2 fevral – Azərbaycan Gəncləri Günü ilə bağlı tədbir keçirilib

Bakı:

26 °C

61 %

6 m/s

Əlaqə

AZ RU EN

Ana səhifə / YAP xəbərləri / 2 fevral – Azərbaycan Gəncləri Günü ilə bağlı tədbir keçirilib

2 fevral – Azərbaycan Gəncləri Günü ilə bağlı tədbir keçirilib

31.01.2025 [17:04]

2 fevral – Azərbaycan Gəncləri Günü ilə bağlı tədbir keçirilib.

Tədbirdə Yeni Azərbaycan Partiyası Laçın rayon təşkilatının sədri İlqar İlyasov, Laçın Rayon İcra Hakimiyyətinin Ərazi idarəetmə, yerli özünüidarəetmə orqanları ilə iş şöbəsinin müdiri Cabir Əvəzzadə, Şərqi Zəngəzur Regional Gənclər və İdman İdarəsinin Laçın rayonu üzrə gənclər və idman sektorunun müdiri Natiq Mustafayev, Vətən müharibəsinin qaziləri və gənclər iştirak ediblər.

Tədbir Ulu Öndər Heydər Əliyevin və torpaqlarımızın azadlığı uğrunda canlarını fəda edən şəhidlərimizin əziz xatirəsi ehtiramla yad edilməsi ilə başlayıb. Sonra ulu öndər Heydər Əliyevin və Prezident İlham Əliyevin gənclər siyasəti barədə videoçarx nümayiş etdirildikdən sonra Yeni Azərbaycan Partiyası Laçın rayon təşkilatının sədri İlqar İlyasov, Laçın Rayon İcra Hakimiyyətinin Ərazi idarəetmə, yerli özünüidarəetmə orqanları ilə iş şöbəsinin müdiri Cabir Əvəzzadə, Şərqi Zəngəzur Regional Gənclər və İdman İdarəsinin Laçın rayonu üzrə gənclər və idman sektorunun müdiri Natiq Mustafayev, 44 günlük Vətən müharibəsinin qaziləri Cövhər Sadıqzadə və Fəxri Əliyev, gənclər Minə Əliyeva və Elqayıd Əlizadə çıxış edərək, əvvəlcə 2 fevral – Azərbaycan Gəncləri Günü münasibətilə müstəqil Azərbaycan gənclərini ürəkdən təbrik edib, onlara xoşbəxt gənclik, sağlamlıq və uğurlu gələcək arzulayıblar.

Çıxış edənlər Azərbaycanda əsası ulu öndər Heydər Əliyev tərəfindən qoyulan dövlət gənclər siyasətinin uğurlarından danışıblar. Azərbaycan Gəncləri Gününün ümummilli lider Heydər Əliyevin ölkə gəncliyinə töhfəsi olduğunu vurğulayan natiqlər qeyd ediblər ki, hazırda Prezident İlham Əliyev bu siyasəti uğurla davam və inkişaf etdirir. Vurğulandı ki, 2003-cü ildən sonrakı dövrdə Prezident İlham Əliyev gənclər siyasətinin inkişaf istiqamətini mövcud ənənələr əsasında daha da təkmilləşdirdi. Azərbaycan gəncliyi ilə bağlı Dövlət proqramları qəbul edilib, 2007-ci il “Gənclər ili” elan olunub, 2011-ci ildə Gənclər Fondu yaradılıb, 2013-cü ildə ölkədə ilk dəfə “Gənclər üçün Prezident Mükafatı” təsis edilib, Azərbaycan gənclərinin İnkişaf Strategiyası təsdiqlənib. Gənclər siyasətində milli və dövlətçilik maraqlarının prioritet olması, 44 günlük Vətən müharibəsində həlledici rol oynayıb. Müharibədə əsas missiyanı məhz Ali Baş Komandan İlham Əliyevin prezidentliyi dövründə yetişən gənclər yerinə yetiriblər.

Tədbirdə rayonun ictimai-siyasi həyatında uğur qazanan və keçirilmiş müxtəlif tədbirlərdə fərqlənən gənclər fəxri fərmanlarla mükafatlandırılıb.

Paylaş:

Baxılıb: 487 dəfə