Ekoloji biliklərin təbliği genişlənir

Bakı:

13 °C

88 %

3 m/s

Əlaqə

AZ RU EN

Ana səhifə / Siyasət / Ekoloji biliklərin təbliği genişlənir

Ekoloji biliklərin təbliği genişlənir

28.04.2010 [10:06]

“çağ” öyrətim Şirkətinin əməkdaşları bu sahədəki fəallığına görə mükafata layiq görülən “İki sahil” qəzetində olublar
Məlum olduğu kimi, 7-11 aprel 2010-cu il tarixində Azərbaycan Respublikası Təhsil , Ekologiya və Təbii Sərvətlər Nazirlikləri, Azərbaycan Dövlət Neft Şirkəti, İctimai Televiziya və Radio Yayımları Şirkətinin dəstəyi və “çağ” öyrətim Şirkətinin təşkilatçılığı ilə ekologiya və təbiəti mühafizə problemlərinə həsr olunmuş ənənəvi Ətraf Mühitin Mühafizəsi lV Beynəlxalq Layihə Olimpiadası keçirilib. Olimpiadanın məqsədi ekoloji problemlərin həlli və ətraf mühitin mühafizəsi istiqamətində gənc nəsli məlumatlandırmaq, onlarda ətraf mühitə qarşı diqqət və qayğı, həssas münasibət formalaşdırmaq, təbii, mədəni, tarixi və sosial-estetik dəyərlərin qorunması ruhunu aşılamaqdır. Olimpiada 2010-cu ilin ölkəmizdə “Ekologiya ili” elan olunmasına həsr edilib.
2007-ci ildə ilk dəfə Azərbaycanda keçirilən bu olimpiadada dünyanın 17 ölkəsindən 70-ə yaxın şagird iştirak edib. 2008-ci ildə isə iştirakçıların sayı artıb. 30 fərqli ölkədən 200-ə qədər şagird təbiəti qorumaq uğrunda öz biliklərini sınayıblar, “kəşf” və yeniliklərini təqdim edərək ətraf mühitin qorunması üçün ideya və təkliflərini modelləri əsasında, əyani olaraq sərgi iştirakçılarına təqdim ediblər. 2009-cu ildə ətraf mühitin mühafizəsi layihə olimpidasında iştirakçı ölkələrin sayı artaraq 31 ölkəyə çatıb. Bu il keçirilən olimpiadaya 33 ölkədən 300-ə qədər iştirakçı qoşulub. Qaliblərin təltif olunması mərasimində ekoloji biliklərin təbliği və geniş yayılması işində fəal iştirakına görə “İki sahil” qəzeti də mükafata layiq görülüb. Dünən “çağ” öyrətim Şirkətinin Baş idarə rəisi, Ekoloji Cəmiyyətin sədri Arif Gömleksiz və müşavir Ağarəsul Məmmədov “İki sahil” qəzetinin redaksiyasının qonağı olub. Redaksiya ilə tanışlıqdan sonra qəzetin baş redaktoru Vüqar Rəhimzadə ilə görüşən qonaqlar ölkəmizdə ekoloji mühitin sağlamlaşdırılması naminə həyata keçirilən tədbirlərdən, ARDNŞ-in bu istiqamətdə göstərdiyi səylərdən razılığını ifadə ediblər. Arif Gömleksiz Prezident İlham Əliyevin təşəbbüsü ilə 2010-cu ilin ölkəmizdə “Ekologiya ili” elan edilməsini bu diqqətin bariz nümunəsi kimi yüksək dəyərləndirib.
Ekoloji maarifləndirmənin əhəmiyyətindən bəhs edən A.Gömleksiz belə tədbirlərin gənc nəslin fəallığının artırılmasına xüsusi önəm verdiyini bildirib.
“İki sahil” qəzetinin baş redaktoru V.Rəhimzadə mükafata görə “çağ” öyrətim Şirkətinin rəhbərliyinə minnətdarlığını ifadə edərək, gələcəkdə əməkdaşlığın daha da möhkəmlənməsinin gərəkliyini bildirib.
Vurğulayıb ki, “çağ” öyrətim Şirkətinin həyata keçirdiyi tədbirlərin mütəmadi işıqlandırılması üçün belə əməkdaşlıq hər baxımdan əhəmiyyətlidir.

Paylaş:

Baxılıb: 1103 dəfə