Hacıqabulda

Bakı:

25 °C

41 %

1 m/s

Əlaqə

AZ RU EN

Ana səhifə / Arxiv / Hacıqabulda "Xanəgahın daş yaddaşı – Milli memarlıq irsinin izində" adlı regional tədbir keçirildi

Hacıqabulda "Xanəgahın daş yaddaşı – Milli memarlıq irsinin izində" adlı regional tədbir keçirildi

24.04.2026 [18:36]

“Şəhərsalma və Memarlıq ili” çərçivəsində Yeni Azərbaycan Partiyası Hacıqabul rayon və Şirvan şəhər təşkilatlarının birgə təşkilatçılığı, Hacıqabul rayon İcra Hakimiyyəti və Hacıqabul rayon Mədəniyyət Mərkəzinin dəstəyi, “Pir Hüseyn Xanəgahı” Tarix-Memarlıq Qoruğunun ev sahibliyi ilə "Xanəgahın daş yaddaşı – Milli memarlıq irsinin izində" adlı regional tədbir keçirildi.

İlk öncə Azərbaycan Respublikasının dövlət himni səsləndirildi, xalqımızın Ümummilli Lideri Heydər Əliyevin və vətən torpaqları uğrunda canlarını qurban vermiş şəhidlərin əziz xatirəsi bir dəqiqəlik sükutla yad edildi.

Tədbir iştirakçıları ölkəmizin nadir memarlıq incilərindən olan “Pir Hüseyn Xanəgahı” Tarix-Memarlıq Qoruğunu ziyarət etdilər.

Yeni Azərbaycan Partiyası Hacıqabul rayon təşkilatının sədri İsmayıl İbrahimov tədbir iştirakçılarını salamlayaraq bildirdi ki, 2026-cı ilin "Şəhərsalma və Memarlıq İli" elan olunması bu sahədə tarixi ənənələrin yaşadılmasına və mütərəqqi yanaşmaların tətbiqinə çağırışdır. Bu gün biz yalnız bir tarixi məkanı ziyarət etmirik, biz Azərbaycanın orta əsr memarlıq dühasının canlı şahidi ilə təmasdayıq. Hacıqabul rayonu ərazisində, Pirsaat çayı sahilində ucalan Pir Hüseyn xanəgahı, Şirvan-Abşeron memarlıq məktəbinin ən nadir incilərindən biridir. Pir Hüseyn xanəgahı sadəcə bir dini kompleks deyil, o dövrün şəhərsalma mədəniyyətinin mühüm mərkəzi olmuşdur. Kompleksin quruluşu - məscid, minarə, ziyarətgah və kərvansara tipli tikililərin vəhdəti - əcdadlarımızın funksionallıqla estetikani necə məharətlə birləşdirdiyini göstərir. Xüsusilə, xanəgahın kaşı bəzəkləri və kitabələri orta əsr bədii memarlığının zirvəsidir.

Yeni Azərbaycan Partiyası Şirvan şəhər təşkilatının sədri Zahir Qəhrəmanov çıxış edərək bildirdi ki, dövlətimiz tərəfindən elan olunan bu xüsusi il çərçivəsində qarşımızda duran əsas məqsəd tarixi abidələrimizi sadəcə qorumaq deyil, həm də onları müasir şəhər mühitinə inteqrasiya etdirməkdir. "Şəhərsalma və Memarlıq İli" bizdən keçmişin ruhunu saxlayaraq gələcəyin "Ağıllı şəhərlərini" qurmağı tələb edir. Xanəgahın qala divarları bizə təhlükəsizliyi, daxili həyəti isə sosial birliyi simvolizə edir. Güclü dövlətimiz və müasir memarlarımız bu prinsipləri rəqəmsal texnologiyalarla birləşdirərək yeni Azərbaycanın simasını doğma Qarabağımızda yaradırlar, mənfur düşmənin viran qoyduğu müqəddəs Qarabağımızda “Ağıllı kəndlər”, “Ağıllı şəhərlər” inşa edirlər.

Hacıqabul rayon İcra Hakimiyyəti başçısının birinci müavini Saleh Ələskərov, “Pir Hüseyn Xanəgahı” Tarix-Memarlıq Qoruğunun direktoru Məhərrəm Müslümov çıxış edərək qeyd etdilər ki, Azərbaycan şəhərləri qlobal şəhərsalma modellərindən bəhrələnsə də, öz tarixi, mədəni və coğrafi xüsusiyyətlərini qoruyaraq inkişaf yolunu davam etdirir. Məhz bu inkişafın ardıcıl və sistemli şəkildə davam etdirilməsi məqsədilə Prezident cənab İlham Əliyevin sərəncamı ilə 2026-cı il "Şəhərsalma və Memarlıq İli" elan edilib. Bu, təbii ki, xüsusi əhəmiyyət daşıyır və şəhər mühitinin daha planlı qurulmasına, memarlıq irsinin qorunmasına əlavə imkanlar açacaq, daha geniş şərait yaradacaq.

Tarixi ekskursiya muğam sədaları altında və milli çay süfrəsi ətrafında səmimi söhbətlə davam etdirildi.

Paylaş:

Baxılıb: 477 dəfə