Bakı Ali Neft Məktəbinin Həmkarlar İttifaqı təsis olunub

Bakı:

20 °C

73 %

6 m/s

Əlaqə

AZ RU EN

Ana səhifə / Sosial / Bakı Ali Neft Məktəbinin Həmkarlar İttifaqı təsis olunub

Bakı Ali Neft Məktəbinin Həmkarlar İttifaqı təsis olunub

01.04.2015 [09:54]

Bakı Ali Neft Məktəbində (BANM) həmkarlar ittifaqı təşkilatının təsis konfransı keçirilib. Konfransda çıxış edən təhsil ocağının rektoru Elmar Qasımov rəhbərlik etdiyi ali məktəbdə həmkarlar ittifaqı təşkilatının yaranmasının əhəmiyyətindən və zərurətindən söz açıb. O, bütün fəaliyyət sahələri üzrə həmkarlar ittifaqlarının yaradılmasının vacibliyini qeyd edərək, deyib ki, qədim neft diyarı olan Azərbaycanda ilk həmkarlar təşkilatının yaranması da məhz neft sənayesi ilə bağlı olub.
Rektor neft-qaz sənayesində çalışanların əməyinin ağır olduğunu diqqətə çatdıraraq, hələ XIX əsrin sonu XX əsrin əvvəllərindən Azərbaycanda neftçilərin hüquqlarının müdafiəsi üçün ilk həmkarlar ittifaqının təsis edildiyini söyləyib. E.Qasımov həmkarlar ittifaqlarının istehsal və qeyri-istehsal sahələrində çalışan işçilərin, təqaüdçülərin və təhsil alan şəxslərin əmək, sosial hüquqlarını və mənafelərini müdafiə edən, müstəqil ictimai və qeyri-siyasi təşkilat olduğunu qeyd edib. O, BANM-də əməkdaşların və tələbələrin nümayəndələrindən ibarət olan vahid həmkarlar ittifaqı komitəsinin yaradılmasının onların yuxarıda qeyd edilən istiqamətlərdə fəaliyyətinin əməkdaşların və tələbələrin ictimai-sosial və mədəni həyatına yeni məzmun gətirəcəyini bildirib. Rektor, BANM-in professor-müəllim heyətini və tələbələri həmkarlar ittifaqı komitəsinin fəaliyyətinə hərtərəfli dəstək verməyə çağırıb və bu əlamətdar hadisə münasibətilə onları təbrik edib.
Konfransda Azərbaycan Neft və Qaz Sənayesi İşçiləri Həmkarlar İttifaqı Respublika Komitəsinin sədri Cahangir Əliyev çıxış edərək, rəhbərlik etdiyi təşkilatın fəaliyyət istiqamətləri barədə məlumat verib. Neft-qaz sənayesində çalışan işçilərin hüquqlarının müdafiəsinin SOCAR-ın səmərəli fəaliyyəti üçün vacib olduğunu vurğulayaraq, hələ 1904-cü ildə Bakı fəhlələri və neft sahibkarları arasında imzalanmış “Mazut müqaviləsi” ilə başlanmış hərəkatın 1906-cı ildə ilk həmkarlar ittifaqının yaranması ilə nəticələndiyini xatırladıb. O, həmçinin, belə nüfuzlu ali məktəbdə həmkarlar ittifaqı komitəsinin yaranmasını alqışladığını bildirib və qurumun fəaliyyətinə uğurlar arzulayıb.
Sonda BANM-in yeni yaradılan həmkarlar ittifaqı təşkilatının təsis konfransının nümayəndələri səsvermə yolu ilə həmkarlar ittifaqı komitəsinin üzvlərini seçiblər. Bakı Ali Neft Məktəbinin tələbələrlə iş şöbəsinin rəisi Həbibə Sadıqlı qurumun sədri seçilib.

Paylaş:

Baxılıb: 1084 dəfə