Radikal düşərgə təmsilçiləri sosial şəbəkələrdə yalan tirajlamaqla məşğuldurlar

Bakı:

19 °C

63 %

3 m/s

Əlaqə

AZ RU EN

Ana səhifə / Radikal düşərgə təmsilçiləri sosial şəbəkələrdə yalan tirajlamaqla məşğuldurlar

Radikal düşərgə təmsilçiləri sosial şəbəkələrdə yalan tirajlamaqla məşğuldurlar

21.05.2021 [08:52]

Nardar Bayramlı

Azərbaycanda radikal müxalifətin dağıdıcı fəaliyyəti cəmiyyətə yaxşı məlumdur. Yəni istər antimilli şurada cəmləşən, istərsə də xaricdə məskunlaşmış dağıdıcı ünsürlərin əsas məqsədi ölkəmiz haqqında mənfi rəy formalaşdırmaqdan, qazanılan uğurlara kölgə salmaqdan ibarətdir. Bu da təbiidir. O mənada ki, radikal ünsürlər xaricdəki ermənipərəst dairələrin xidmətçisi rolunda çıxış edir və anti-Azərbaycan mərkəzlərin direktivlərini yerinə yetirirlər.
Bu məqamda vurğulamaq yerinə düşər ki, şanlı Ordumuzun işğalçı Ermənistan üzərində möhtəşəm qələbəsi bütün xalqımız tərəfindən böyük sevinc və qürur hissi ilə qarşılanıb. Eyni zamanda, xalqımız bütün şəhidlərin, o cümlədən 44 günlük Vətən müharibəsində qəhrəmancasına şəhid olan övladlarımızın əziz xatirəsini daim uca tutur. Bu gün dövlətimiz şəhid ailələrinə və qazilərə yüksək diqqət, qayğı göstərir. Bütövlükdə, cəmiyyətimiz bu kateqoriyadan olan insanlara diqqət göstərilməsini özünün mənəvi borcu hesab edir.
Bütün bunların fonunda ölkəmizdəki radikal müxalifətin və onların xaricdəki uzantılarının antimilli mövqeyi cəmiyyətimiz tərəfindən ikrah hissi ilə qarşılanır. Belə ki, bu ünsürlər əldə olunan möhtəşəm qələbənin əhəmiyyətini müxtəlif bəhanələrlə azaltmağa, cəmiyyətdə zərərli müzakirələrə yol açmağa və bununla da həm öz xarici himayədarlarının sifarişlərini yerinə yetirməyə, həm də gündəmdə qalmağa cəhd göstərirlər.
Ümumiyyətlə, radikalların niyyəti milli birliyə və həmrəyliyə zərbə vurmaqdır. Vətən müharibəsindən sonra AXCP sədri Ə.Kərimlinin, antimilli şuranın nümayəndəsi Gültəkin Hacıbəylinin və “beşinci kolon”un digər nümayəndələrinin sərgilədikləri mövqe bunu bir daha təsdiqləyir. Son günlər isə radikal ünsürlər sosial şəbəkələrdə guya şəhid ailələrinə və qazilərə dövlətin diqqətsizlik göstərməsi barədə əsassız iddialar səsləndirirlər. Bununla da məqsəd ictimai narazılıq yaratmaqdır. Amma qeyd etdiyim kimi, dövlətimiz bu kateqoriyadan olan insanlara ən yüksək səviyyədə diqqət göstərir, onların problemlərinin həlli istiqamətində davamlı addımlar atılır. Eyni zamanda, bu gün “YAŞAT” Fondu vasitəsilə cəmiyyət üzvləri, qeyri-hökumət təşkilatları, müxtəlif qurumlar, sadə vətəndaşlar şəhid ailələrinə və qazilərə dəstək göstərirlər.
Bütövlükdə, radikalların, “beşinci kolon”un təmsilçilərinin tutduğu antimilli mövqe qəbuledilməzdir. Ona görə də radikal düşərgənin növbəti manipulyasiya cəhdi də iflasa məhkumdur.

Paylaş:

Baxılıb: 617 dəfə