Ramin Məmmədov: Yeni Azərbaycan Partiyasının VII qurultayında qəbul olunmuş qərarlar partiyamızın gələcək fəaliyyətində yeni mərhələnin əsasını təşkil edir

Bakı:

16 °C

72 %

11 m/s

AZ RU EN

Ana səhifə / YAP xəbərləri / Ramin Məmmədov: Yeni Azərbaycan Partiyasının VII qurultayında qəbul olunmuş qərarlar partiyamızın gələcək fəaliyyətində yeni mərhələnin əsasını təşkil edir

Ramin Məmmədov: Yeni Azərbaycan Partiyasının VII qurultayında qəbul olunmuş qərarlar partiyamızın gələcək fəaliyyətində yeni mərhələnin əsasını təşkil edir

16.03.2021 [09:39]

“Yeni Azərbaycan Partiyasının (YAP) VII qurultayı və qurultayda qəbul olunmuş qərarlar partiyamızın gələcək fəaliyyətində yeni mərhələnin əsasını təşkil edir. Məlumdur ki, ölkəmizdə Prezident İlham Əliyevin rəhbərliyi ilə genişmiqyaslı islahatlar həyata keçirilir. Bu islahatlar siyasi sferanı da əhatə edir. YAP-ın VII qurultayının qərarları da bu islahatların tərkib hissəsi kimi dəyərləndirilə bilər”. Bu fikirləri açıqlamasında Milli Məclisin deputatı, YAP İdarə Heyətinin üzvü Ramin Məmmədov deyib.
Ramin Məmmədov bildirib ki, qurultay yeni mərhələdə YAP-ın yeni yol xəritəsinin, yeni çağırışların, vəzifələrin müəyyənləşdirilməsi baxımından önəmli qərarlar qəbul etdi. Partiyamızın Sədri, Prezident İlham Əliyevin qurultaydakı dərinməzmunlu və proqramxarakterli çıxışında qarşıya qoyulan vəzifələrin yerinə yetirilməsi YAP-ın keyfiyyətcə yeni mərhələyə qədəm qoymasını təmin edəcək. Qurultayda partiyanın yeni Nizamnaməsinin qəbul olunması, struktur dəyişikliyi, yeni formalaşmış İdarə Heyətinə yeni simaların seçilməsi partiyamızın gələcək fəaliyyətinə müsbət təsir göstərəcəkdir.
Millət vəkili qeyd edib ki, hazırda ölkəmizdə normal siyasi dialoq mühiti mövcuddur: “Fikrimcə, partiyamızın qarşısında dayanan vacib vəzifələrdən biri də ölkəmizdə siyasi dialoqun, siyasi islahatların daha da inkişafına yeni töhfələr verməkdən ibarətdir”.
“Məlumdur ki, cənab Prezidentin həyata keçirdiyi siyasi islahatlar nəticəsində Azərbaycanda yeni siyasi konfiqurasiya formalaşıb. Biz bunu VI çağırış Milli Məclisin timsalında da görürük. Ölkəmizdə siyasi sistemi möhkəmləndirmək, siyasi münasibətləri sağlam zəmində gücləndirmək üçün parlamentin və onun komitələrinin rəhbərliyində müxalif partiyaların nümayəndələri də təmsil olunub. Hazırda Milli Məclisdə 11 siyasi partiyanın nümayəndələri təmsil olunur. Bu qədər partiyanın parlamentdə təmsil olunması və müxalif partiyalardan olan deputatların parlamentdə mühüm vəzifələrə seçilməsi Azərbaycanın demokratik inkişafı baxımından böyük önəm kəsb edir. Bu baxımdan yeni mərhələdə Yeni Azərbaycan Partiyası siyasi dialoq, milli və ümumdövlət maraqları ətrafında digər siyasi partiyalarla əməkdaşlıq mühitinin möhkəmlənməsinə, Azərbaycanda siyasi münasibətlərin sağlam zəmində inkişafına özünün töhfələrini verəcək”.

Paylaş:

Baxılıb: 653 dəfə