Ulu öndərin həyatı Azərbaycan gəncləri üçün misilsiz örnəkdir

Bakı:

22 °C

62 %

5 m/s

Əlaqə

AZ RU EN

Ana səhifə / Sosial / Ulu öndərin həyatı Azərbaycan gəncləri üçün misilsiz örnəkdir

Ulu öndərin həyatı Azərbaycan gəncləri üçün misilsiz örnəkdir

12.12.2014 [09:55]

Bugünkü inkişafa görə hər bir azərbaycanlı Ümummilli liderə borcludur
Dünən Azərbaycan Dövlət Neft Akademiyasında (ADNA) Ümummilli lider Heydər Əliyevin xatirəsinə həsr olunmuş anım mərasimi keçirilib. Öncə Azərbaycan xalqının və dövlətçiliyinin tarixində müstəsna xidmətləri olmuş Ulu öndər Heydər Əliyevin xatirəsi bir dəqiqəlik sükutla yad edilib.
Azərbaycan Dövlət Neft Akademiyasının dosenti, Yeni Azərbaycan Partiyası ADNA ilk partiya təşkilatının sədri Tamilla Naibova çıxış edərək, Ümummilli lider, dünya şöhrətli siyasi xadim Heydər Əliyevin xalqımız qarşısındakı misilsiz xidmətlərindən danışıb. O qeyd edib ki, Azərbaycanın müasir tarixində Ulu öndər Heydər Əliyevin müstəsna xidmətlərinin ictimai-siyası mahiyyəti hələ uzun illər tədqiqatçıların diqqət mərkəzində olacaq: “Bu, bir həqiqətdir ki, XX əsrdə Azərbaycan tarixinin baş qəhrəmanı müasir Azərbaycanın banisi və qurucusu Heydər Əliyev olub. Həqiqətən, O, qəhrəman idi, çünki əlçatmaz arzuları gerçəkləşdirdi. Azərbaycanın inkişafı, xoşbəxt gələcəyi naminə Ulu öndərimizin təkcə Sovet hakimiyyəti dövründə apardığı siyasət böyük tədqiqat əsərləri üçün zəngin material ola bilər. Harada olmasından, hansı vəzifədə çalışmasından asılı olmayaraq, O, daim Azərbaycanın gələcəyini düşünüb. Əbəs yerə xalq Ona “Yeni Azərbaycanın qurucusu” adını verməmişdir. Azərbaycanın bugünkü inkişafının əsası Ulu öndər tərəfindən hələ 1969-82-ci illərdə qoyulub. Onun xatirəsi daim qəlblərdə yaşayacaq”.
Daha sonra çıxış edən Azərbaycan Dövlət Neft Akademiyasının prorektoru Qasım Məmmədov bildirib ki, 1993-cü ildə xalqın təkidi ilə yenidən siyasi hakimiyyətə gələn Ulu öndər Heydər Əliyev yüksək dövlətçilik bacarığı ilə, polad iradəsi sayəsində ölkəni vətəndaş müharibəsi təhlükəsindən və ictimai-siyasi çəkişmələrdən qurtarıb: “Ulu öndər keçən əsrdə gedən mübarizələrdən Azərbaycanı qorudu, onun müstəqilliyinin təməlini möhkəmləndirmək üçün müdrik siyasət apardı, “Əsrin müqaviləsi” kimi nəhəng bir neft kontraktının imzalanmasına nail oldu. Bununla müstəqilliyimizin bünövrəsi daha da möhkəmləndirildi. Qonşu respublikalarla müqayisədə ölkəmizdəki ictimai-siyasi sabitlik, davamlı iqtisadi inkişaf göz qabağındadır. Bugünkü inkişafa görə hər bir azərbaycanlı Ulu öndər Heydər Əliyevə borcludur. Onun ideyalarının həyata keçirilməsi üçün Prezidentimiz İlham Əliyevin ətrafında sıx birləşərək dövlətçiliyimizi daha da möhkəmləndirməliyik”.
Oktay

Paylaş:

Baxılıb: 979 dəfə