Ümummilli lider Heydər Əliyev Azərbaycanı tənəzzüldən tərəqqiyə çatdıran dahidir

Bakı:

13 °C

76 %

4 m/s

Əlaqə

AZ RU EN

Ana səhifə / Sosial / Ümummilli lider Heydər Əliyev Azərbaycanı tənəzzüldən tərəqqiyə çatdıran dahidir

Ümummilli lider Heydər Əliyev Azərbaycanı tənəzzüldən tərəqqiyə çatdıran dahidir

09.05.2014 [09:59]

Ulu öndər Heydər Əliyev müasir demokratik Azərbaycan dövlətini yaratdı, onu dünyanın nüfuzlu ölkəsinə çevirdi.
Bu fikir mayın 8-də Azərbaycan Dövlət Teleqraf Agentliyində (AzərTAc) Yeni Azərbaycan Partiyası (YAP) Səbail rayon “Xəbərlər Ajansı” ərazi ilk təşkilatının Ümummilli liderimiz Heydər Əliyevin anadan olmasının 91-ci ildönümü ilə əlaqədar keçirilən yığıncağında səslənib.
Yığıncaq iştirakçıları əvvəlcə YAP-ın yaradıcısı, müasir müstəqil Azərbaycanın banisi və qurucusu Ulu öndər Heydər Əliyevin agentliyin foyesindəki abidəsi önünə tər çiçəklər düzüblər.
Tədbirdə görkəmli siyasət və dövlət xadimi Heydər Əliyevin xatirəsi bir dəqiqəlik sükutla yad edilib.
Sonra Ümummilli liderimiz Heydər Əliyevin mənalı ömür yolu və zəngin dövlətçilik fəaliyyəti barədə AzərTAc tərəfindən hazırlanmış film nümayiş etdirilib.
Yeni Azərbaycan Partiyası “Xəbərlər Ajansı” ərazi ilk təşkilatının sədri, agentliyin baş direktoru Aslan Aslanov çıxış edərək deyib ki, Ulu öndər Heydər Əliyev müasir demokratik Azərbaycan dövlətini yaratdı, onu dünyanın nüfuzlu ölkəsinə çevirdi. Ümummilli liderin Azərbaycan xalqı qarşısındakı xidmətləri misilsizdir. Çünki Heydər Əliyev Azərbaycanın müasir tarixində dönüş yaradaraq ölkəni tənəzzüldən tərəqqiyə çatdıran dahidir. Ulu öndər milli dövlətçilik tarixinə bənzəri olmayan idarəçilik modeli gətirib.
Ümummilli lider Heydər Əliyevin şah əsəri olan müasir müstəqil Azərbaycan ümumxalq məhəbbəti qazanmış Prezidentimiz İlham Əliyevin müdrik, uzaqgörən siyasəti sayəsində dünyanın nüfuzlu, sürətlə inkişaf edən ölkələrindən birinə çevrilib. Azərbaycan artıq beynəlxalq aləmdə söz, nüfuz sahibidir. Hazırda dünyanın əksər ölkələrini inkişafın Azərbaycan modeli çox maraqlandırır. Onlar bu modeli diqqətlə öyrənmək və tətbiq etmək istəyirlər.
Azərbaycanın son illərdəki nailiyyətlərindən söz açan baş direktor ölkəmizin BMT Təhlükəsizlik Şurasına üzv seçilməsini və bu beynəlxalq quruma sədrlik etməsini Ulu öndər Heydər Əliyevin müəyyənləşdirdiyi siyasi xəttin dövlətimizin başçısı İlham Əliyev tərəfindən layiqincə davam etdirilməsinin göstəricisi olduğunu diqqətə çatdırıb. Bildirilib ki, bu günlərdə Azərbaycanın Avropa Şurasının Nazirlər Komitəsinə sədrlik etməsi barədə qərarın qəbulu və tezliklə ölkəmizin bu qurumda sədrlik fəaliyyətinə başlayacağı da Ulu öndər Heydər Əliyevin uzaqgörən siyasətinin bəhrəsidir. YAP ərazi ilk təşkilatının sədri çıxışının sonunda Ümummilli lider Heydər Əliyevi xarici ölkələrə səfərlərində jurnalist kimi müşayiəti ilə bağlı xatirələrini bölüşüb.
Sonra AzərTAc-ın Yeni Azərbaycan Partiyasının sıralarına qəbul olunmuş əməkdaşlarına partiyanın üzvlük vəsiqələri təqdim edilib.
Sonda Ümummilli liderimiz Heydər Əliyevin anadan olmasının 91-ci ildönümü münasibətilə agentlikdə keçirilmiş analitik yazı müsabiqəsinin və stolüstü oyunlar turnirlərinin qalibləri mükafatlandırılıb.

Paylaş:

Baxılıb: 1091 dəfə