Daşkəsəndə 20 Yanvar faciəsinin qurbanlarının xatirəsi böyük ehtiramla yad edilib

Bakı:

25 °C

55 %

4 m/s

Əlaqə

AZ RU EN

Ana səhifə / Sosial / Daşkəsəndə 20 Yanvar faciəsinin qurbanlarının xatirəsi böyük ehtiramla yad edilib

Daşkəsəndə 20 Yanvar faciəsinin qurbanlarının xatirəsi böyük ehtiramla yad edilib

20.01.2017 [09:49]

20 Yanvar faciəsinin qurbanlarının xatirəsi bütün ölkəmizdə olduğu kimi, Daşkəsən rayonunda da dərin ehtiramla yad edilib. Belə ki, Daşkəsən rayon İcra Hakimiyyətinin başçısı Əhəd Abıyevin müvafiq sərəncamına əsasən faciənin ildönümünün rayon ərazisində geniş şəkildə qeyd olunmasını nəzərdə tutan tədbirlər planı hazırlanıb, yanvar ayının 6-dan 20-dək silsilə tədbirlərlə şəhidlərimizin ruhuna hörmət və ehtiram ifadə olunub. Rayonun təhsil, səhiyyə, mədəniyyət müəssisələrində, idarə və təşkilatlarında, inzibati ərazi dairələri üzrə nümayəndəliklərində “dəyirmi masa”lar, müzakirələr və digər geniş anım tədbirləri keçirilib, həmçinin mədəni-maarif müəssisələrində 20 Yanvar faciəsinə həsr olunmuş fotostend, kitab sərgiləri hazırlanıb, kitabxana müəssisələrində oxucu konfransları təşkil olunub, bütün tədris müəssisələrində 20 Yanvar faciəsinə həsr edilmiş xüsusi dərslər keçirilib.
Dünən isə rayon ictimaiyyətinin nümayəndələrinin iştirakı ilə Daşkəsən rayon Şəhidlər xiyabanında ümumrayon anım mərasimi keçirilib. Daşkəsən rayon İcra Hakimiyyətinin başçısı Əhəd Abıyevin adından Şəhidlər xiyabanındakı əbədi məşəlin önünə əklil qoyulub. Daha sonra rayon İcra Hakimiyyətinin başçısı Əhəd Abıyev şəhid ailələri, Qarabağ müharibəsi əlilləri və iştirakçıları, rayon ağsaqqalları və veteranları ilə görüşüb, onların ehtiyac və qayğıları ilə maraqlanıb.
Ümumrayon tədbiri sonra rayon Mədəniyyət Mərkəzində davam etdirilib. Mərkəzin foyesində məktəblilərin 20 Yanvar faciəsinə həsr olunmuş rəsm sərgisi təşkil edilib.
Daşkəsən rayon İcra Hakimiyyətinin başçısı Əhəd Abıyev tədbirdə çıxış edərək deyib ki, 1990-cı ilin 20 yanvarında törədilmiş faciəli hadisələr xalqımızın azadlığı və ərazi bütövlüyü uğrunda mübarizə tarixinə qəhrəmanlıq səhifəsi kimi daxil olub: “1990-cı il yanvarın 19-dan 20-nə keçən gecə Sovet ordusu erməni silahlı quldur dəstələri ilə birgə Azərbaycan xalqına qarşı terror aktı həyata keçirib. Azərbaycanın müstəqillik və milli azadlıq uğrunda mübarizə tarixinə qəhrəmanlıq səhifəsi kimi daxil olmuş 1990-cı ilin 20 yanvarında xalqımıza qarşı misli görünməmiş vəhşiliklər törədilmişdir.
Bu qanlı faciə Azərbaycan xalqının milli azadlığı və ərazi bütövlüyü uğrunda aparmış olduğu şanlı mübarizə tarixində qara səhifə kimi heç vaxt unudulmayacaqdır”.
Daha sonra tədbirdə rayon mədəniyyət işçilərinin və məktəblilərin hazırladıqları ədəbi-bədii kompozisiya nümayiş etdirilib və 20 Yanvar faciəsindən bəhs edən filmə baxılıb.

Paylaş:

Baxılıb: 619 dəfə