Şuşa Bəyannaməsi: Azərbaycan-Türkiyə qardaşlığının strateji zirvəsi

Bakı:

24 °C

45 %

2 m/s

Əlaqə

AZ RU EN

Ana səhifə / YAP xəbərləri / Şuşa Bəyannaməsi: Azərbaycan-Türkiyə qardaşlığının strateji zirvəsi

Şuşa Bəyannaməsi: Azərbaycan-Türkiyə qardaşlığının strateji zirvəsi

10.06.2026 [14:27]

İyunun 10-da YAP Samux rayon təşkilatı tərəfindən Seyidlər kənd ərazi partiya təşkilatında 2021-ci ilin 15 iyun tarixində “Azərbaycan Respublikası ilə Türkiyə Respublikası arasında müttəfiqlik münasibətləri haqqında Şuşa Bəyannaməsi”nin imzalanması ilə əlaqədar “Şuşa Bəyannaməsi: Azərbaycan-Türkiyə qardaşlığının strateji zirvəsi” adlı tədbir keçirilib.

Öncə Ümummilli Lider Heydər Əliyevin və torpaqlarımızın ərazi bütövlüyü uğrunda canlarını qurban vermiş şəhidlərin ruhu bir dəqiqəlik sükutla yad edilib.

Çıxış edən YAP Samux rayon təşkilatının sədri Gündüz Bayramov bildirib ki, Azərbaycan və Türkiyə arasında dostluq, qardaşlıq və strateji tərəfdaşlıq münasibətləri əsrlərə söykənən möhkəm təməllər üzərində qurulub. 2021-ci il iyunun 15-də Azərbaycan Respublikasının Prezidenti cənab İlham Əliyev və Türkiyə Respublikasının Prezidenti cənab Rəcəb Tayyib Ərdoğan tərəfindən imzalanmış Şuşa Bəyannaməsi iki qardaş ölkə arasında münasibətləri yeni mərhələyə yüksəldərək müttəfiqlik səviyyəsinə çatdırıb. Qeyd edib ki, Bəyannamə siyasi, iqtisadi, hərbi, enerji, nəqliyyat, humanitar və digər sahələrdə əməkdaşlığın daha da genişləndirilməsini nəzərdə tutur və regionda sülhün, təhlükəsizliyin və sabitliyin təmin edilməsinə mühüm töhfə verir.

Daha sonra tədbirdə iştirak edən Seyidlər kənd tam orta məktəbin direktoru Anarə Həsənova və partiya üzvləri Mirsaleh Cəfərov, Türanə Məmmədova, Fatimə Abbasova çıxış edərək Şuşa Bəyannaməsinin tarixi əhəmiyyətindən danışıblar. Natiqlər qeyd ediblər ki, bu sənəd Azərbaycan-Türkiyə münasibətlərinin ən yüksək zirvəsini ifadə etməklə yanaşı, iki dövlətin milli maraqlarının qorunması və gələcək inkişafı baxımından mühüm strateji əhəmiyyət daşıyır. Bildirilib ki, “Bir millət, iki dövlət” prinsipi əsasında qurulan münasibətlər bu gün də uğurla inkişaf edir və xalqlarımızın rifahına xidmət edir.

Çıxışlarda vurğulanıb ki, Şuşa Bəyannaməsi Azərbaycan və Türkiyənin bölgədə sülhün, əməkdaşlığın və tərəqqinin təmin olunmasına yönəlmiş birgə fəaliyyətinin hüquqi-siyasi əsasını təşkil edir. Qeyd olunub ki, iki qardaş ölkə arasında mövcud olan sarsılmaz birlik və həmrəylik gələcək nəsillər üçün də etibarlı inkişaf modeli olaraq qalacaq.

Tədbirin sonunda Yeni Azərbaycan Partiyasının sıralarına yeni qəbul olunmuş gənc müəllimlərə üzvlük vəsiqələri təqdim edilib.

Paylaş:

Baxılıb: 203 dəfə