Novruz bayramı ilə əlaqədar Nərimanov rayonunda kənd təsərrüfatı məhsullarının satış yarmarkaları təşkil edilib

Bakı:

31 °C

45 %

7 m/s

AZ RU EN

Ana səhifə / Sosial / Novruz bayramı ilə əlaqədar Nərimanov rayonunda kənd təsərrüfatı məhsullarının satış yarmarkaları təşkil edilib

Novruz bayramı ilə əlaqədar Nərimanov rayonunda kənd təsərrüfatı məhsullarının satış yarmarkaları təşkil edilib

05.03.2019 [09:52]

Azərbaycan Respublikasının Prezidenti İlham Əliyevin tapşırığı ilə paytaxtın 14 ünvanında, ölkənin bütün şəhər və rayon mərkəzlərində, o cümlədən Nərimanov rayonunda F.X.Xoyski prospektindəki Qələbə meydanında (metronun Gənclik stansiyasının çıxışı) Novruz yarmarkası fəaliyyətə başlayıb.
AZƏRTAC xəbər verir ki, yarmarkada respublikamızın müxtəlif rayonlarından gətirilmiş 100-ə yaxın çeşiddə kənd təsərrüfatı məhsulları təzə və keyfiyyətli olmaqla, eyni zamanda, bazarlardakından ucuz qiymətə əhaliyə təqdim olunur. Ayrılan yer müasir standartlara uyğun və qapalı formada təşkil edilib, istehlakçılar və fermerlər üçün daha əlverişli ticarət mühiti yaradılıb, habelə kənd təsərrüfatı məhsulları istehsalçılarının topdan və pərakəndə satış bazarlarına çıxış imkanlarının genişləndirilməsi təmin olunub. Yarmarkada müvafiq şəraitin yaradılması, əhali və fermerlər üçün əlverişli ticarət mühitinin formalaşdırılması, sui-istifadə hallarının aradan qaldırılması üçün təxirəsalınmaz tədbirlər görülüb.
Yarmarkanın fəaliyyəti ilə tanış olan Bakı Şəhər İcra Hakimiyyətinin başçısı Eldar Əzizov bildirib ki, hazırda ölkəmizdə aparılan uğurlu iqtisadi islahatlar nəticəsində bazarda qiymətlər tənzimlənir. Bu cür satış yarmarkalarının keçirilməsində əsas məqsəd sakinləri seçim müxtəlifliyi ilə təmin etmək, sərfəli qiymətlərlə keyfiyyətli məhsullar təqdim etməkdir. Hazırda Azərbaycanda bu istiqamətdə işlər davam etdirilir. Görülən bütün işlər bir daha sübut edir ki, Prezident İlham Əliyevin siyasəti ümumxalq xarakteri daşıyır.
Bakı Şəhər İcra Hakimiyyətinin başçısı deyib ki, Novruz yarmarkalarının keçirildiyi müddətdə qiymətlərin tənzimlənməsinə nəzarət ediləcək. O, həmçinin diqqətə çatdırıb ki, belə yarmarkalar tez-tez təşkil olunacaq.
Xatırladaq ki, Prezident İlham Əliyevin tapşırığı ilə paytaxtın 14 ünvanında, ölkənin bütün şəhər və rayon mərkəzlərində martın 2-dən etibarən hər həftənin şənbə və bazar günləri, martın 16-dan 21-dək isə hər gün Novruz yarmarkaları keçiriləcək. Yarmarkalarda respublikamızın müxtəlif bölgələrindən fermerlər, ailə təsərrüfatları əhaliyə geniş çeşiddə kənd təsərrüfatı məhsullarını bazar qiymətlərindən xeyli ucuz təklif edirlər.

Paylaş:

Baxılıb: 627 dəfə