Laçın yolundakı sərhəd-buraxılış məntəqəsi – Azərbaycanın ərazi bütövlüyünün qarantıdır

Bakı:

16 °C

100 %

2 m/s

Əlaqə

AZ RU EN

Ana səhifə / YAP xəbərləri / Laçın yolundakı sərhəd-buraxılış məntəqəsi – Azərbaycanın ərazi bütövlüyünün qarantıdır

Laçın yolundakı sərhəd-buraxılış məntəqəsi – Azərbaycanın ərazi bütövlüyünün qarantıdır

05.09.2023 [14:39]

2020-ci il 10 noyabr tarixli üçtərəfli Bəyanata uyğun olaraq Azərbaycan ərazisindəki qeyri-qanuni erməni silahlı dəstələri üçün canlı qüvvə, silah-sursat, mina, eləcə də digər hərbi təyinatlı vasitələrin daşınmasının qarşısının alınması məqsədilə və Ermənistan tərəfindən cari ilin aprelin 22-də birtərəfli qaydada Azərbaycan ilə sərhəddə Laçın-Xankəndi yolunun girişində nəzarət buraxılış məntəqəsinin qurulmasına adekvat olaraq aprelin 23-ü saat 12:00-da Azərbaycan Respublikası Dövlət Sərhəd Xidmətinin bölmələri tərəfindən ölkəmizin suveren ərazilərində, Ermənistan ilə sərhəddə, Laçın-Xankəndi yolunun başlanğıcında sərhəd-buraxılış məntəqəsi qurdu. Bu, Azərbaycanın suveren hüququ olmaqla yanaşı Brüsseldə Ermənistanla qarşılıqla anlaşma əsasında baş tutmuşdur. Lakin, sonradan Azərbaycanın Naxçıvanla əlaqəsini təmin etməkdən boyun qaçırdan Ermənistan tərəfi Azərbaycanın adekvat adımını beynəlxalq səviyyədə “etnik təmizləmə” kimi qələmə vermək istəyirdi. Və bu günlərdə Azərbaycanın humanitar yardım təklifindən imtina isə bu “aclıq” şousunun Ermənistan və Fransa kimi havadarlarının təhriki ilə baş tutmasıdan xəbər verir.

Azərbaycanın öz torpaqları üzərində suveren hüquqi mexanizmlərinin tətbiqini fərqli qələmə verməsi, Avropa Birliyi, BMT və Rusiyaya Laçın yolu ilə bağlı dəfələrlə müraciət etməsi və rədd cavabı almasına baxmayaraq, son günlər müşahidə etdiyimiz ucuz aclıq şousuna əl atdı. Son olaraq, Ermənistana izah olundu ki, əgər qarşılıqlı ərazi bütövlüyünün tanınması baş tutbsa, bu tip diplomatik şouların heç bir hüquqi əsası yoxdur.

Hətta, 25 may 2023-ci il tarixində Rusiya Federasiyası Prezidenti Vladimir Putin Ali Avrasiya İqtisadi Şurasının geniş tərkibdə iclasında belə qeyd etdi: "Razılaşmalar terminologiyadan daha vacibdir. Bütün MDB ölkələri Bakı ilə İrəvan arasında münaqişəyə son qoymaqda maraqlıdırlar".

Paşinyanın riyakarcasına 2020-ci il 10 noyabr tarixli üçtərəfli Bəyanata istinadən “dəhliz sözünün yalnız Laçın dəhlizinə aid edilməsi” ifadəsinə Prezident İlham Əliyevin çox diplomatik və peşakar cavabı Paşinyanı diplomatik nokauta saldı :

“Mənim istifadə etdiyim “dəhliz” sözünə gəldikdə, o zaman mən bu kəlməni dəqiq olaraq “Şimal-Cənub” dəhlizinə münasibətdə də işlətmişəm, bu söz elə həmin dəqiqliklə “Şərq-Qərb” dəhlizinə münasibətdə də istifadə olunur. “Dəhliz” sözü heç də kiminsə ərazisinə göz dikmək demək deyil. Bu, beynəlxalq termindir və düşünürəm, beynəlxalq terminologiya ilə tanış olan insanlar yəqin ki, ona bu gün Ermənistanın baş naziri kimi məna verməzdilər. Vladimir Vladimiroviçin dediyi kimi və Ermənistanın rəsmən Qarabağı Azərbaycanın tərkib hissəsi kimi tanıdığını nəzərə alsaq, hesab edirəm ki, sülh sazişinə nail olmaq üçün imkanlar var.”

Lakin, Ermənistan bu tarixi imkanları dəyərləndirmək əvəzinə müxtəlif güclərin təzyiq və oyun alətinə çevirilib.

Paylaş:

Baxılıb: 576 dəfə