Heydər Əliyev
yeni azerbaycan logo

Ana səhifə / Ədəbiyyat / ZƏFƏR NƏĞMƏLƏRİ

ZƏFƏR NƏĞMƏLƏRİ

08.11.2025 [08:28]

ZƏFƏR ŞEİRİ

Qalx ayağa, qoca tarix,

qalx ayağa, qarı düşmən,

Min illərin o başından

bu dünyanın Türkü gəlir.   

Əllərində qılınc-qalxan,

dodağında türkü gəlir.

Ayağında dəmir çarıq,

çiynində boz kürkü gəlir.

Qalx ayağa, haqsız dünya,

gözün haqqı görsün bir də.

Bu zəfərin izi vardı

Sən gördüyün min illərdə

Günbatandan gündoğana,

tappır-tappır gedən atlar,

gumbur-gumbur  gərənaylar, yadındamı, qoca tarix?!

Tanıdınmı, qoca tarix,

sənin hər səhifənə

qırmızı hərflərlə

müjdələr yazan Türkü?!

Bayrağının eşqinə

yağıya qan udduran,

səfləri pozan Türkü.

Qovğalarda sədlər yaran,

dinclikdə ozan türkü.

İndi də çox gözəldi,

“dam-daram-dam” ritminin

möhtəşəm sədaları.

Kəlbəcər də, Laçın da,

Ağdərə də, Şuşa da-

bizimdir nidaları. 

Şəhidlər də, zəfər də,

bu sevinc də, kədər də-

bizimkidir, ana yurd.

Biz kədərlə sevinci

həmişə qoşa gördük.

Əziz günümüzdə də

Verib baş-başa, gördük.

Sınmadıq, əyilmədik,

Çox şükür bu günü də

Gördük, ey Vətən, yaşa!

8 NOYABR

8-i Noyabr Şuşa günüdü

təqvimdə düzəliş.

dualarda yenilik günü.

Biz bu duaları üzü göylərə

hər gün pıçıldadıq,

Vətən və Azadıq eşqinə.

8-i Noyabr

duaların qəbul olunduğu,

Tanrı lütfünün

yerə endiyi gün,

Şəhid ruhlarının

bayraqlıq parçadan

bayram paltarı

geyindiyi gün.

8-i Noyabr

Heyrətim, inamım, qürurum,

bir az da heyranlığım.

Biz Şuşaya qayıtdıq, Şuşa bizə qayıtdı.

Sənə şükür olsun,

ya inandığım!

Ramiz Kərəm

Sənə Zəfər yaraşır

Vətən müharibəsində

Biz qələbə qazandıq.

Bu gün Anım Günüdür

Qəhrəmanları andıq.

***

Tarix yazdı igidlər,

Hamısı əzizimizdir.

44 günlük müharibə,

Şanlı tariximizdir!

***

Dəmir yumruq düşmənin,

Mənfur başını əzdi.

Düşmənlər Qarabağda

Daim qala bilməzdi.

***

İndi azad Qarabağ

Günbəgün abadlaşır.

Mənim qədim torpağım!

Sənə bu çox yaraşır.

***

Bizə Zəfər yaşatdı,

İgid oğullarımız.

Hər birini anırıq,

Minnətdarıq hamımız!

***

Yaşa, Vətən, çox yaşa,

Yaraşır Zəfər sənə!

Alqış, min kərə alqış

Zəfəri bəxş edənə!

Nicat İsmayılov

Vətən alqışlayır

qədəmlərini,

Çoxdan gözləyirdik

bu böyük günü.

Dərbənd gülümsəyir

Xəzərə baxıb,

Elə bil açılıb Təbrizin eyni.

Adınla fəxr edib

coşur ürəklər,

Yeni Zəfərlərlə yaşa,

Vətənim!

Çoxdan tilsimdəydi

Şuşanın ruhu,

Ruhun azad oldu

Şuşa-Vətənim.

Dünya heyran oldu

bu qələbəyə,

Bu Zəfər dillərdən-dillərə gəzər

Ulu Qarabağın xilası sanki,

Böyük İstanbulun

fəthinə bənzər.

Bu Zəfər yazılıb

şəhid qanıyla

Azadlıq naminə

yüz yol and içdik.

