Türk Dünyası Mühəndislər və Memarlar Birliyinin Azərbaycan təmsilçiliyinin açılışı olub

Bakı:

30 °C

62 %

6 m/s

Əlaqə

AZ RU EN

Ana səhifə / Sosial / Türk Dünyası Mühəndislər və Memarlar Birliyinin Azərbaycan təmsilçiliyinin açılışı olub

Türk Dünyası Mühəndislər və Memarlar Birliyinin Azərbaycan təmsilçiliyinin açılışı olub

12.04.2014 [09:52]

Türk Dünyası Mühəndislər və Memarlar Birliyinin baş katibi İlyas Dəmirçi və Dəniz Nəqliyyatı və Rabitə Nazirliyinin nümayəndəsi Əhməd Kuşhanoğlu Azərbaycan Memarlıq və İnşaat Universitetində (AzMİU) işgüzar səfərdə olublar. Səfər çərçivəsində dünən AzMİU-da Türk Dünyası Mühəndislər və Memarlar Birliyinin Azərbaycan təmsilçiliyinin açılışı olub.
Çıxış edən AzMİU-nun rektoru, Milli Məclisin deputatı, professor Gülçöhrə Məmmədova ümidvar olduğunu bildirib ki, Türk Dünyası Mühəndislər və Memarlar Birliyinin Azərbaycan təmsilçiliyi öz səmərəli fəaliyyəti ilə türkdilli ölkələrin əməkdaşlığı və inteqrasiyasına özünəməxsus töhfələr verəcək: “Azərbaycan Memarlıq və İnşaat Universiteti Türk Dünyası Mühəndislər və Memarlar Birliyi ilə uzun müddətdir ki, əməkdaşlıq edir və memarlıq-mühəndislik sahəsində Türk dünyası şəhərsalma qurultayları, müxtəlif konfranslar, seminarlar və birgə elmi tədbirlər keçirir. Bu təmsilçiliyin açılması uzunmüddətli əməkdaşlığın daha da inkişaf etdirilməsi və genişləndirilməsinə təkan verəcək. Universitetin nəzdində fəaliyyət göstərəcək Türk Dünyası Mühəndislər və Memarlar Birliyinin Azərbaycan təmsilçiliyi iki qardaş ölkənin alim və mütəxəssislərinin birgə elmi-tədqiqatlarının işlənməsində, təlimlərin keçirilməsində, ümumtürk memarlıq problemlərinin və müxtəlif səbəblərdən təhrif olunan və tarixən silinməyə doğru gedən memarlıq abidələrinin araşdırılmasında, həmçinin, bütün Türk dünyasının mühəndis və memarlarının əlaqələndirilməsində əhəmiyyətli rol oynayacaq”.
Sonra çıxış edən Türk Dünyası Mühəndislər və Memarlar Birliyinin baş katibi İlyas Dəmirçi bu təşkilatın 36 ölkədə təmsilçiliyinin olduğunu diqqətə çatdıraraq bildirib ki, əməkdaşlıq əlaqələrinin inkişafı hər iki tərəf üçün böyük maraq kəsb edir. O diqqətə çatdırıb ki, qarşıdakı illərdə bir sıra təşəbbüslərin irəli sürülməsi və konkret layihələrin gerçəkləşdirilməsi nəzərdə tutulub.
Daha sonra “Qitə aşan layihələr” adlı təqdimat mərasimi keçirilib. Birliyin nümayəndə heyəti təqdimatdan sonra universitetin professor-müəllim heyəti və Memarlıq fakültəsinin tələbələri ilə də görüşüb. Görüş zamanı universitetin 5 fəal tələbəsi mükafatlandırılıb və həmin tələbələrin Türk Dünyası Mühəndislər və Memarlar Birliyinin dəstəyi ilə Türkiyədə stajkeçmə proqramında iştirakı barədə məlumat verilib.
O da qeyd olunub ki, 2014-cü ilin sentyabr ayında Bişkekdə təşkil olunacaq Türk Dünyası Mühəndislik, Memarlıq və Şəhərcilik qurultayına elmi heyətdə iştirak etmək məqsədilə AzMİU-nun rektoru, professor Gülçöhrə Məmmədovaya və Bakı Dövlət Universitetinin rektoru, akademik Abel Məhərrəmova dəvət təqdim edilib.
AzMİU-nun memarlıq və şəhərsalma mövzusundakı uğurlu fəaliyyətini nəzərə alaraq rektor Gülçöhrə Məmmədovaya Türk Dünyası Mühəndislər və Memarlar Birliyi tərəfindən “Türk dünyası bilim-teknik üstün xidmət ödülü” təqdim edilib.
NURLAN

Paylaş:

Baxılıb: 1279 dəfə