Heydər Əliyev
yeni azerbaycan logo

Ana səhifə / Siyasət / ABŞ həssaslığını qorumalıdır

ABŞ həssaslığını qorumalıdır

14.01.2023 [10:23]

Vaşinqtonun ATƏT-dəki səfirinin çağırışı reallığı əks etdirmir

Azərbaycan bu gün ABŞ-ın vasitəçilik missiyasına da böyük önəm verir. Bu missiyanın başlamadan bitməsi arzuolunmazdır. Hazırda ABŞ-ın regional proseslərə daha çox təsir etmək niyyətləri ifadə olunur. Bu, Cənubi Qafqazda gedən maraq savaşları kontekstində də qiymətləndirilə bilər. Eyni zamanda, ABŞ regiondakı yeni geosiyasi reallıqları qəbul edir, onunla barışır və prosesləri ona uyğun tənzimləmək fikrini irəli sürür. Rəsmi Vaşinqtonun irəli sürdüyü məsələ Azərbaycan ilə Ermənistan arasında birbaşa dialoqun həyata keçirilməsidir Azərbaycanlı ekofəalların, eləcə də QHT nümayəndələrinin Laçın yolunda bir aydan artıqdır ki, davam edən etiraz aksiyası haqlı mövqeyə əsaslanır. Rusiya Federasiyası sülhməramlı kontingentinin müvəqqəti yerləşdiyi Azərbaycan ərazilərində təbii sərvətlərin qeyri-qanuni istismarı, habelə ekoloji vəziyyətin pisləşməsi ilə bağlı ilkin monitorinqin keçirilməsinə yaradılan maneələrə etiraz olaraq keçirilən bu etirazlar bəzi erməni havadarları tərəfindən “yolun bağlanması” kimi qələmə verilir. Hətta məsələni bu adla “beynəlxalq” platformalara belə çıxarmağa cəhdlər edilsə də, boşa çıxdı. Fransa və digər ermənipərəstlərin yalan təbliğatı “suya düşdü”.

Aksiya iştirakçılarının yolu bağlamaması faktı hər kəsə bəllidir - istər sülhməramlı kontingent, istərsə də Beynəlxalq Qırmızı Xaç Komitəsi bunu dəfələrlə ifadə edib. Yoldan rahat şəkildə istifadə edilməsi, yüklərin rahat şəkildə keçirilməsi faktları da bunu təsdiqləyir. Amma bu faktın fərqli kontekstdə qələmə verilməsi “arzuları” bitmək bilmir. Bu dəfə Amerika Birləşmiş Ştatlarının ATƏT-dəki səfiri “dəhlizi” açmağı tələb edib. Səfir bununla bağlı bəyanat yayıb. Bəyanatda ATƏT səfirinin bu çağırışına ABŞ-ın İrəvandakı səfirliyinin də qoşulduğu qeyd edilir və bildirilir ki, Azərbaycanın hərəkəti “sülh prosesini əngəlləyir və beynəlxalq etimadı sarsıdır.

Azərbaycan heç bir yolu bağlamayıb və yolun açıq olması ortadadır. Hətta məsələ bir neçə gün öncə Azərbaycanın xarici işlər naziri Ceyhun Bayramov və ABŞ dövlət katibinin Avropa və Avrasiya məsələləri üzrə köməkçisi Karen Donfrid arasındakı telefon danışığında da müzakirə edilib. Qeyd edək ki, nazir Ceyhun Bayramov, guya Laçın yolunun Azərbaycan tərəfindən bağlanması nəticəsində erməni sakinlərin “blokada”ya alınması, bölgədə “humanitar fəlakət” yaranması barədə iddiaların tamamilə əsassız olduğunu bildirib. Gündəlik əsasda çox sayda Beynəlxalq Qızıl Xaç Komitəsi, Rusiya sülhməramlı kontingenti və digər humanitar məqsədli nəqliyyat vasitələrinin yoldan istifadə etdiyi barədə məlumat verilib.

Erməni sakinlərin yoldan istifadə etməklə sərbəst hərəkətinə heç bir maneə olmadığı, ehtiyac olacağı təqdirdə ermənilərə yardım göstərmək niyyətləri barədə Azərbaycan tərəfinin bəyanatlarına baxmayaraq, yerli ermənilərin rəhbərləri kimi özlərini təqdim edən şəxslərin əhalinin yoldan istifadəsinə qarşı olması faktları diqqətə çatdırılıb.

