Xudafərindən Naxçıvana, yaxud siyasi mənfəəti dini dəyərlərdən üstün tutan rejim

Bakı:

20 °C

60 %

5 m/s

Əlaqə

AZ RU EN

Ana səhifə / Arxiv / Xudafərindən Naxçıvana, yaxud siyasi mənfəəti dini dəyərlərdən üstün tutan rejim

Xudafərindən Naxçıvana, yaxud siyasi mənfəəti dini dəyərlərdən üstün tutan rejim

07.03.2026 [11:16]

“Yeni geostrateji konfiqurasiyadan kənarda qalaraq bölgədə autsayder vəziyyətinə düşən İran siyasi isterikadadır. Belə olmasaydı, mehriban qonşuluq prinsipi əsasında daim xoş niyyət göstərərək dostluq əlini uzadan, mütəmadi şəkildə siyasi jestlərlə etimad mühiti formalaşdırmağa çalışan Azərbaycana qarşı terror - təxribat xarakterli hücuma cəhd göstərməzdi”.

Bu fikirləri Yeni Azərbaycan Partiyası Mərkəzi Aparatının İnformasiya texnologiyaları və ictimaiyyətlə əlaqələr şöbəsinin müdiri Nurlan Qələndərli deyib.

Onun sözlərinə görə, tarixi Zəfər qazanaraq ərazi bütövlüyünü bərpa edən Azərbaycan İranla münasibətlərdə tamamilə yeni bir səhifə açmaq niyyətində idi: “Xüsusilə də, qələbədən dərhal sonra Prezident, Müzəffər Ali Baş Komandan İlham Əliyevin Xudafərin körpüsünü “dostluq körpüsü” adlandırmasını rəsmi Tehran ona uzadılan dost əli kimi qiymətləndirməliydi. Amma bu ölkə Azərbaycanın sərhəd təhlükəsizliyini təmin etməsindən narahatlıq duyaraq bunu İranın “qırmızı xətti” kimi dəyərləndirməklə, sərhədlərimizin yaxınlığında hərbi təlimlər keçirməklə, necə deyərlər, körpüləri yandırdı. Bundan sonra bir-birinin ardınca yeni istehsalına başladıqları PUA-larla məğlub Ermənistan ordusunu silahlandırmaları, Qafanda tələm-tələsik konsulluq açmaları, Tehranla İrəvan arasında qardaşlaşma müqaviləsinin imzalanması və İran mediasında Azərbaycan əleyhinə aparılan qara piar kampaniyasının şiddətlənməsi reallıqların nədən ibarət olduğunu göstərdi. Nəhayət, bu dövlətin müsəlmanlara qarşı misli görünməmiş terror aktları, soyqırımı törətmiş ermənilərə qucaq açması İranın adında daşıdığı İslamla heç bir əlaqəsi olmadığını, dindən siyasi maraqları təmin etmək üçün riyakarcasına istifadə etdiyini göstərir. Bəli, görünən dağa bələdçi lazım deyil: fars rejimi üçün siyasi mənfəət dini dəyərlərdən üstündür”.

Şöbə müdiri vurğulayıb ki, bir müddət əvvəl hansısa əyalət mollasını ölkənin danışan dilinə çevirərək Azərbaycana qarşı iftiralar səsləndirilməsi siyasi acizliyin və miskinliyin pik həddi olmaqla heç də dövlətçilik ənənələrindən, strateji diplomatiyadan və böyük siyasətdən xəbər vermirdi: “Bu gün isə Naxçıvan Muxtar Respublikasında mülki obyektlərə hücum aktları birmənalı şəkildə regionda gərginliyin artmasına hədəflənən hərbi-siyasi sabotajdır. Bu, böhran vəziyyətindəki Tehranın dövlət ərkanı və ağlına malik olmadığını təsdiqləyir. Heç şübhəsiz, isterika və geosiyasi təcrid vəziyyətində olan, sanksiya əsirinə çevrilmiş İranın dağıdıcı mövqeyi və qeyri-adekvat siyasəti regionda reallıqları dəyişə, proseslərə yön verə bilməz. Tehran bu reallığı nə qədər tez dərk etsə, bir o qədər özü üçün faydalı olar. Əks halda, bumeranq effekti, yaxud yeni geosiyasi zəlzələlər İranın ciddi dağıntılar altında qalmasına səbəb ola bilər. Hər halda, düşünmək vaxtıdır. Amma təkcə düşünmək yetməz. Azərbaycanın mövqeyi aydın, birmənalı və qətidir: terror-təxribat xarakterli hücuma görə üzr istənilməli, izahat verilməli və cinayətkarlar cəzalandırılmalıdır”.

Paylaş:

Baxılıb: 380 dəfə