YAP Quba rayon təşkilatının ərazi partiya təşkilatında YAP-ın VIII Qurultayının yekunlarına həsr olunmuş müşavirə keçirilib

Bakı:

22 °C

83 %

4 m/s

AZ RU EN

Ana səhifə / YAP xəbərləri / YAP Quba rayon təşkilatının ərazi partiya təşkilatında YAP-ın VIII Qurultayının yekunlarına həsr olunmuş müşavirə keçirilib

YAP Quba rayon təşkilatının ərazi partiya təşkilatında YAP-ın VIII Qurultayının yekunlarına həsr olunmuş müşavirə keçirilib

21.10.2026 [19:05]

Yeni Azərbaycan Partiyası (YAP) Quba rayon təşkilatının “ Quba şəhəri, Əliqulu Nərimanov küçəsi 56” ünvanında yerləşən (Quba-Xaçmaz Regional Təhsil İdarəsi ) ərazi partiya təşkilatında YAP-ın VIII Qurultayının yekunlarına həsr olunmuş müşavirə keçirilib.

Tədbir Azərbaycan xalqının Ümummilli Lideri, Yeni Azərbaycan Partiyasının qurucusu Heydər Əliyevin və Azərbaycanın ərazi bütövlüyü, müstəqilliyi və suverenliyi uğrunda canlarından keçmiş şəhidlərin əziz xatirəsinin bir dəqiqəlik sükutla yad edilməsi ilə başlayıb.

Müşavirədə çıxış edən YAP Quba rayon təşkilatının sədri Fidan Hüseynova VIII Qurultayın partiyanın siyasi həyatında mühüm mərhələ olduğunu vurğulayıb. O, qeyd edib ki, Ümummilli Lider Heydər Əliyevin yaratdığı Yeni Azərbaycan Partiyası ötən dövr ərzində zəngin siyasi təcrübə qazanaraq dövlətçilik ənənələrinin qorunması, milli maraqların müdafiəsi və Azərbaycanın davamlı inkişafı istiqamətində mühüm rol oynayıb. Bu gün Prezident, Yeni Azərbaycan Partiyasının Sədri İlham Əliyevin rəhbərliyi ilə həyata keçirilən məqsədyönlü siyasət ölkəmizin beynəlxalq mövqelərinin möhkəmlənməsinə, siyasi və iqtisadi qüdrətinin artmasına, qarşıya qoyulan strateji hədəflərin ardıcıl şəkildə reallaşdırılmasına xidmət edir. Fidan Hüseynova VIII Qurultayın qarşıya qoyduğu vəzifələrin partiya üzvləri üçün yeni məsuliyyət müəyyənləşdirdiyini, hər bir üzvün öz fəaliyyəti ilə bu hədəflərin həyata keçirilməsinə töhfə verməsinin vacibliyini diqqətə çatdırıb.

Quba-Xaçmaz Regional Təhsil İdarəsinin müdiri Coşğun Əliyev çıxışında VIII Qurultayın əhəmiyyətindən danışaraq, Yeni Azərbaycan Partiyasının ölkənin ictimai-siyasi həyatındakı aparıcı mövqeyini və dövlətçilik maraqlarının qorunmasındakı rolunu qeyd edib. O, Prezident İlham Əliyevin rəhbərliyi ilə Azərbaycanın əldə etdiyi nailiyyətlərin milli birliyin, siyasi sabitliyin və düşünülmüş inkişaf strategiyasının nəticəsi olduğunu bildirib. Təhsil sahəsinin cəmiyyətin gələcəyinin formalaşmasında mühüm yer tutduğunu vurğulayan Coşğun Əliyev təhsil işçilərinin dövlət siyasətinin prioritetlərinin həyata keçirilməsində, gənc nəslin vətənpərvərlik və milli-mənəvi dəyərlər ruhunda yetişdirilməsində məsuliyyətini xüsusi qeyd edib.

Quba-Xaçmaz Regional Təhsil İdarəsinin Quba rayonu üzrə təhsil sektorunun müdiri, ərazi partiya təşkilatının sədri Pərviz Nurməmmədov çıxışında VIII Qurultayın qərar və tövsiyələrinin partiyanın gələcək fəaliyyəti baxımından əhəmiyyətini vurğulayıb. O, Ümummilli Lider Heydər Əliyevin siyasi kursunun Prezident İlham Əliyev tərəfindən uğurla davam etdirildiyini qeyd edərək, təhsil işçilərinin keyfiyyətli təhsilin təmin olunması, gənc nəslin milli-mənəvi dəyərlər və vətənpərvərlik ruhunda yetişdirilməsi istiqamətindəki məsuliyyətindən danışıb.

Quba şəhər Hikmət Hüseynov adına 4 nömrəli Humanitar fənlər təmayüllü məktəb-liseyin hərbi rəhbəri, Vətən müharibəsi qazisi Taryel Ağasıyev çıxışında Prezident, Müzəffər Ali Baş Komandan İlham Əliyevin rəhbərliyi ilə qazanılan tarixi Zəfərin xalqımızın birliyinin və ordumuzun gücünün təcəssümü olduğunu bildirib. O, gənc nəslin hərbi-vətənpərvərlik ruhunda tərbiyəsinin, şəhidlərin qəhrəmanlığının təbliğinin və VIII Qurultayın müəyyən etdiyi hədəflərin həyata keçirilməsində partiya üzvlərinin fəallığının vacibliyini vurğulayıb.

Müşavirədə VIII Qurultayın qərarlarından irəli gələn vəzifələr, partiya fəaliyyətinin müasir tələblərə uyğun qurulması, üzvlərin ictimai-siyasi fəallığının artırılması və dövlətçilik ideyalarının təbliği məsələləri ətrafında fikir mübadiləsi aparılıb.

Tədbirdə Yeni Azərbaycan Partiyasının sıralarına yeni qəbul olunmuş üzvlərə partiya vəsiqələri təqdim edilib.

Sonda Yeni Azərbaycan Partiyasının Himni səsləndirilib.

Paylaş:

Baxılıb: 1 dəfə

Xəbər lenti

Hamısına bax