YAP Beyləqan rayon təşkilatında 2025-ci ilin yekunlarına dair görüş keçirilib

Bakı:

23 °C

58 %

5 m/s

Əlaqə

AZ RU EN

Ana səhifə / YAP xəbərləri / YAP Beyləqan rayon təşkilatında 2025-ci ilin yekunlarına dair görüş keçirilib

YAP Beyləqan rayon təşkilatında 2025-ci ilin yekunlarına dair görüş keçirilib

09.12.2025 [17:38]

09 dekabr 2025-ci il tarixdə “Konstitusiya və Suverenlik İli” çərçivəsində Yeni Azərbaycan Partiyası Beyləqan rayon təşkilatında rayon təşkilatın sədri Müşfiq Səfərovun rəhbərliyi ilə 2025-ci ilin yekunlarına dair sosial şəbəkə fəalları və könüllüləri ilə görüş keçirildi.

Tədbiri giriş sözü ilə açan YAP Beyləqan rayon təşkilatının sədri Müşfiq Səfərov könüllü fəallara fədakar fəaliyyətlərinə görə təşəkkür edərək bildirdi ki, Yeni Azərbaycan Partiyası ölkəmizdə hüquqi dövlət, vətəndaş cəmiyyəti quruculuğu, demokratik inkişaf prosesində yaxından iştirak edir və müstəqil Azərbaycan dövlətinin inkişaf etməsində öz töhfəsini əsirgəmir. Müşfiq Səfərov çıxışında qeyd etdi ki, bu gün təşkil edilən görüşün məqsədi Ümummilli Lider Heydər Əiyevin ideyalarını, Prezident İlham Əliyevin yürütdüyü daxili və xarici siyasəti təbliğ etmək məqsədi ilə gəncləri müxtəlif mövzularda daha ətraflı məlumatlandırmaq, işin səmərəliliyini artırmaq və mövcud problemləri aradan qaldırmaqdır. Həyatımızın bütün sahələrində gənclərin fəallığı, təşəbbüskarlığı, irimiqyaslı layihələrin icrasında və idarəetmədə rolu artmış, vətənpərvərlik ruhu və vətəndaşlıq mövqeyi möhkəmlənmişdir. Bu gün Azərbaycan gəncliyi ictimai həyatın bütün sahələrində fəal iştirak edirlər. Onlar ölkə rəhbərliyinin siyasi, iqtisadi, hümanitar sahələr üzrə həyata keçirdiyi tədbirlərə hər zaman dəsdək verir, cəmiyyətdə sabitliyin və inkişafın təmin olunmasında yaxından iştirak edirlər. Cənab Prezident İlham Əliyev özünün çıxışlarında mütəmadi olaraq gənclərin ictimai-siyasi və humanitar proseslərdə göstərdiyi səyləri nəzərə alaraq bu təbəqəni novator, yeniliyə can atan və vətənpərvər insanlar kimi təqdim edir. Ölkəmizin milli maraqlarının qorunmasında, eləcə də sosial şəbəkələrdə gənclərin fəal rolunun olduğunu bildirən Müşfiq Səfərov müxtəlif sahələrdə gənclərin fəallığının artırılması, gündəmdə olan mövzulara uyğun tezislərin hazırlanması, sosial şəbəkələrdən düzgün və səmərəli şəkildə istifadə olunması barədə iştirakçılara ətraflı məlumat verərərk onları maraqlandıran sualları ətraflı cavablandırdı.

Tədbirdə çıxış edənlər: Beyləqan rayon Gənclər evi Sosial Xidmət Mərkəzinin direktoru Marat Əsgərov və Mil-Muğan Regional Mədəniyyət İdarəsinin Beyləqan rayon Mərkəzləşdirirlmiş Kitabxana Sisteminin direktoru Jalə Cəfərova bildirdilər ki, ölkəmizdə gəncləri sosial praktikaya cəlb edərək özünüinkişafın potensial imkanları barədə maarifləndirmək, elmi, yaradıcı gəncliyə hər cür dəstəyi verilmək dövlətin strateji prioritetlərindəndir. Xüsusilə liderlik keyfiyyətlərinə malik, təşəbbüskar və istedadlı gəncləri üzə çıxarıb inkişafına təkan verən bütöv bir sistem formalaşdırılmaqdadır.

Tədbirin sonunda sosial şəbəkə fəallarına və könüllülərə qiymətli hədiyyələr təqdim edildi.

Paylaş:

Baxılıb: 675 dəfə