Siyasi əxlaqdan və siyasi mədəniyyətdən uzaq qüvvələr

Bakı:

13 °C

88 %

10 m/s

Əlaqə

AZ RU EN

Ana səhifə / Siyasət / Siyasi əxlaqdan və siyasi mədəniyyətdən uzaq qüvvələr

Siyasi əxlaqdan və siyasi mədəniyyətdən uzaq qüvvələr

14.08.2010 [09:04]

Və ya ermənipərəst Fətullayevin radikal müxalifətə sığınması bəzi qaranlıq məqamlardan xəbər verir
Bu gün siyasi mədəniyyət, siyasi etika və davranış aktual mövzulardan biridir. Əslində ölkəmizdə çoxpartiyalı sistem yaranandan, vətəndaş cəmiyyəti quruculuğu prosesi başlanandan bu mövzu həmişə gündəmdə olub. Hazırda Azərbaycanın siyasi spektrində müəyyən sayda partiyalar olsa da, onların heç də hamısını təmsilçilərinin yuxarıdakı kriteriyalara əməl etdiklərinə söyləmək olmaz. Xüsusilə, müxalifətin radikal qanadını təmsil edən partiyalar və onların təmsilçiləri qeyd etdiyimiz keyfiyyətlərdən məhrumdurlar.
Siyasi etika və siyasi mədəniyyət məfhumu adətən ölkələrdə iqtidar-müxalifət münasibətlərinin formalaşmasında sivil davranış qaydalarını özündə əks etdirir. Hər bir ölkədə istər iqtidar, istərsə də müxalifət düşərgələrində təmsil olunanlar bir-birilərinə qarşı münasibətdə həmin kriteriyanı qorumağı əsas sayırlar. Azərbaycan müxalifətinin yuxarıda bəhs etdiyimiz kəsimi isə belə məfhumlardan tamamilə uzaqdır. özü də burada söhbət belələrinin nəinki iqtidara, eyni zamanda, bir-birilərinə qarşı münasibətindən gedir. çünki bu gün bir-birilərini “əqidədaş” sayan belələri sabah çox asan şəkildə öz müttəfiqlərinin şərəf və ləyaqətinə dil, əl uzada bilir.
Min bir oyundan çıxdıqdan, ermənilərlə işbirliyinə girdikdən, torpaqlarımızı işğal altında saxlayan qüvvələrə açıq-aşkar öz rəğbətini ortaya qoyduqdan sonra müxalifətin radikal qanadına sığınan Eynulla Fətullayevin davranışının da heç bir etik çərçivəyə sığmadığını söyləmək olar. Hər halda onun nə özünün iddia etdiyi “siyasi fəaliyəti”, nə də “jurnalist” kimi yazıları siyasi etika və siyasi mədəniyyətdən kriteriyalarına heç bir halda cavab vermir. Heç kəsə sirr deyil ki, bu gün özünü cəmiyyətə ziyalı kimi sırımağa çalışan E.Fətullayev, əslində, reallıqda öz fəaliyyəti ilə ermənilərə olan simpatiyasını nümayiş etdirib. Təbii ki, onun bu davranışı, xüsusilə, Xocalı faciəsi haqqında yazdıqları damarlarında azərbaycanlı qanı axan əsil ziyalılarda, o cümlədən, sadə vətəndaşlarda nifrət hissi oyadır. Axı, özünü azərbaycanlı hesab edən şəxs guya Xocalıdakı insanların özümüzünkülər tərəfindən qırğına məruz qalmasını necə iddia edə bilər?
Nəzərə almaq lazımdır ki, bu gün erməni canilər, qatillər məhz həmin yazını əldə əsas tutaraq dünyaya dinc insanları öldürmədiklərini iddia edirlər. Təbii ki, Eynullanın bu “xidməti” işğalçıların işinə yarayıb. E.Fətullayev ciddi-cəhdlə bunu inkar etməyə çalışsa da, onun Şuşaya ilk daxil olan erməni tankının yanında fotosu, separatçı Dağlıq Qarabağ rejiminin rəhbəri ilə gülərüz “portreti” erməni məhəbbətindən açıq-aydın xəbər verir. Məhz buna görə də, öz torpağından didərgin düşmüş, şəhid vermiş soydaşlarımız, ata-analarını, övladlarını, bacı və qardaşlarını Xocalı qətliamında itirmiş azərbaycanlılar E.Fətullayevi bu millətdən saymırlar. Təkcə bu hərəkəti ona bu xalqın nümayəndəsi kimi danışmağa haqq vermir.
Bütün bunlar, eyni zamanda, ondan xəbər verir ki, maliyyə vəsaitindən ötrü xarici qüvvələrin maraqlarına xidmət etməyi özünə şərəf bilən Fətullayev onların əlində alətə çevrilib. Yuxarıda da qeyd etdiyimiz kimi, bu gün ermənilərlə işbirliyində olduğu kimsədə şübhə doğurmayan, Eynulla Fətullayev məhz müxalifətin radikal qanadına sığınıb. öz növbəsində, həmin qanadda təmsil olunan partiyaların rəhbərlərinin və bu partiyalara yaxın mətbu orqanların E.Fətullayevə qucaq açması da diqqətdən yayınmır. Təbii ki, ötən müddət ərzində baş verən bütün prosesləri diqqətlə izləyərək hadisələrin gedişindən lazımi nəticəni çıxaran hər bir azərbaycanlı bu qucaqaçma kampaniyasının arxasında hansı maraqların dayandığını yaxşı bilir. Daha doğrusu, bu gün erməni maraqlarına xidmət edən birisinin müxalifətin radikal qanadından imdad diləməsi və qarşı tərəfin də bu çağırışa müsbət reaksiya verərək, Eynullaya qucaq açması bəzi qaranlıq məqamlardan xəbər verir. Burada haqlı olaraq “erməniyə rəğbəti ilə seçilən birinə sahib çıxmaq, elə erməniyə işləmək deyilmi” sualı ortaya çıxır.
Eynullanın radikal müxalifətə üz tutmasının digər səbəbi isə onun kimi məlum düşərgə təmsilçilərinin də xaricdəki qüvvələrin əlində siyasi vasitəyə çevrilməsidir. Əslində, bunu onların özləri də etiraf edirlər. ölkəsində həyata keçirilən siyasi proseslərə, həmçinin, seçkilərə münasibətdə yalnız xaricdən verilən göstərişlər əsasında yanaşan radikal müxalifətin rəhbərləri xalq arasında zərrə qədər də etimada malik olmadıqlarını yaxşı bilirlər. çünki ölkəmizdə keçirilən hər bir seçkinin ardından aldığı səslərə nəzər salan radikal müxalifət dərk edir ki, xalq onlardan birdəfəlik imtina edib. Bu qısqanclıq, paxıllıq hissi isə onları sağa-sola böhtan yağdırmağa, rahat şəkildə təhqirlərə əl atmasına və xarici qüvvələrlə, o cümlədən, ermənipərəstlərlə əməkdaşlığa sövq edir.
Nardar BAYRAMLI

Paylaş:

Baxılıb: 1049 dəfə