YAP Hacıqabul rayon təşkilatında ərazi ilk partiya təşkilatlarının sədrləri ilə videokonfrans formatında görüş keçirilib

Bakı:

24 °C

54 %

3 m/s

AZ RU EN

Ana səhifə / YAP xəbərləri / YAP Hacıqabul rayon təşkilatında ərazi ilk partiya təşkilatlarının sədrləri ilə videokonfrans formatında görüş keçirilib

YAP Hacıqabul rayon təşkilatında ərazi ilk partiya təşkilatlarının sədrləri ilə videokonfrans formatında görüş keçirilib

10.07.2020 [09:37]

Yeni Azərbaycan Partiyası (YAP) Hacıqabul rayon təşkilatında ərazi ilk partiya təşkilatlarının sədrləri ilə videokonfrans formatında görüş keçirilib.
Videokonfransda çıxış edən YAP Hacıqabul rayon təşkilatının sədri Hafis Bəşirov qlobal bəlaya çevrilmiş yeni növ koronavirus (COVID-19) pandemiyasının ölkəmizdə yayılmasının qarşısının alınması, o cümlədən pandemiyanın ölkə iqtisadiyyatına, vətəndaşların sosial-iqtisadi vəziyyətinə təsirlərinin minimuma endirilməsi istiqamətində atılan addımlardan danışıb.
Rayon təşkilatının sədri bildirib ki, pandemiyaya qarşı mübarizədə fəal rol oynayan ölkəmiz bu gün koronavirusa qarşı qlobal həmrəyliyin vacibilyini ortaya qoyur, bu istiqamətdə əməli addımları ilə seçilir. Azərbaycan Prezidenti İlham Əliyevin Qoşulmama Hərəkatının Sədri kimi BMT-nin Baş Assambleyasının COVID-19-la mübarizəyə həsr olnumuş xüsusi sessiyasının keçirlməsinə dair təşəbbüs irəli sürdüyünü deyən H.Bəşirov bu təşəbbüsün dünyanın 130-dan artıq dövləti tərəfindən dəstəkləndiyini diqqətə çatdırıb.
O qeyd edib ki, Prezident İlham Əliyevin BMT Baş Assambleyasının xüsusi sessiyasının təşkil olunması təşəbbüsünün yüksək səviyyədə dəstəkləməsi, böyük rəğbətlə qarşılanması ölkəmizin beynəlxalq nüfuzunun göstəricisidir: “Ölkə Prezidentinin bu təşəbbüsü dünyanın əksər dövlətləri tərəfindən zəruri bir addım kimi qiymətləndirilib. Bu, ölkəmizin, dövlət başçımızın böyük diplomatik uğurudur, tarixi nailiyyətidir. Ölkə Prezidentinin bəşəriyyət üçün son dərəcə böhranlı bir zamanda irəli sürdüyü bu təşəbbüs Azərbaycan dövlətinin qlobal həmrəyliyə, sülhə verdiyi bir töhfədir, ölkəmizin pandemiyaya qarşı mübarizədə beynəlxalq əməkdaşlığın qurulması yönündə addımlar atmasının təzahürüdür”.
Videkonfransda çıxış edən natiqlər Azərbaycan Prezidentinin koronavirus pandemiyasına qarşı mübarizədə səylərin birləşdirilməsi məqsədi ilə irəli sürdüyü təşəbbüsün yüksək səviyyədə dəstəklənməsinin ölkəmizin beynəlxalq aləmdə etibarlı tərəfdaş olmasından xəbər verdiyini qeyd ediblər.
Tədbirdə, həmçinin YAP İcra Katibliyinin verdiyi tövsiyə və tapşırıqlar barədə ərazi ilk partiya təşkilatları sədrlərinə məlumatlar verilib, qarşıda duran məsələlər və mövcud dövrdə yaranan problemlərinin həlli yolları, partiyadaxili təşkilati məsələlər müzakirə edilib.

Paylaş:

Baxılıb: 655 dəfə