Bişkekdə rus dilində çap edilmiş "Prezident İlham Əliyev" üçcildliyinin təqdimat mərasimi keçirilib

Bakı:

25 °C

66 %

13 m/s

AZ RU EN

Ana səhifə / Siyasət / Bişkekdə rus dilində çap edilmiş "Prezident İlham Əliyev" üçcildliyinin təqdimat mərasimi keçirilib

Bişkekdə rus dilində çap edilmiş "Prezident İlham Əliyev" üçcildliyinin təqdimat mərasimi keçirilib

29.08.2012 [13:46]

Azərbaycanın Qırğızıstandakı səfirliyi ilə Qırğızıstan Azərbaycanlılarının Əlaqələndirmə Mərkəzi (QAƏM) və Türkdilli Dövlətlərin Siyasətinə Dəstək Fondu (TDSDF) tərəfindən Bişkekdə TDSDF-in xətti ilə rus dilində çap olunmuş “Prezident İlham Əliyev” üçcildliyinin təqdimat mərasimi keçirilib.
Mərasimdə Azərbaycanın Qırğızıstandakı müvəqqəti işlər vəkili İlqar Cabbarov, Qırğızıstanın mədəniyyət və informasiya naziri İbrahim Junusov, sənaye və energetika naziri Askarbek Şadiyev, Dövlət Gömrük Komitəsinin sədri Kubanlçbek Kumbtov, parlamentin üzvləri, bu ölkədə akkreditə olunmuş diplomatik korpusun nümayəndələri, elm, mədəniyyət və incəsənət xadimləri, diasporumuzun təmsilçiləri, jurnalistlər iştirak ediblər.
Təqdimat mərasimini açan İ.Cabbarov Azərbaycan ilə Qırğızıstan arasında əlaqələrin yüksək səviyyədə olduğunu vurğulayıb, Prezident Almazbek Atambayevin ölkəmizə rəsmi səfərindən sonra əməkdaşlıq imkanlarının genişləndiyini, Azərbaycanın Qırğızıstan iqtisadiyyatına 1 milyard ABŞ dolları məbləğində sərmayənin yatırılmasına dair sənədin imzalandığını qeyd edib.
İ.Cabbarov Ulu öndər Heydər Əliyevin siyasi xəttinin layiqli davamçısı Prezident İlham Əliyevin uğurlu daxili və xarici siyasəti, Azərbaycanda iqtisadi islahatlar, Bakı-Tbilisi-Ceyhan, Bakı-Tbilisi-Ərzurum neft və qaz layihələri, Bakı-Tbilisi-Qars dəmiryol xəttinin tikintisi, Transanadolu boru kəməri haqqında ətraflı məlumat verib.
Müvəqqəti işlər vəkili vurğulayıb ki, “Prezident İlham Əliyev” üçcildliyinin Qırğızıstanda çap edilməsi ölkələrimiz arasında əlaqələrin inkişafına təkan verəcəkdir.
İ.Junusov deyib ki, Azərbaycan ilə Qırğızıstan arasında mədəni sahədə əlaqələr çox uğurla inkişaf edir və bu, dövlətlərimizin mənafeyinə uyğundur. Bu gün Qırğızıstanda elə bir şəxs tapılmaz ki, Nizami və ya Nəsimini tanımasın. Eləcə də Azərbaycanda böyük qırğız yazıçısı çingiz Aytmatovu tanımayan və onun əsərlərini oxumayan yoxdur. Bişkekdə “Prezident İlham Əliyev” kitabının çap edilməsi Qırğızıstanın həyatında mühüm hadisədir və buna görə biz TDSDF-ə minnətdarlığımızı bildiririk.
A.Şadiyev da çıxış edərək vurğulayıb: “ölkələrimiz arasında əlaqələrin inkişafı bizi çox sevindirir. Azərbaycan bu gün dünyanın ən inkişaf etmiş ölkələrinin sırasındadır. Bu da ölkə rəhbərliyinin məqsədyönlü və düzgün iqtisadi siyasətinin nəticəsidir. İndi Azərbaycan bir sıra ölkələrə, o cümlədən Qırğızıstana sərmayə yatırır. Azərbaycanda ən yeni texnologiyalar əsasında müasir zavod və fabriklər tikilir”.
Azərbaycanın ünvanına deyilən xoş sözlərə görə minnətdarlığını bildirən TDSDF-in sədri Nüsrət Məmmədov bundan sonra da Azərbaycan ilə Qırğızıstan arasında mədəni sahədə əlaqələrin inkişaf etdirilməsi istiqamətində səylərini əsirgəməyəcəyini qeyd edib.
Akademik Elgiz Aytmatov, QAƏM-in sədri Cəbi Rəsulov, Bişkekdəki “Xəzər” İctimai Birliyinin sədri Ziyəddin Hüseynov, vəkil Səməd Səmədov, diasporumuzun fəalları Əsəd Əsədov, Əli İskəndərov və başqaları ölkələrimiz arasında əlaqələrin inkişaf etdirilməsində bu üçcildliyin böyük rolu olduğunu bildiriblər.

Paylaş:

Baxılıb: 1025 dəfə