Azərbaycanın hərtərəfli inkişafı Ulu öndər Heydər Əliyevin hakimiyyətə gəlişindən sonra başladı

Bakı:

23 °C

83 %

8 m/s

Əlaqə

AZ RU EN

Ana səhifə / Sosial / Azərbaycanın hərtərəfli inkişafı Ulu öndər Heydər Əliyevin hakimiyyətə gəlişindən sonra başladı

Azərbaycanın hərtərəfli inkişafı Ulu öndər Heydər Əliyevin hakimiyyətə gəlişindən sonra başladı

11.07.2015 [10:51]

Səbail rayonunda Ümummilli lider Heydər Əliyevin Azərbaycanda siyasi hakimiyyətə gəlişinin 46-cı ildönümünə həsr olunmuş tədbir keçirilib. Səbail rayon rəhbərliyi, rayonda fəaliyyət göstərən Ağsaqqallar, Veteran Təşkilatları şuralarının, Azərbaycan Vətən Müharibəsi Veteranları Birliyinin, digər ictimai təşkilatların, rayon bələdiyyələrinin və ictimaiyyətinin, KİV nümayəndələrinin iştirakı ilə Azərbaycan Vətən Müharibəsi Veteranları Birliyinin Şəhidlər xiyabanındakı qərargahında keçirilən tədbiri giriş sözü ilə açan Səbail rayon İcra Hakimiyyəti başçısının müavini Eldar Ağayev Ulu öndər Heydər Əliyevin Azərbaycanda hakimiyyətə gəlişi və fəaliyyəti ilə bağlı geniş məruzə ilə çıxış edib. Natiq bildirib ki, Azərbaycanın dövlətçilik ənənələrinin bərpası, respublikamızın iqtisadi qüdrətinin artması məhz Ümummilli lider Heydər Əliyevin Azərbaycanda ilk dəfə hakimiyyətə gəldiyi gündən - 1969-cu il iyulun 14-dən başlanmışdır. Onun sözlərinə görə, həmin gündən etibarən Azərbaycanın inkişafında böyük dönüş və tərəqqi başlandı. Ulu öndər Heydər Əliyevin böyük səyləri, vətənə və xalqa məhəbbəti, təşkilatçılıq qabiliyyəti, mövcud problemləri dərindən öyrənərək onların aradan qaldırılmasını təmin etmək bacarığı öz bəhrəsini verdi.
Eldar Ağayev onu da qeyd edib ki, Ulu öndər Heydər Əliyev 1993-cü ildə xalqın təkidli tələbi ilə ikinci dəfə Azərbaycanda hakimiyyətə gəldikdən sonra Azərbaycanı parçalanmaqdan, məhv olmaqdan qorudu, xalqımızın xilaskarına çevrildi: “Ümummilli liderimiz bu gün aparıcı dünya dövlətlərinin hesablaşdığı Azərbaycan Respublikasının hərtərəfli inkişafının əsasını qoydu, böyük starateji layihələrin həyata keçirilməsinə başlandı. Ulu öndər Heydər Əliyevin əsasını qoyduğu siyasət bu gün Onun layiqli davamçısı, Azərbaycan Respublikasının Prezidenti İlham Əliyev tərəfindən uğurla davam etdirilir”.
Toplantıda çıxış edən Azərbaycan Respublikası Prezidenti Administrasiyasının İctimai-siyasi məsələlər şöbəsinin məsul əməkdaşı Rasim Mirzəyev, YAP Səbail rayon təşkilatı aparatının rəhbəri Zəfər Bayramov, Azərbaycan Vətən Müharibəsi Veteranları Birliyinin sədri Fizuli Rzaquliyev, Respublika Veteran Təşkilatları Şurasının sədr müavini, ehtiyatda olan polkovnik Adil Haqverdiyev, Əfqanıstan Müharibəsi Veteranları İttifaqının sədri Məhəmməd Vəliyev, Anadolu Universitetinin Azərbaycan nümayəndəliyinin rəhbəri Azər Hümbətov, müharibə veteranı Cəbrayıl Əliyev, Türkiyə Universitetləri Məzunları İctimai Birliyinin sədri Çingiz Bayramov, gənc yazar Ülkər Piriyeva və başqaları Ulu öndərin 46 il öncə hakimiyyətə gəlişi, Onun Azərbaycanın tərəqqi, inkişaf və çiçəklənməsi istiqamətində həyata keçirdiyi böyük işlərdən danışıblar.

Paylaş:

Baxılıb: 863 dəfə