Tərtərdə 31 mart- Azərbaycanlıların Soyqrımı Günü qeyd edilib

Bakı:

11 °C

76 %

7 m/s

Əlaqə

AZ RU EN

Ana səhifə / YAP xəbərləri / Tərtərdə 31 mart- Azərbaycanlıların Soyqrımı Günü qeyd edilib

Tərtərdə 31 mart- Azərbaycanlıların Soyqrımı Günü qeyd edilib

31.03.2026 [16:00]

YAP Tərtər rayon təşkilatının və Tərtər Rayon İcra Hakimiyyətinin birgə təşkilatçılığı ilə 31 mart - Azərbaycanlıların Soyqırımına həsr edilmiş tədbir keçirilib.

Tədbirdə ərazi partiya təşkilat sədrləri, idarə, müəssisə, təşkilat üzvləri, şəhid ailələrinin üzvləri, müharibə iştirakçıları və ictimaiyyət nümayəndələri iştirak ediblər.

Əvvəlcə Ümummilli Lider Heydər Əliyevin, 31 mart–soyqrım qurbanlarının və torpaqlarımızın suverenliyi uğrunda canlarından keçən şəhidlərin ruhu bir dəqiqəlik sükutla yad edilib.

Tədbiri giriş sözü ilə açan YAP Tərtər rayon təşkilatının sədr müavini Azər Ağayev 31 mart tarixinin Azərbaycan xalqının yaddaşında dərin iz buraxmış faciəli günlərdən biri olduğunu bildirmişdir. Çıxışında bu günün yalnız bir tarix deyil, həm də xalqımıza qarşı törədilmiş kütləvi qırğınların, 1918-ci ilin mart-aprel aylarında baş verən hadisələr Azərbaycan tarixində ən ağrılı səhifələrdən biri kimi yadda qaldığını , bu faciə nəticəsində minlərlə günahsız insan qətlə yetirildiyini, şəhər və kəndlər viran qoyulduğunu bildirmişdir. Bu gün Prezident cənab İlham Əliyev tərəfindən də bu faciənin beynəlxalq aləmdə tanıdılması istiqamətində ardıcıl siyasət həyata keçirilir. Xarici ölkələrdə aparılan təbliğat işləri, elmi konfranslar və sənədli materiallar vasitəsilə dünya ictimaiyyətinə bu həqiqətlər çatdırılır. 31 mart faciəsi Azərbaycan xalqının yaddaşında silinməz iz qoymuşdur. Bu hadisələr təkcə keçmişin acı xatirəsi deyil, həm də gələcək nəsillər üçün bir dərsdir. Tarixi unutmaq belə faciələrin təkrarlanmasına zəmin yarada bilər. Bu gün Azərbaycan dövləti və xalqı şəhidlərin xatirəsini ehtiramla yad edir, onların ruhu qarşısında borcunu yerinə yetirməyə çalışır. Quba Soyqırımı Memorial Kompleksi kimi abidələr bu faciənin canlı şahidi kimi gələcək nəsillərə həqiqətləri çatdırır. 31 mart hadisələri Azərbaycan xalqına qarşı törədilmiş ən ağır cinayətlərdən biridir. Bu faciənin unudulmaması, dünya ictimaiyyətinə düzgün çatdırılması hər bir azərbaycanlının mənəvi borcu olmasını diqqətə çatdırmışdır.

Sonra rayon icra hakimiyyəti başçısı aparatında İctimai-siyasi və humanitar məsələlər sektorunun müdiri Zabil Paşayev, şəhər 1 nömrəli tam orta məktəbin direktoru Amil Hüseynov, Qamqınların və Məcburu Köçkünlərin İşləri üzrə Dövlət Komitəsinin rayon bölməsinin baş məsləhətçisi Elmir Xəlilov ,Hüsənli ərazi partiya təşkilatının sədri Gülüstan Əhmədova çıxış edərək, 31 Mart Soyqrımının xalqımızın qan yaddaşına əbədi həkk olunduğunu, gənclərin vətənpərvərlik ruhunda tərbiyə olunmasında bu faciələrin anılmasının mühüm əhəmiyyətinin vacibliyini vurğulayıblar. 44 günlük Vətən müharibəsində qazanılan Şanlı Zəfərdən, ölkəmizin hərbi, iqtisadi sahədə qüdrətlənməsindən, beynəlxalq münasibətlərdə və diplomatik görüşlərdə nüfuzlu mövqeyindən bəhs ediblər.

Paylaş:

Baxılıb: 364 dəfə