Nəqliyyat infrastrukturu müasirləşdirilir

Bakı:

25 °C

65 %

12 m/s

Əlaqə

AZ RU EN

Ana səhifə / Sosial / Nəqliyyat infrastrukturu müasirləşdirilir

Nəqliyyat infrastrukturu müasirləşdirilir

27.09.2023 [11:22]

Elektrik avtobuslar dövriyyədə...

Yeganə

Bakıda marşrut xəttinə ilk elektrik mühərrikli avtobus buraxılıb. Bu barədə Rəqəmsal İnkişaf və Nəqliyyat Nazirliyindən bildirilib. Nazirliyin məlumatına görə, elektrik avtobusu 5 nömrəli marşrut xəttində hərəkət edir. Marşrut xətti “20-ci sahə” - “Nəriman Nərimanov” metro stansiyası istiqamətini əhatə edir.

Avtobus 33 sərnişin oturacağına malikdir. Ümumi sərnişin tutumu 82 nəfər olan avtobus tam enerji toplayaraq 350 km məsafə qət edə bilir. Nəqliyyat vasitəsi müasir sərnişindaşıma tələblərinə tam cavab verir. Elektrik avtobusun Bakı şəhərinin mövcud relyefinə uyğunluğu yoxlanılacaq. Nəticələrə əsasən elektrik mühərrikli avtobusların Bakı şəhərinin ictimai nəqliyyatında istifadəsi imkanları qiymətləndiriləcək.

Qeyd edək ki, paytaxtımızda nəqliyyat parkının yenilənməsi son zamanlar əsas prioritet istiqamətlərdən biri hesab olunur. Xüsusilə elektrik mühərrikli avtobusların istismarı ilk növbədə ətraf mühitin qorunması və havanın

çirklənməsinin qarşısının alınması baxımından mühüm əhəmiyyət kəsb edir. Bu baxımdan elektrik avtobuslarının dövriyyəyə buraxılması təqdirəlayiqdir.

Sayını çoxaltmaq lazımdır...

Mövzunu “Yeni Azərbaycan”a dəyərləndirən nəqliyyat üzrə ekspert İlqar Hüseynli bildirib ki, Bakı şəhərində istismar müddətini bitirmiş, mühərriki köhnəlmiş kifayət qədər avtobuslar var, hansı ki, dizellə işləyir. Ekspert qeyd edib ki, həmin avtobuslar atmosferə ciddi ziyan vururlar: “Ekoloji cəhətdən təmiz olmayan bu avtobuslar havaya kütləvi şəkildə zəhərli qazın yayılmasına şərait yaradırlar. Ümumiyyətlə, bütün dünya ölkələri avtobusların elektromobilləşməsi ilə əlaqədar proseslərə start verib. “Tesla” şirkəti bu məsələdə kifayət qədər fəal iştirak edir. Təsadüfi deyil ki, ölkə rəhbəri tərəfindən verilən tapşırıq əsasında son buraxılış müddəti 3 ili keçməyən elektromobil və hibrid avtomobil növləri gömrük rüsumlarından azad edildi. Bu stimullaşdırıcı tədbir idi. Gömrük rüsumlarının ləğvi həm də ona görə idi ki, paytaxtın nəqliyyat parkı tədricən yenilənsin, elektromobillərin çoxalmasına imkan yaransın. Bu baxımdan ekologiyanın çirklənməsinin qarşısını almaq üçün elektrik mühərrikli avtobusların xətlərə buraxılması çox müsbət addımdır. Düşünürəm ki, belə avtobusların sayını çoxaltmaq lazmdır. Məsələn, digər xətlərdə işləyən avtobus şirkətlərinin də qarşısına konkret olaraq bu tələbi qoymaq olar. Gömrük rüsumlarından azad etməklə, banklarda kiçik faizli kreditlər verməklə həmin şirkətlərə də şərait yaradılsın ki, onlar da öz avtomobil parklarını yeniləsinlər və elektrik mühərrikli nəqliyyat vasitələrinə keçid etmək imkanları olsun”.

Elektrik benzini ucuzlaşdıracaqmı?

Elektrik mühərrikli avtobusların dövriyyə buraxılmasından sonra benzinin qiymətində dəyişiklik olub-olmayacağına gəlincə, ekspert bildirib ki, bu barədə danışmaq hələ tezdir: “Fikrimcə, elektrik mühərrikli avtobusların kütləvi surətdə artması, paytaxtın avtobus parkının yenilənməsi üçün hələ bir neçə müddət lazımdır. Dünyada yanacaq növlərinin “Avro 5” standartlarına keçidi ilə bağlı ciddi tələblər var. Yanacağın “Avro 5”, “Avro 6” standarlarının tələblərinə uyğunlaşdırılması yalnız Azərbaycanda deyil, dünyanın əksər ölkələrinin diqqətindədirsə, belə qənaətə gəlmək mümkündür ki, Azərbaycanda digər yanacaq növləri ilə işləyən avtomobillərə tələbat hələ davam edəcək. Nə qədər ki, tələbat var, yaxın zamanlarda yanacağın qiymətinin ucuzlaşacağından danışmaq tezdir. Lakin bununla əlaqədar dövlətin xüsusi qərarı olarsa, yanacağın ucuzlaşması ilə bağlı Tarif Şurasına müraciət edilə bilər. Amma sırf elektrik mühərrikli avtobusların dövriyyəyə buraxılmasından dərhal sonra benzinin qiymətində ucuzlaşma yaxın deyil, uzaq perspektivdə mümkün olacaq”.

Paylaş:

Baxılıb: 626 dəfə