Eyni zamanda, son dövrlərdə fəal şəkildə vasitəçilik missiyasında yeni ünvan kimi dəyərləndirilən ABŞ-ın belə bir mövqedən çıxış etməsi təəssüfləndirici haldır. Qeyd edək ki, yerli televiziyalara müsahibəsində dövlət başçısı İlham Əliyev sülh danışıqlarında vasitəçilər haqda danışarkən ABŞ-ın da adını çəkmişdi: “Fransa faktiki olaraq özü-özünü bu prosesdən tamamilə təcrid etmişdir. İndi qalır Amerika və Rusiya. Yəni danışıqlar meydançalarını hazırda belə görürük. Əlbəttə ki, Avropa da ola bilər, amma əgər, yenə də deyirəm, bizimlə özünü dürüst aparsa...”.

Məsələ ilə bağlı fikirlərini “Yeni Azərbaycan”a bölüşən politoloq İlyas Hüseynov bildirib ki, 2023-cü ilin əvvəlindən Azərbaycan və Ermənistan arasında siyasi problemlərin nizamlanmasında ABŞ müxtəlif təşəbbüslərlə çıxış edir. Eyni zamanda biz həm də müəyyən formada qərəzli münasibətlə rastlaşırıq. ABŞ-ın ATƏT-dəki səfirinin Azərbaycana Laçın yolunu açması ilə bağlı çağırışı qəbulolunmaz yanaşmadır: “Laçın yolu bağlanmayıb. Yüklər, eləcə də humanitar təyinatlı avtomobillər çox rahatlıqla Laçın yolu vasitəsilə hərəkət edir və bu, dəfələrlə nümayiş olunub. Həm Rusiya sülhməramlılarının təminat-təchizat avtomobilləri, həm də BQXK - nin avtomobilləri bu yoldan maneəsiz istifadə edir. Azərbaycanın ekofəalları onlara heç bir əngəl törətmirlər. Ona görə də, baş verən proseslərdən uzaq, həqiqətlərin təhrif olunduğu bəyanatların və çağırışların edilməsi qəbuledilməzdir”.

Azərbaycanın indiki halda daha çox informasiya seqmentinə böyük diqqət ayırmasının vacibliyini qeyd edən politoloqun fikrincə, siyasi kontekstdə regionda baş verən proseslər müfəssəl olaraq dünya auditoriyasına çatdırılmalıdır. Eyni zamanda, Azərbaycan bu gün ABŞ-ın vasitəçilik missiyasına da çox böyük önəm verir. “Düşünürəm ki, bu missiyanın başlamadan bitməsi arzuolunmazdır. Hazırda ABŞ-ın regional proseslərə daha çox təsir etmək niyyətləri ifadə olunur. Bu, Cənubi Qafqazda gedən maraq savaşları kontekstində də qiymətləndirilə bilər. Eyni zamanda, ABŞ regiondakı yeni geosiyasi reallıqları qəbul edir, onunla barışır və prosesləri ona uyğun tənzimləmək fikrini irəli sürür. Rəsmi Vaşinqtonun irəli sürdüyü məsələ Azərbaycan ilə Ermənistan arasında birbaşa dialoqun həyata keçirilməsidir. Bu normativ daha çox önə çəkilir. Artıq Azərbaycanın və Ermənistanın XİN rəhbərləri səviyyəsində müxtəlif birbaşa dialoqların da şahidi olmuşuq. Bu xüsusda qeyd etməkdə fayda var ki, sülh müqaviləsinin mətni və forması ətrafında məhz XİN rəhbərləri işləyir. ABŞ-ın həm dövlət katibi, həm də dövlət katibinin Avropa və Avroasiya məsələləri üzrə köməkçisi bu məsələlərə xüsusi həssaslıqla yanaşmalıdırlar. ABŞ-ın regional təşəbbüsləri məhz sülhə və təhlükəsizliyə xidmət etməlidir”, - deyə İ.Hüseynov əlavə edib.

P.İSMAYILOV

Paylaş:
Baxılıb: 98 dəfə

Xəbər lenti

Hamısına bax

Xəbər lenti

Xəbər lenti

Neft ucuzlaşıb

30 Yanvar 09:45

İqtisadiyyat

Xəbər lenti

Xəbər lenti

Siyasət

Xəbər lenti

Sosial

Siyasət

Analitik

Bayram, yoxsa matəm?

28 Yanvar 10:27

Arxiv
B Be Ça Ç Ca C Ş
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31