Azərbaycanda çoxəsrlik ənənələrə malik tolerantlıq mühiti, ayrı-ayrı dinlər və etiqadlar arasında qarşılıqlı hörmət və etimad var

Bakı:

25 °C

46 %

8 m/s

AZ RU EN

Ana səhifə / Sosial / Azərbaycanda çoxəsrlik ənənələrə malik tolerantlıq mühiti, ayrı-ayrı dinlər və etiqadlar arasında qarşılıqlı hörmət və etimad var

Azərbaycanda çoxəsrlik ənənələrə malik tolerantlıq mühiti, ayrı-ayrı dinlər və etiqadlar arasında qarşılıqlı hörmət və etimad var

05.07.2014 [09:53]

Azərbaycan Respublikasının Millətlərarası, multikulturalizm və dini məsələlər üzrə Dövlət müşaviri Kamal Abdullayev iyulun 4-də Masallı şəhərindəki Heydər Əliyev Mərkəzində rayon ziyalıları və dindarlarla görüşüb.
AzərTAc xəbər verir ki, tədbir iştirakçıları əvvəlcə Ümummilli lider Heydər Əliyevin abidəsi önünə gül dəstələri düzüb, xatirəsini ehtiramla yad ediblər.
Tədbirdə çıxış edən rayon icra hakimiyyətinin başçısı Rafil Hüseynov Kamal Abdullayevi Azərbaycan Respublikasının Millətlərarası, multikulturalizm və dini məsələlər üzrə Dövlət müşaviri təyin olunması, Azərbaycan Milli Elmlər Akademiyasının həqiqi üzvü seçilməsi və akademik adı alması münasibətilə rayon ictimaiyyəti adından təbrik edib.
Görüşdə etnik-dini dəyərlərin qorunmasının, Azərbaycanın multikultural, tolerant ölkə kimi dünyaya təqdim olunmasının vacibliyi qeyd olunub, azərbaycançılıq ideologiyasının dövlət siyasətinin əsas istiqamətlərindən biri olduğu, respublikamızda çoxəsrlik ənənələrə malik tolerantlıq mühitinin, ayrı-ayrı dinlər və etiqadlar arasında qarşılıqlı hörmət və etimada əsaslanan əməkdaşlıq münasibətlərinin hökm sürdüyü diqqətə çatdırılıb.
Dövlət müşaviri Kamal Abdullayev Azərbaycan Prezidentinin dövlət-din münasibətlərinə xüsusi həssaslıqla yanaşdığını qeyd edərək, zəngin multikulturalizm ənənələrinin qorunub saxlanması, təbliği və təşviqi istiqamətində həyata keçirilən dövlət siyasəti və nəzərdə tutulmuş çoxşaxəli işlər, müxtəlif layihə və proqramlar barədə danışıb.
Qeyd olunub ki, Ulu öndər Heydər Əliyev tərəfindən bizə miras qalmış azərbaycançılıq, tolerantlıq, milli və etnik prinsiplər Prezident İlham Əliyev tərəfindən uğurla davam etdirilir.
Sonra Dövlət müşaviri görüş iştirakçılarını maraqlandıran sualları cavablandırıb.
Daha sonra Kamal Abdullayev Masallı şəhərindəki məsciddə dindarlarla görüşüb.
Görüş zamanı ölkədəki mövcud etnik-dini durumla bağlı ətraflı fikir mübadiləsi aparılıb, milli azlıqları təmsil edənlərin və dini icma üzvlərinin səsləndirdikləri təkliflərin yaxın gələcəkdə reallaşdırılacaq layihələrdə nəzərə alınacağı diqqətə çatdırılıb.
Çıxış edənlər Azərbaycanda mövcud olan tolerantlığın, qarşılıqlı hörmət və etimada, dostluq və qardaşlıq prinsiplərinə əsaslanan dinlərarası və millətlərarası münasibətlərin dünyaya nümunə olduğunu vurğulayaraq, etnik qruplar və dini icmalar üçün yaradılan bərabər imkanlara görə dövlətimizin başçısına minnətdarlıqlarını bildiriblər.

Paylaş:

Baxılıb: 1029 dəfə