Binəqədi rayonunda Ulu öndər Heydər Əliyevin anadan olmasının 91-ci ildönümü münasibətilə gül bayramı keçirilib

Bakı:

13 °C

94 %

5 m/s

AZ RU EN

Ana səhifə / Sosial / Binəqədi rayonunda Ulu öndər Heydər Əliyevin anadan olmasının 91-ci ildönümü münasibətilə gül bayramı keçirilib

Binəqədi rayonunda Ulu öndər Heydər Əliyevin anadan olmasının 91-ci ildönümü münasibətilə gül bayramı keçirilib

08.05.2014 [09:23]

Binəqədi rayonunda Ümummilli lider Heydər Əliyevin anadan olmasının 91-ci ildönümü münasibətilə gül bayramı keçirilib. Rayonun Heydər Əliyev adına istirahət parkında keçirilən tədbirdə Binəqədi rayon İcra Hakimiyyətinin (RİH) başçısı Xaləddin İsgəndərov, millət vəkilləri Madər Musayev, Rafael Cəbrayılov, RİH başçısının müavinləri, Aparatın şöbə müdirləri, rayon hüquq-mühafizə orqanları və icra strukturlarının rəhbərləri, həmçinin, rayon ictimaiyyətinin nümayəndələri iştirak ediblər.
Bayram tədbirində təbii güllər və çiçəklərdən hazırlanmış, ölkənin və rayonun sosial-iqtisadi inkişafını simvolizə edən kompozisiyalar nümayiş etdirilib. Ölkə həyatının müxtəlif sahələrini əks etdirən, eləcə də, Azərbaycan diasporunu və əzəli yurdumuz olan Qarabağı, Şuşa qalasını təcəssüm etdirən tər çiçəklərdən quraşdırılmış kompozisiyalar öz orijinallığı ilə seçilib. Rayon rəhbərliyi və qonaqlar xüsusi zövqlə hazırlanmış Xalça muzeyi, Bakı Aeroportu, neft buruqlarını əks etdirən kompozisiyalara maraqla tamaşa ediblər. Ümummilli lider Heydər Əliyevin portreti və imzasını əks etdirən kompozisiya xüsusi maraqla qarşılanan komponentlərdən olub. Rayonun bütün orta məktəblərinin şagirdləri, eləcə də, uşaq bağçalarının körpə fidanları tərəfindən hazırlanmış güllərlə bəzədilmiş stendlər də bayram şənliyinin gedişində nümayiş etdirilib. Həmçinin, tədbir zamanı bir qrup istedadlı əlillərin hazırladıqları əl işləri də iştirakçıların böyük marağına səbəb olub. X.İsgəndərov əl işlərinin müəllifi olan əlil qadınlarla görüşüb. Qarabağa həsr olunmuş kompozisiyanın önündə məktəblilərin ifasında səslənən vətən həsrəti və yurd yanğısını tərənnüm edən “Xarı bülbül” mahnısı qonaqlar tərəfindən maraqla qarşılanıb. Həmçinin, Qarabağdan gətirilmiş xarı bülbül gülü də qonaqlara təqdim edilib.
Rayon rəhbərliyi və qonaqlar kompozisiyalara baxış keçirdikdən sonra Ulu öndərin anadan olmasının 91-ci ildönümünə həsr olunan konsert proqramına tamaşa ediblər. Tədbirin sonunda səmaya 5 min şar buraxılıb.
Axşam Heydər Əliyev adına istirahət parkında reallaşdırılan konsertdə xaricdən dəvət olunmuş incəsənət ustaları - neonlu davul çalanlar qeyri-adi konsert proqramı ilə çıxış ediblər. Konsert proqramının gedişində “91” adlı fləşmob keçirilib. Fləşmobda Ulu öndərin anadan olmasının 91-ci ildönümü münasibətilə 91 ədəd uçan fənər havaya buraxılıb. Sonda Müslüm Maqomayevin Azərbaycan kompozisiyasının sədaları altında qeyri-adi atəşfəşanlıq nümayiş etdirilib.

Paylaş:

Baxılıb: 1514 dəfə