Dağıstan Respublikasının nümayəndə heyəti Xaçmazda keçirilən bayram tədbirinə qatılıb

Bakı:

26 °C

61 %

9 m/s

Əlaqə

AZ RU EN

Ana səhifə / Siyasət / Dağıstan Respublikasının nümayəndə heyəti Xaçmazda keçirilən bayram tədbirinə qatılıb

Dağıstan Respublikasının nümayəndə heyəti Xaçmazda keçirilən bayram tədbirinə qatılıb

13.05.2015 [09:52]

Mayın 10-da Rusiya Federasiyasının Dağıstan Respublikasının geniştərkibli nümayəndə heyəti Ümummilli lider Heydər Əliyevin anadan olmasının 92-ci ildönümü münasibətilə keçirilən tədbirlərdə iştirak etmək üçün Xaçmaza gəlib.
AZƏRTAC xəbər verir ki, nümayəndə heyətinin tərkibində qonşu respublikanın yüksək vəzifəli şəxsləri, o cümlədən Dərbənd rayon Administrasiyasının rəhbəri Məhəmməd Cəlilov, Xalq Məclisinin üzvləri və digər rəsmi şəxslər yer alıb.
Şəhərin girəcəyində duz-çörəklə qarşılanan qonaqlar Xaçmazın görməli yerləri ilə yaxından tanış olublar.
Xaçmaz Olimpiya İdman Kompleksi, Bayraq meydanı, Bayraq muzeyi və Çənlibel parkı ilə tanışlıqdan sonra nümayəndə heyəti Ümummilli lider Heydər Əliyevin Xaçmaz şəhərinin mərkəzində ucaldılmış abidəsini ziyarət ediblər.
Daha sonra qonşu respublikanın nümayəndə heyəti Xaçmaz şəhərindəki Heydər Əliyev Mərkəzi ilə tanış olub, Ümummilli liderin həyat və fəaliyyətinin müxtəlif dövrlərini əks etdirən fotoşəkillərə baxıblar.
Həyatının bir hissəsi Dağıstanla bağlı olan ictimai-siyasi xadim Əziz Əliyevin xatirə muzeyinin qarşısındakı büstü də ziyarət olunub, önünə tər çiçəklər düzülüb. Qonaqlar muzeydə görkəmli dövlət xadiminin həyat və fəaliyyətinin müxtəlif dövrlərini əks etdirən foto və rəsmi sənədlərlə tanış olublar.
Qardaş respublikanın nümayəndələri sonra “Şəxsiyyətlər muzeyi”ni gəzib, Xaçmaz Tarix-Diyarşünaslıq Muzeyinə baxıblar.
Qonaqlar, həmçinin Dağıstanın görkəmli ictimai-siyasi xadimi Səid Qurbanovun adını daşıyan küçədə onun barelyefi qarşısında xatirəsini anıb, Azərbaycan-Dağıstan əlaqələrini əks etdirən “Xalqlar dostluğu” muzeyinə baş çəkiblər.
Nümayəndə heyəti Zərifə Əliyeva adına 8 nömrəli məktəb-liseyin həyətində dünya şöhrətli oftalmoloqun abidəsini ziyarət edib, təhsil ocağında yaradılmış Zərifə Əliyeva Muzeyi ilə də tanış olublar.
Dağıstan Respublikasının geniştərkibli nümayəndə heyətinin Ümummilli lider Heydər Əliyevin anadan olmasının ildönümü münasibətilə keçirilən tədbirlərə qatılması artıq ənənə halını alıb.
Ulu öndər Heydər Əliyevin anadan olmasının 92-ci ildönümü münasibətilə Xaçmaz şəhərindəki Fəvvarələr bağında respublikanın tanınmış incəsənət nümayəndələrinin iştirakı ilə konsert proqramı təqdim olunub.

Paylaş:

Baxılıb: 639 dəfə