Prezident İlham Əliyevin YAP-ın VIII Qurultayındakı nitqindən irəli gələn vəzifələr müzakirə olunub

Bakı:

20 °C

73 %

7 m/s

AZ RU EN

Ana səhifə / YAP xəbərləri / Prezident İlham Əliyevin YAP-ın VIII Qurultayındakı nitqindən irəli gələn vəzifələr müzakirə olunub

Prezident İlham Əliyevin YAP-ın VIII Qurultayındakı nitqindən irəli gələn vəzifələr müzakirə olunub

20.10.2026 [18:56]

Azərbaycan Respublikasının Prezidenti, Yeni Azərbaycan Partiyasının sədri cənab İlham Əliyevin YAP-ın VIII Qurultayındakı nitqindən irəli gələn məsələlərlə bağlı YAP Kəngərli rayon təşkilatının İcra Hakimiyyəti və Təhsil şöbəsi ərazi partiya təşkilatlarında tədbirlər keçirilib.

Tədbirlərdə əvvəlcə Ümummilli Lider Heydər Əliyevin və Azərbaycanın müstəqilliyi, ərazi bütövlüyü və suverenliyi uğrunda canlarından keçmiş şəhidlərin əziz xatirəsi bir dəqiqəlik sükutla yad edilib.

Tədbirlərin əsas mövzusu VIII Qurultayın qərarlarının əhəmiyyəti, dövlətçilik ideologiyasının möhkəmləndirilməsi, partiyanın ictimai-siyasi fəaliyyətinin yeni dövrün tələblərinə uyğun təşkili və qarşıda duran vəzifələr olub.

Tədbirlərdə çıxış edən natiqlər bildiriblər ki, Azərbaycanın gələcək inkişafı milli dəyərlərə bağlılığın, siyasi sabitliyin və dövlət maraqlarının ardıcıl müdafiəsinin təmin olunması ilə sıx bağlıdır. Vurğulanıb ki, Prezident İlham Əliyevin rəhbərliyi ilə həyata keçirilən siyasət ölkəmizin gücünü artırmaqla yanaşı, qarşıya yeni hədəflər və məsuliyyətlər qoyur. Qeyd olunub ki, VIII Qurultay partiyanın gələcək fəaliyyətinə istiqamət verən mühüm siyasi platformadır və onun müəyyənləşdirdiyi vəzifələrin icrası hər bir üzvdən prinsipial mövqe, təşəbbüskarlıq və şəxsi məsuliyyət tələb edir. Partiyanın gücü yalnız sıralarının genişliyi ilə deyil, üzvlərinin gördüyü işin nəticəsi, cəmiyyətə verdiyi fayda və dövlətçilik ideyalarına sadiqliyi ilə ölçülür. Bu baxımdan hər bir partiya üzvü öz fəaliyyətində nümunə göstərməli, milli maraqların qorunmasına və ictimai etimadın möhkəmlənməsinə çalışmalıdır.

Çıxış edənlər qurultaydan irəli gələn vəzifələrin yerli səviyyədə həyata keçirilməsinin əhəmiyyətinə toxunaraq, xüsusilə təhsil sahəsində milli-mənəvi dəyərlərin təbliği, gənc nəslin vətənpərvərlik ruhunda yetişdirilməsi və dövlətçilik ənənələrinə hörmətin aşılanmasının vacibliyini diqqətə çatdırıblar. Həmçinin partiya üzvlərinin ictimai proseslərdə fəal iştirakı və əhali ilə işin daha səmərəli təşkili məsələləri vurğulanıb.

Tədbirlərdə qarşıda duran vəzifələrin icrası və ərazi partiya təşkilatlarının fəaliyyətinin təkmilləşdirilməsi istiqamətində fikir mübadiləsi aparılıb.

Paylaş:

Baxılıb: 1 dəfə

Xəbər lenti

Hamısına bax