Heydər Əliyev
yeni azerbaycan logo

Ana səhifə / Analitik / Macarıstanda nə baş verir?

Macarıstanda nə baş verir?

13.02.2024 [11:18]

Macarıstan Prezidenti Katalin Novakın istefa verməsi hökumətdə müəyyən narahatlıqlar yaradıb. Belə ki, fevralın 10-da Katalin Novak istefasını pedofiliya cinayətində əli olan şəxsin əfv olunması ilə bağlı qalmaqal fonunda etdiyini açıqlayıb. Novakın istefası Macarıstanın bütün müxalifət partiyaları tərəfindən tələb edilib, çünki o, 2023-cü ildə pedofiliya cinayətində iştirak etməkdə təqsirli bilinən şəxsi əfv edib.

Qeyd edək ki, Milli televiziyada istefasının səbəbindən danışan xanım Novak “Mən səhv etdim” deyib. Bu günlərdə məlum olub ki, digər məhbuslarla yanaşı, ifadəsindən imtina etməsi üçün azyaşlı şagirdlərdən birini şantaj edərək cinayət törətməkdə təqsirli bilinən pedofil müdirini qorumağa çalışan uşaq evinin direktor müavini də azad edilib. Əfv Papa Fransiskin Budapeştə apostol səfəri ilə eyni vaxta təsadüf edib.

Prezident etiraf edib

“Mən çoxlarını çaşdıran və təşvişə salan mərhəmətli bir qərar verdim. Onların izahat istəmələri başa düşüləndir. Əfv etmək hüququ bəlkə də ən incəsidir, çünki insanın taleyi ilə bağlı əfv haqqında ərizə və mövcud məlumatlar əsasında qərar qəbul edilir. Keçən ilin aprelində məhkumun ona əmanət edilmiş uşaqların zəifliyindən sui-istifadə etmədiyinə inanaraq əfv haqqında qərar qəbul etdim. Səhv etmişəm, çünki əfv qərarı pedofiliyaya qarşı sıfır dözümlülüyə şübhələr yarada bilərdi. Buna heç bir şübhə ola bilməz ki, uşaqlara fiziki və ya mənəvi təcavüz edən birinə heç vaxt mərhəmət etməzdim. Bu belə idi və bu gün də belədir”, - deyə xanım Novak bildirib.

Qeyd edək ki, Novak ətrafında yaranmış vəziyyət Macarıstan hökumətində ciddi narahatlıq yaradıb. Xarici KİV-lərin bildirdiyinə görə, baş nazir Viktor Orban prezidentin və onun əməkdaşlarının hərəkətlərindən son dərəcə narazı olub. Qalmaqalı aradan qaldırmaq üçün o, fevralın 8-də parlamentə ölkə konstitusiyasına pedofiliyaya görə məhkum olunmuş cinayətkarların əfv edilməsini qadağan edən düzəliş təqdim etməyi təklif edib.

Novakın ardınca Macarıstanın keçmiş ədliyyə naziri, Avropa Parlamentinə qarşıdan gələn seçkilərdə hakim Fides-Macar Vətəndaş Birliyi partiyasının siyahısına başçılıq edən Judit Varqa istefa verdiyini açıqlayıb. Budapeştdə verdiyi bəyanatda o, Macarıstan prezidentinin qərarının hazırlanmasına cavabdeh olduğunu qeyd edib.

N.BAYRAMLI

Paylaş:
Baxılıb: 164 dəfə

Xəbər lenti

Hamısına bax

Xəbər lenti

Xəbər lenti

Xəbər lenti

Xəbər lenti

Xəbər lenti

Gündəm

Xəbər lenti

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31