanlarından səmərəli istifadə etməklə təmin edilən inkişaf öz növbəsində ölkəmizin dinamik inkişafına da təkan verəcəkdir.

Rövşən Əhmədov,

YAP Ağcabədi rayon təşkilatının sədri

Paylaş:

Baxılıb: 505 dəfə