YAP ərazi ilk partiya təşkilatlarının hesabat yığıncağı keçirilib

Bakı:

26 °C

50 %

4 m/s

Əlaqə

AZ RU EN

Ana səhifə / YAP xəbərləri / YAP ərazi ilk partiya təşkilatlarının hesabat yığıncağı keçirilib

YAP ərazi ilk partiya təşkilatlarının hesabat yığıncağı keçirilib

03.05.2023 [16:29]

Yeni Azərbaycan Partiyası Samux rayon təşkilatında ərazi ilk partiya təşkilatlarının 2023-cü ilin I rübündə görülən işlərə dair hesabat yığıncağı keçirilib. Əvvəlcə Yeni Azərbaycan Partiaysının qurucusu, ümumilli lider Heydər Əliyevin və ölkəmizin ərazi bütövlüyü uğrunda gedən döyüşlərdə şəhid olanların xatirəsi bir dəqiqəlik sükutla yad edilib.

Yığlncağı giriş sözü ilə açan YAP Samux rayon təşkilatının sədri Gündüz Bayramov partiyanın yaranma tarixi, inkişaf mərhələləri, ölkənin ictimai-siyasi həyatındakı müstəsna rolundan danışıb, cari ilin I rübündə təşkilatda görülən işlər haqqında hesabat verib. Qeyd edib ki, hesabat dövründə YAP Samux Rayon Təşkilatı YAP-ın Nizamnaməsindən irəli gələn səlahiyyətlərin həyata keçirilməsini təmin etmiş, habelə rayonda YAP-ın fəaliyyətinin təşkilati, hüquqi və analitik-informasiya təminatını həyata keçirmişdir. Öz işini “Yeni Azərbaycan Partiyasının yerli təşkilatları haqqında əsasnamə”si, eləcə də Mərkəzi Aparatın tapşırıqları və rayon təşkilatının aparatı tərəfindən təsdiq edilmiş illik iş planı əsasında qurmuşdur. Rüb ərzində qarşıda duran vəzifələr uğurla icra edilmişdir.

Sonra YAP ərazi ilk partiya təşkilatının sədrləri hesabat məruzəsi ilə çıxış edərək bildiriblər ki, ötən dövrdə partiyanın qurucusu, ümummilli lider Heydər Əliyev ideyalarının yaşadılması, Azərbaycan Respublikasının Prezidenti, Yeni Azərbaycan Partiyasının sədri İlham Əliyevin uğurlu daxili və xarici siyasətinin, ölkəmizin ictimai-siyasi, sosial-iqtisadi sahələrində əldə olunan nailiyyətlərinin ictimaiyyət arasında geniş təbliğ edilməsi istiqamətində mühüm tədbirlər görülüb. Eyni zamanda YAP-ın proqram və prinsiplərinin təbliği, partiya sıralarının genişləndirilməsi işlərinə xüsusi diqqət yetirilib. YAP ərazi ilk partiya təşkilatının sədrləri onlara göstərilən etimadı yüksək qiymətləndirərək layiqincə doğruldacaqlarını bildiriblər.

Ərazi ilk partiya təşkilatlarının hesabat dövrü ərzində fəaliyyətləri qənaətbəxş qiymətləndirilib.

Tədbirdə çıxış edən YAP Samux rayon təşkilatının sədri Gündüz Bayramov partiyanın VII Qurultayından bəhs edərək yeni Nizamnamə və proqramın, eləcə də struktur dəyişikliklərinin partiyanın gələcək inkişafına əsaslı zəmin yaratdığını bildirib. G.Bayramov qarşıda duran vəzifələr haqqında bəhs edərərk ərazi partiya təşkilatlarının sistemli və keyfiyyətli fəaliyyət göstərməsi üçün tövsiyyələrini verib.

Paylaş:

Baxılıb: 704 dəfə