Milli Məclisdə bir qrup jurnalist, gənc və yeniyetmə idmançı ilə görüş keçirilib

Bakı:

17 °C

77 %

2 m/s

Əlaqə

AZ RU EN

Ana səhifə / Sosial / Milli Məclisdə bir qrup jurnalist, gənc və yeniyetmə idmançı ilə görüş keçirilib

Milli Məclisdə bir qrup jurnalist, gənc və yeniyetmə idmançı ilə görüş keçirilib

20.05.2021 [09:35]

Mayın 19-da Milli Məclis sədrinin müavini, Gənclər və idman komitəsinin sədri Adil Əliyev Vətən müharibəsində arxa cəbhədə fəallığı ilə seçilmiş bir qrup jurnalistlə, həmçinin ölkəmizi beynəlxalq arenada layiqincə təmsil edən gənc və yeniyetmə idmançılarla görüşüb.
Parlamentin Mətbuat və ictimaiyyətlə əlaqələr şöbəsindən AZƏRTAC-a verilən məlumata görə, görüşdə Adil Əliyev Vətən müharibəsindən söhbət açaraq bildirib ki, Prezident, Müzəffər Ali Baş Komandan İlham Əliyevin rəhbərliyi ilə rəşadətli Azərbaycan Ordusu 30 ilə yaxın müddət ərzində işğal altında qalmış əzəli və əbədi torpaqlarımızı düşməndən həmişəlik azad edib. Bu, tarixi əhəmiyyət kəsb edən və hər bir azərbaycanlının fəxr etdiyi möhtəşəm Qələbədir.
Milli Məclis sədrinin müavini bu Qələbənin Müzəffər Ali Baş Komandanın siyasi, diplomatik, hərbi sahələrdə atdığı qətiyyətli addımlar sayəsində, habelə hərbi qulluqçularımızın yüksək döyüş hazırlığı və göstərdiyi şücaət nəticəsində qazanıldığını vurğulayıb. Qeyd edib ki, bu Zəfər, eyni zamanda, müasir silahlar və döyüş texnikası ilə təchiz olunmuş Ordumuzun qüdrətinin bariz nümunəsidir.
Söhbət zamanı Adil Əliyev vətənpərvər ruhda böyümüş Azərbaycan gənclərinin həm də idmana olan marağının artmasından danışıb. O, ölkəmizdə bədən tərbiyəsi və idmanın kütləviliyinin təmin edilməsinin əsasının vaxtilə Ulu Öndər Heydər Əliyev tərəfindən qoyulduğunu diqqətə çatdırıb. Bu gün də dövlətimizin başçısı İlham Əliyevin idmana və idmançılara xüsusi diqqət və qayğısından bəhs edib.
Milli Məclis sədrinin müavini bildirib ki, idmançılarımız da öz növbələrində üzərilərinə düşən məsuliyyəti anlayaraq, ölkəmizi beynəlxalq yarış meydanlarında layiqincə təmsil edir, qələbə qazanaraq Azərbaycan bayrağını yüksəldirlər.
Adil Əliyev “Galatasaray” Futbol Akademiyasında təhsil alan futbolçumuz Kənan Həsənovu nümunə göstərərək, idmançılarımızın hər zaman dünya klublarında karyeralarını davam etdirməklə yanaşı, ölkəmizə bağlı olduqlarını, milli dəyərlərə daim hörmətlə yanaşdıqlarını, Azərbaycanın layiqli vətəndaşı kimi yetişdiklərini bildirib.
Səmimi görüşə görə təşəkkürlərini bildirən idmançılar bundan sonra da qatıldıqları beynəlxalq yarışlarda zəfər əldə edəcəklərini, eyni zamanda, ölkəmizin haqq səsinin dünyaya çatdırılmasında səylərini əsirgəməyəcəklərini vurğulayıblar.
Sonda görüş iştirakçılarının bir qisminə Milli Məclisin Gənclər və idman komitəsinin Fəxri fərmanı təqdim edilib.

Paylaş:

Baxılıb: 839 dəfə