Heydər Əliyev
yeni azerbaycan logo

Ana səhifə / Sosial / Qeyri-sabit hava şəraiti nə vaxta qədər davam edəcək?

Qeyri-sabit hava şəraiti nə vaxta qədər davam edəcək?

27.05.2017 [10:57]

Yaz fəslinin başa çatmasına az qalmasına baxmayaraq, ölkədə qeyri-sabit hava şəraiti hökm sürür. Respublikamızda yağışlı hava şəraiti müşahidə edilməkdədir, hətta son günlərdə ayrı-ayrı regionlarda intensiv dolu düşüb və təsərrüfatlara ciddi ziyan dəyib. May ayının son ongünlüyündə hava şəraitinin qeyri-sabit keçməsinə səbəb olan amillər və yaxın günlərdə havanın necə olacağı ilə bağlı suallara cavab tapmaq üçün Ekologiya və Təbii Sərvətlər Nazirliyinin Milli Hidrometeorologiya Departamenti Hidrometeoroloji Proqnozlar Bürosunun direktor əvəzi Gülşad Məmmədova ilə əlaqə saxladıq. G.Məmmədova bildirib ki, aparılan hidrometeoroloji müşahidələrə əsasən, son 10 ildə olduğu kimi, bu il də may ayında Azərbaycanda qeyri-sabit hava şəraiti hökm sürür. Proqnozlar bürosunun rəsmisinin sözlərinə görə, yaxın günlərdə temperaturun yüksələcəyi proqnozlaşdırılır: “Əvvəlki günlərdə respublikanın əksər bölgələrində intensiv yağış yağmasına baxmayaraq, mayın 27-28-dən sonra havanın temperaturunun 2-3 dərəcə istiləşəcəyi gözlənilir. İyun ayının hava proqnozu isə mayın sonunda bəlli olacaq. Hazırda müşahidələr aparılır və bu barədə əhaliyə əlavə məlumat veriləcək. Bəri başdan iyun ayında havanın temperaturunun yüksələcəyini ehtimal etmək mümkündür”.
Müşfiqə BAYRAMLI

Paylaş:
Baxılıb: 550 dəfə

Xəbər lenti

Hamısına bax

YAP xəbərləri

İqtisadiyyat

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31