Düşmənin qurduğu

istehkamları,

Bir “Dəmir Yumruq”la

dağıdıb keçdik.

Yurduma tuşlanan

xain əllərə,

Bu Zəfər dərs oldu,

-etməyin xəta.

Tarixin ən şanlı

döyüşləriylə,

Zamanı da yendi

bu Zəfər hətta.

Yadlara əzəldən

gözdağı olub,

Türkün düşmən bağri

yaran ordusu.

Yolundan çıxanı

cəza gözləyir,

Tanrı ordusudur-Turan

ordusu...

Murov dağlarına

Ağrı əl edir,

Kəpəz Savalanın

görüşündədir.

Behşitdə rahat yat,

Xətai babam,

Vətən qələbələr

yürüşündədir.

Rafiq Ələkbər

Bir sabah oyandıq biz,

Sevinc dolu bir səsə.

Ucaldı Zəfər nəğməsi,

Yayıldı hər nəfəsə.

44 gün, 44 səhər,

Qələbəyə apardı.

Hər şəhidin ruhunda

Qarabağ nurla yandı.

Əsgərlərim, igidlər,

Siz yazdınız tarixi.

Göz yaşını sevinclə

Əvəz etdi milləti.

Şuşa səni salamlar,

Səngərdəki əllərlə.

O bayraq dalğalanır,

Hər dağda, hər ellərdə.

Bu gün Zəfər Günüdür,

Əbədi yad günümüz.

Qoruyacağıq daim

Səni, Vətən, birliyimiz!

Mina Rəşid

Şuşa səslər çağırır,

Dağların qucağından.

Güllər açır, bülbüllər,

Ötür azad sabahdan.

Göz yaşını sil indi,

Vətənim, gül, sevin sən.

Qarabağım azaddır,

Zəfər səninlədir, mən!

Qar dənəsi üstündə

Ayaq izim dayanır.

O izləri qoruyur

Əsgərimin canı var.

Hər daşında xatirə,

Hər ağacda bir nida.

“Yaşasın Azərbaycan!” -

Deyir dağlar hər yanda.

Bu torpaq qanla yazdı

Qürur dolu dastanı.

Qarabağ bizimdir, bax,

Zəfər etdi asmanı!

Heydər Ələddinoğlu

Qalib xalqın övladıyam,

Başım uca, alnım ağ.

Şuşa, Füzuli, Cəbrayıl,

Hamısı bir dastan çağ.

Səngərlərdə gecələr,

Ümidlə keçdi hər an.

Əsgərimin gözündə

Parlayırdı nurdan can.

Düşmənlər çəkildi

qorxudan,

Bayrağımız sancıldı.

O ulduz, ay, üç rənglə

Göylərimiz açıldı.

Qarabağ torpağında

Gül açır şəhid qanı.

Onların ruhu ilə

Yaşayır hər bir anı.

Zəfərimiz əbədidir,

Tarixdə qızıl yazı.

Azərbaycan, Vətənim,

Səninlə dolu sazı!

Elvin Elxanoğlu

Qış günündə üzdə

çiçək açdıran,

Gecəmizə gün

işığı saçdıran,

Yağıları el-obadan

qaçdıran

Bu zəfərin mübarəkdir,

ey vətən!

Səman geniş hey

uçduqca uçasan,

Torpağını ana kimi qucasan,

Qələbənlə Qaf dağından ucasan,

Bu zəfərin mübarəkdir,

ey vətən!

Olmaz imiş, sözdür,

dostu düşənin,

Dostu aldı qəlbin

“qəlbişüşənin”,

Söylənəcək yüz il

fəthi Şuşanın,

Bu zəfərin mübarəkdir,

ey vətən!

Adilə Nəzər

Paylaş:
Baxılıb: 44 dəfə

Xəbər lenti

Hamısına bax

MEDİA

44 günün dastanı...

08 Noyabr 09:34

Analitik

Siyasət

Ədəbiyyat

ZƏFƏR NƏĞMƏLƏRİ

08 Noyabr 08:28

YAP xəbərləri

İqtisadiyyat

Gündəm

YAP xəbərləri

MEDİA

Bakıda ilk dəfə...

07 Noyabr 09:51

Mədəniyyət

Sosial

YAP xəbərləri

YAP xəbərləri

YAP xəbərləri

YAP xəbərləri

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30