Azərbaycan Xarici İşlər Nazirliyi ilə Honduras Xarici İşlər və Beynəlxalq Əməkdaşlıq Nazirliyi arasında siyasi məsləhətləşmələr mexanizminin yaradılması haqqında protokol imzalanıb

Bakı:

20 °C

56 %

3 m/s

AZ RU EN

Ana səhifə / Siyasət / Azərbaycan Xarici İşlər Nazirliyi ilə Honduras Xarici İşlər və Beynəlxalq Əməkdaşlıq Nazirliyi arasında siyasi məsləhətləşmələr mexanizminin yaradılması haqqında protokol imzalanıb

Azərbaycan Xarici İşlər Nazirliyi ilə Honduras Xarici İşlər və Beynəlxalq Əməkdaşlıq Nazirliyi arasında siyasi məsləhətləşmələr mexanizminin yaradılması haqqında protokol imzalanıb

09.05.2014 [10:00]

Mayın 8-də Azərbaycan Respublikasının xarici işlər naziri Elmar Məmmədyarov Honduras Respublikasının xarici işlər və beynəlxalq əməkdaşlıq naziri xanım Mireya Aquero de Korralesin başçılıq etdiyi nümayəndə heyəti ilə görüşüb.
AzərTAc xəbər verir ki, görüşdə Azərbaycan Respublikası Xarici İşlər Nazirliyi ilə Honduras Respublikası Xarici İşlər və Beynəlxalq Əməkdaşlıq Nazirliyi arasında siyasi məsləhətləşmələr mexanizminin yaradılması haqqında protokol imzalanıb.
Sonra nazirlər mətbuat konfransı keçiriblər.
Elmar Məmmədyarov bildirib ki, görüşdə ölkələrimiz arasında müxtəlif sahələrdə əməkdaşlığın genişləndirilməsi ilə bağlı fikir mübadiləsi aparılıb. O, Azərbaycanın Honduras və digər Mərkəzi Amerika ölkələri ilə əlaqələrinin inkişafında yeni səhifənin açıldığını diqqətə çatdırıb.
Elmar Məmmədyarov Mireya Aquero de Korralesə Ermənistan-Azərbaycan, Dağlıq Qarabağ münaqişəsinin nizamlanmasına dair ölkəmizin mövqeyi barədə də məlumat verdiyini söyləyib. O, Hondurasın bu problemin həlli ilə bağlı mövqeyinin dəyişməz olduğunu bildirib.
Mireya Aquero de Korrales Hondurasın Azərbaycan ilə əlaqələrin inkişafında maraqlı olduğunu, müxtəlif sahələrdə əməkdaşlığın genişləndirilməsi üçün kifayət qədər potensialın mövcudluğunu qeyd edib. O deyib ki, indiyədək hər iki ölkə beynəlxalq təşkilatlarda əməkdaşlıq edirdi. Lakin indi birbaşa əlaqələr qurmaq üçün iş planı tərtib edilib. “Hazırda ölkələrimiz arasında ikitərəfli faydalı əməkdaşlıq inkişaf edir. Hesab edirik ki, münasibətlər çox əhəmiyyətli müstəviyə keçə bilər. Biz Azərbaycanın Latın Amerikasındakı mövqeyini yüksək qiymətləndiririk. Münasibətlərin necə vacib və faydalı olduğunu görürük. İki ölkə arasında maliyyə, neft-qaz, infrastruktur, sərmayələrin qoyulması və digər sahələrdə əməkdaşlıq müzakirə olunmuşdur”, - deyə honduraslı nazir bildirib.
Mireya Aquero de Korrales Dağlıq Qarabağ münaqişəsi ilə bağlı deyib ki, ölkəsi bu problemin həllində Azərbaycanın mövqeyini dəstəkləyir. Münaqişə Azərbaycanın ərazi bütövlüyü çərçivəsində və BMT-nin müvafiq qətnamələri əsasında həll edilməlidir. Honduraslı nazir beynəlxalq birliyin bu işğala, zəbt edilmiş ərazilərdən köçürülmüş insanların vəziyyətinə reaksiya verməsinin zəruriliyini vurğulayıb.

Paylaş:

Baxılıb: 767 dəfə