ADİU-da Ümummilli liderin anım gününə həsr olunan tədbir keçirilib

Bakı:

22 °C

62 %

5 m/s

Əlaqə

AZ RU EN

Ana səhifə / Sosial / ADİU-da Ümummilli liderin anım gününə həsr olunan tədbir keçirilib

ADİU-da Ümummilli liderin anım gününə həsr olunan tədbir keçirilib

12.12.2014 [10:01]

Dekabrın 11-də Azərbaycan Dövlət İqtisad Universitetində (ADİU) Ümummilli lider Heydər Əliyevin anım gününə həsr olunan tədbir keçirilib. Tədbir iştirakçıları öncə Fəxri Xiyabana gələrək, xalqımızın Ümummilli lideri Heydər Əliyevin məzarını ziyarət edib, Ulu öndərin məzarı önünə əklil qoyublar.
Daha sonra görkəmli oftalmoloq alim, akademik Zərifə xanım Əliyevanın əziz xatirəsi yad edilib və məzarı önünə gül dəstələri düzülüb.
Anım mərasimi ADİU-nun Heydər Əliyev Mərkəzində davam etdirilib. Tədbirdə öncə Ulu öndərin əziz xatirəsi bir dəqiqəlik sükutla yad edilib. Sonra universitetin rektoru, professor Ədalət Muradov çıxış edərək, görkəmli dövlət xadimi Heydər Əliyevin həyat və fəaliyyəti, Azərbaycan Respublikasının müstəqilliyinin qorunub saxlanması və möhkəmlənməsində əvəzolunmaz xidmətləri, ölkəmizə qazandırdığı nailiyyətlər haqqında geniş məlumat verib. Rektor bildirib ki, Ümummilli liderimizin xalqın birliyi yolunda göstərdiyi fəaliyyəti hər bir soydaşımız üçün nümunədir: “Ulu öndərimizin səyi, zəhməti sayəsində respublikamız davamlı iqtisadi inkişaf yoluna qədəm qoydu. 1994-cü ildə imzalanan “Əsrin müqaviləsi” Heydər Əliyevin uzaqgörən neft siyasətinin nəticəsi idi. Bu müqavilədən sonra inkişaf etmiş dünya dövlətlərinin Azərbaycana, burada cərəyan edən proseslərə marağı artdı. Ölkədə uğurlu islahatların bünövrəsi qoyuldu. Təhsilimızın səviyyəsinin yüksəlməsi ilə bağlı uğurlarımız, təhsil sahəsində beynəlxalq proqram və layihələrdə iştirakımız məhz Heydər Əliyev siyasətinin parlaq nümunəsidir”.
Rektor qeyd edib ki, bu gün Ulu öndərin siyasi kursu uğurla davam etdirilir. Azərbaycan Respublikasının Prezidenti İlham Əliyevin təhsilə, təhsil işçilərinə diqqət və qayğısı nəticəsində təhsilimizin inkişafı məsələsi öz məzmununu daha da genişləndirir, Azərbaycanın gələcək uğur modelinin əsasını formalaşdırır.
Sonra universitetin professoru Arif Şəkərəliyev məruzə ilə çıxış edərək, Azərbaycan iqtisadiyyatının, elm, təhsil və mədəniyyətinin inkişafında, ölkənin dünya birliyinə inteqrasiyasında Heydər Əliyevin tükənməz xidmətlərinı vurğulayıb, Azərbaycanın bu günü və gələcəyi üçün müəyyənləşdirdiyi inkişaf strategiyasının əhəmiyyətindən danışıb.
Tədbirdə çıxış edən digər iştirakçılar müstəqil Azərbaycan dövlətinin yaranmasında, inkişafında və dünyada tanınmasında Ümummilli lider Heydər Əliyevin əvəzsiz rolundan söz açıblar.
Sonda Ulu öndərin həyat və fəaliyyətinə həsr olunan film nümayiş etdirilib.

Paylaş:

Baxılıb: 948 dəfə