Heydər Əliyev yeni azerbaycan logo

Ana səhifə / Xəbər lenti / Deputat Ağalar Vəliyev Ramazan Bayramı münasibətilə şəhid və qazi ailələrinə maliyyə yardımı və bayram sovqatları çatdırıb

Deputat Ağalar Vəliyev Ramazan Bayramı münasibətilə şəhid və qazi ailələrinə maliyyə yardımı və bayram sovqatları çatdırıb

29.04.2022 [15:08]

Milli Məclisin deputatı Ağalar Vəliyev 97 saylı Goranboy - Ağdam - Tərtər Seçki Dairəsinin seçicilərinə Ramazan Bayramı  münasibətilə təbrik ünvanlayıb. Təbrikdə deyilir  ki, ölkəmizdə vicdan və etiqad azadlığının, dövlət-din münasibətlərinin mütərəqqi tarixi ənənəyə və beynəlxalq hüquq normalarına uyğun təmin edilməsi, milli dəyərlərimizin təbliği və təşviqi dövlətimizin siyasətinin əsas prioritetlərindəndir.

Artıq ikinci ildir ki, xalqımız Ramazan Bayramını  möhtərəm Prezidentimiz, Müzəffər Ali Baş Komandanımız cənab İlham Əliyevin rəhbərliyilə  Vətən Müharibəsində əldə etdiyimiz böyük zəfərdən irəli gələn qalibiyyət ovqatı və işğaldan olunmuş torpaqlarımızda əzmlə aparılan bərpa,  yenidənqurma və  quruculuq işlərindən doğan qürur hissi ilə qeyd edir.

Müqəddəs kitabımız Qurani-Kərimin nazil olduğu, ən ülvi hissləri və nəcib niyyətləri özündə təcəssüm etdirən, xalqımızın mənəvi zənginliyini və birliyini daha da gücləndirən mübarək Ramazan günlərində ölkəmizin firavanlığı və tərəqqisi naminə dualar oxunur, Azərbaycanın müstəqilliyi və ərazi bütövlüyü uğrunda canından keçmiş qəhrəman Vətən övladlarının ölməz xatirəsi dərin ehtiramla yad edilir və igid  qazilərimizə  şəfalar dilənir. Qədrbilən xalqımız şəhidlərimizin müqəddəs adını həmişə uca tutur, şəhid ailələrinə və müharibə əlillərinə diqqətini və qayğısını heç vaxt əsirgəmir.

Millət vəkili Ramazan Bayramı münasibəti ilə seçicilərinə səmimi təbriklərini və xoş arzularını yetirərək vurgulayıb ki, bu günlərdə cənab Prezidentin iştirakı ilə Şuşada keçirilən və Zəfər Qurultayı kimi şərəfli tariximizə həkk olunan Dünya Azərbaycanlılarının V qurultayında qeyd olunduğu kimi, işğaldan azad olunmuş rayonlarımıza böyük qayıdışımız sülh və əmin-amanlıq şəraitində uğurla gerçəkləşəcək, döğma Qarabağımız qısa müddətdə dirçələcək və dünyanın ən gözəl diyarlarından birinə çeviriləcək. Bundan sonra  Azərbaycan xalqı müzəffər xalq kimi, Azərbaycan dövləti isə qalib dövlət kimi əbədi yaşayacaq.

Deputatın ofisindən daxil olan məlumata əsasən Ağalar Vəliyevin təşəbbüsü və dəstəyi ilə 97 saylı Seçki Dairəsinə daxil olan Goranboy, Ağdam və Tərtər rayonlarının yaşayış məntəqələrindən 467 şəhid ailəsinə və Qarabağ əlillinə Ramazan bayramı ərəfəsində maddi yardım göstərilib, həmçinin bayram münasibətilə həmin rayonların 1 000-nə yaxın şəhid, qazi, əlil və aztəminatlı ailəsinə təbrik açıqcaları ilə birgə bütün zəruri ərzaq məhsullarından ibarət bayram sovqatları çatdırılıb.  

Seçicilər onlara göstərilən diqqət və qayğıya görə ölkə rəhbərliyinə minnətdarlığını ifadə edib və bu kimi aksiyaların bundan sonra da mütəmadi olaraq davam etdiriləcəyi onlara bildirilib.

Paylaş:
Baxılıb: 179 dəfə

Xəbər lenti

Hamısına bax

Sosial

İqtisadiyyat

Prezident bu gün

Prezident bu gün

28 May 10:15

İqtisadiyyat

Xəbər lenti

Xəbər lenti

Arxiv
B Be Ça Ç Ca C Ş
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31