Heydər Əliyev
yeni azerbaycan logo

Ana səhifə / Siyasət / Parisin meri, yoxsa “şəri”...

Parisin meri, yoxsa “şəri”...

01.12.2023 [10:40]

İdalqo 60 min dolları necə “yeyib”?

Azərbaycana qarşı müxtəlif siyasi kampaniyalar “hazırlayan” erməni lobbisinin bəzi “drijorları” gec-tez ilahi ədalət qarşısında, eyni zamanda hüquqi ədalət qarşısında məsuliyyət daşıyırlar. Məsələn, vaxtilə müxtəlif dini təşkilatlarla “ianə” kampaniyaları həyata keçirən, bunları isə özünün hesabatına yazdırmayan, beləliklə çirkli pulların dövriyyəsində əli olan ermənipərəst Baronessa Kerolayn Koksu, Avropa Parlamentinin üzvü, böyük “Qatargayt” qalmaqalında əli olan və axtarış zamanı evində əskinaslarla dolu çantalar tapılan Yeva Kaylini və təbii ki, 2024-cü ilin mayında dörd cinayət işi üzrə mühakimə olunacağı gözlənilən ABŞ Senatının Xarici Əlaqələr Komitəsinin keçmiş sədri Bob Menendesi bu cərgəyə qatmaq olar. Adıçəkilən şəxslər bu və ya digər şəkildə anti-Azərbaycan, anti-türk kampaniyaların mühüm bir hissəsi kimi çıxış etmiş, “erməni xoru”na rəhbərlik etmişdilər. Amma son nəticədə hər birinin atdığı qeyri-qanuni addımlar, bulaşdıqları korrupsiya faktları üzə çıxdı, haqlarında qanuni işləmlər görüldü...

İdalqo mənimsəmədə ittiham olunur...

Bu dəfə isə erməni lobbisinin daha bir “favorit”inin, Parisin meri Ann İdalqonun başı qalmaqaldadır. Qatı ermənipərəst mövqeyilə tanınan, vaxtilə Laçın yolunda quraşdırılan sərhəd buraxılış məntəqəsinə görə Azərbaycanı hədələyən, hətta Fransadan Laçın məntəqsinə göndərilən “TIR karvanı”nın karvanbaşısı olan Paris meri Ann İdalqo korrupsiyada ittiham olunur. KİV-də yayılan məlumatlara görə, İdalqo həyat yoldaşı ilə birgə Yeni Kaledoniya və Fransız Polineziyasına iki həftəlik işgüzar səfərə gedib. İdalqonun səfər çərçivəsində adalarda və Sakit Okeanda keçirdiyi bütün müddət ərzindəki xərcləri isə dövlət büdcəsindən ödənilib. Maraqlıdır ki, işgüzar müddəti cəmisi bir həftə müəyyənləşən səfərin ikinci yarısında İdalqo yaxınlıqdakı adalardan birində məskunlaşan qızını ziyarət edib. O, izi itirmək üçün sosial şəbəkələrdə Paris küçələrində velosiped sürdüyünə dair videolar yerləşdirib. Eyni zamanda, İdalqonun səfər çərçivəsində planlaşdırılan rəsmi tədbirlərin əksəriyyətinə qatılmadığı da ortaya çıxıb. Hazırda məsələ ilə bağlı araşdırma aparılır. Ümumilikdə, mer öz səfərinə təxminən 60 min avro xərcləyib.

Ermənidən betər erməni...

Dövlətin pullarını özünün şəxsi məqsədləri üçün istifadə edən və bunu da gizlətməyə çalışan İdalqo Azərbaycan oxucusuna tanış simadır - 2020-ci ilin Vətən müharibəsindən dərhal sonra İdalqo Paris meriyasının qondarma “Dağlıq Qarabağ Respublikası”nı tanımağa hazırlaşdığı ilə bağlı bəyanat yaymışdı. O dövrdə də Paris meriyasına başçılıq edən Ann İdalqo qatı ermənipərəst mövqeyi ilə tanınırdı və hətta onun erməni lobbisinin tam nəzarətində olduğu bildirilirdir.

Ümumiyyətlə, Paris meri Ermənistanın həm əvvəlki, həm də indiki  siyasi hakimiyyəti ilə sıx əlaqədədir, onun ən yaxın adamı, müavini isə Fransada erməni təşkilatlarının koordinasiyası şurasının rəhbəri Jan-Mark Ara Tonoyanın qızı Anuş Toronyandır. 2015-2018-ci illərdə Parisin meri Ann İdalqo Ermənistanın o vaxtı prezidenti Serj Sarkisyanla 4 dəfə görüşüb. O cümlədən, Ann İdalqo Ermənistanda yaradılmış “TUMO Center for Creative Technologies” mərkəzinin Paris bölməsinin açılışında iştirak edib və hərtərəfli dəstək göstərib. “TUMO”-nun o zamanlar Azərbaycanın erməni işğalında olan Xankəndi şəhərində də ofisi olub.

Ann İdalqonun ermənilərlə əlaqələri bununla bitmir. Belə ki, Paris meri seçkiləri keçirilən zaman Ann İdalqonun rəqibi Rəşidə Datinin Azərbaycanla əlaqələrinin olması barədə ona qarşı aparılan kampaniyanın başında da erməni əsilli Murad Papazyan və Ara Tonoyan dayanıblar. Ann İdalqonun “erməni sevgisi” özünü sosial şəbəkələrdə də büruzə verib. Belə ki, Paris meri qondarma “erməni soyqırımı” ilə bağlı tvitləri ilə də məşhurdur.

Ermənipərəstlərin korrupsiyaya bulaşması...

Bəli, bütövlükdə, həyatını və karyerasını erməni lobbisi ilə “çiyin-çiyinə” keçirmiş daha bir “şərçi” ədalət mühakiməsi qarşısında dayanacaq. Korrupsiyada, rüşvətxorluqda, mənimsəmədə, dövlət maraqlarına xəyanətdə məhz ermənipərəst şəxslərin adının hallanması isə təsadüfi deyil - həmin şəxslərin erməni lobbisinin “xidmətçisi” olması üçün həm lobbi, həm də həmin ölkələrin erməni maraqlarına qulluq edən strukturları milyonlarla vəsait xərcləyirlər. İdalqo, Menendes, Baronnesa Koks və adıçəkilməyən onlarla xainlər kimi öz dövlətinin maraqlarına qarşı gələrək, bəşəri dəyərlərə, beynəlxalq hüquqa arxa çevirənlər, “erməni xoru”na qoşulanların aqibətinin bu sonluqla nəticələnməsi ilahi ədalətə əsaslanır. Bu dəfə düyünə düşən isə Parisin “şəri”nin işləridir...

S.İSMAYILZADƏ

Paylaş:
Baxılıb: 243 dəfə

Xəbər lenti

Hamısına bax

Ədəbiyyat

Analitik

Xəbər lenti

Siyasət

Xarici siyasət

Xəbər lenti

Analitik

Analitik

İqtisadiyyat

Gündəm

Gündəm

Xəbər lenti

3№-li protokol

23 Fevral 22:28  

Xəbər lenti

Xəbər lenti

Xəbər lenti

Mədəniyyət

Ədəbiyyat

Xarici siyasət

Xəbər lenti

Arxiv
B Be Ça Ç Ca C Ş
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29