Heydər Əliyev
yeni azerbaycan logo

Ana səhifə / Siyasət / Bu da “Qərb demokratiyası”...

Bu da “Qərb demokratiyası”...

06.01.2022 [10:56]

Yaxud Avropa öz “dəyərlər”inə qarşı

Nurlan QƏLƏNDƏRLİ

Avropada etiraz aksiyaları şiddətli toqquşmalarla müşayiət olunur. Xüsusilə də, Niderlandın paytaxtında polis zorakılığı - asayiş keşikçilərinin nümayişçilərə zor tətbiqi dünya mediasının diqqət mərkəzindədir. Mənzərə olduqca acınacaqlıdır: asayiş keşikçiləri qalxan və dəyənəklərdən istifadə edirlər, aksiya iştirakçıları xidməti itlərin hücumuna məruz qalırlar. Sosial şəbəkə istifadəçiləri isə görüntülərə münasibətdə haqlı olaraq “budurmu Qərb demokratiyası” ritorik sualı ünvanlayırlar.

“Avropa standartları”, yoxsa iki standartlar?

Ümumiyyətlə, bu hallar Qərbin ictimai-siyasi həyat tərzinə və ənənəsinə çevrilib. Vaxtaşırı müşahidə edirik ki, Niderlandla yanaşı, ABŞ-da, Almaniyada, Fransada, Belçikada, Yunanıstanda, İspaniyada və digər bir sıra ölkələrdə sərbəst toplaşmaq azadlığı pozulur, dinc nümayişlər amansızlıqla dağıdılır. Bir sözlə, reallıq budur ki, dünyaya “demokratiya dərsi” keçməyə çalışan Qərb ölkələrinin özlərində çoxsaylı qanun pozuntuları, irqçilik, diskriminasiya, insan hüquqlarının məhdudlaşdırılması kimi hallar hökm sürür. Xüsusilə də, vətəndaşlara qarşı ayrı-seçkilik, hüquq pozuntuları “demokratiya”, “insan hüquqlarının qorunması” adı ilə pərdələnməkdədir. Ümumiyyətlə, bu ölkələrdə QHT-lər və digər vətəndaş cəmiyyəti institutlarının təzyiqlərə məruz qalması, mediaya yönəlik repressiv siyasətin həyata keçirilməsi, sərbəst toplaşmaq və vicdan azadlıqlarının pozulması kimi faktlar Qərb ictimai-siyasi mühitinin əsl mahiyyətini göstərir.

“Demokratiya” silahı təzyiq vasitəsi kimi...

Göründüyü kimi, Qərb demokratik dəyərlərə münasibətdə də “Avropa standartları”ndan deyil, məhz ikili standartlardan çıxış edir. Amma digər ölkələrə münasibətdə dərhal “demokratiya”, “insan hüquqları” məfhumları ortaya atılır, “Avropa dəyərləri”, liberal hüquqlar yada düşür. Bu da həmin anlayışların, sadəcə, təzyiq vasitəsi kimi istifadə olunduğunu sübut edir. Nəticə isə budur ki, Avropa faktiki olaraq özününküləşdirdiyi “dəyərlər”ə (demokratiya, insan hüquqları, siyasi plüralizm və s.) qarşı çıxır.

 

 

Paylaş
Baxılıb: 144 dəfə

Xəbər lenti

Hamısına bax

Sosial

Müsahibə

İqtisadiyyat

MEDİA

İqtisadiyyat

Gündəm

Xəbər lenti

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31