Artıq bu torpaqların əsl sahibləri öz doğma yurdlarında firavan yaşayırlar

Bakı:

29°C

58%

8m/s

Əlaqə

AZ RU EN

Ana səhifə / YAP xəbərləri / Artıq bu torpaqların əsl sahibləri öz doğma yurdlarında firavan yaşayırlar

Artıq bu torpaqların əsl sahibləri öz doğma yurdlarında firavan yaşayırlar

26.08.2024 [10:23]

Bayram Aslanov,

YAP İdarə Heyətinin üzvü, YAP Gəncə şəhər təşkilatının sədri

Müstəqil Azərbaycan dövlətinin uğurlu siyasəti sayəsində möhtəşəm zəfərlərə imza atan ölkəmiz bu gün düşmən işğalından azad edilən kəndləri, şəhərləri yenidən bərba edir. Ölkə başçımız, Qalib Prezidentimiz cənab İlham Əliyevin məqsədyönlü siyasəti sayəsində 30 il ərzində erməni terrorçularının tapdağı altında qalan torpaqlarımıza yeni nəfəs verilir, illərlə köçkün taleyi yaşayan soydaşlarımız artıq öz yurdlarına qaytarılır. İşğaldan azad edilən ərazilərdə geniş miqyasda iqtisadi, sosial layihələr və məşğulluq proqramları icra olunur. Kənd təsərrüfatı və istehsal yönümlü çoxsaylı ailə təsərrüfatları yaradılır, insanların məşğulluğu təmin edilir.

“Azərbaycan Respublikasının işğaldan azad edilmiş əraziləri üzrə şəhər günlərinin təsis edilməsi haqqında” Azərbaycan Respublikası Prezidentinin 31 iyul 2023-cü il tarixli Sərəncamı ilə xalqımız 30 ilə yaxın işğal altında qalmış əzəli tarixi şəhərlərimizin xüsusi Günlərini böyük coşğu ilə qeyd edir. Artıq hər il 26 avqust Laçının, 4 oktyabr Cəbrayılın, 17 oktyabr Füzulinin, 20 oktyabr Zəngilanın, 25 oktyabr Qubadlının, 8 noyabr Şuşanın, 20 noyabr Ağdamın, 25 noyabr Kəlbəcərin əlamətdar gününü kimi bayram edir.

İşğaldan azad olunmuş digər rayonlar kimi erməni faşizminin xarabalığa çevirdiyi Şərqi Zəngəzur iqtisadi bölgəsində yerləşən, 26 avqustda Şəhər Günü qeyd edilən Laçın rayonu da bərpa olunur, əvvəlki toy-büsatına qovuşur. Düşmənin cəngindən azad edilən Laçında müasir standartlara cavab verən evlər tikilir, yollar çəkilir, tunellər salınır, elektrik stansiyaları quraşdırılır.

Qalib Azərbaycan dövləti düşmənin vəhşicəsinə tar-mar etdiyi, xarabalığa çevirdiyi yurd yerlərimiz, şəhər, kənd və qəsəbələrimiz sürətlə dirçəldilir, cənnətə çevrilir. Dövlətimizin Başçısı cənab İlham Əliyevin göstərişi ilə işğaldan azad olunmuş ərazilərdəki doğma ocaqlarına qayıdan, uzun illər məcburi köçkün həyatı yaşayaraq yurd həsrəti çəkmiş soydaşlarımız üçün ən yaxşı şərait yaradılır.

Vandal düşmənin Laçın şəhərini işğal etməmişdən əvvəl burada 2020 fərdi ev, 28 ümumi yaşayış evi olub. İşğal zamanı isə bu evlərin 1500-dən çoxu dağıntılara məruz qalıb. Artıq soydaşlarımızın rahat, təhlükəsizlik şəraitində yaşamaları üçün Laçında bütün infrastruktur yenidən qurulur. Bir sözlə, laçınlıların da öz yurd-yuvalarına qayıtması üçün böyük layihələr həyata keçirilir. Artıq bu torpaqların əsl sahibləri öz doğma yurdlarında firavan yaşayırlar.

26 avqust tarixində doğma yurdlarına, ata-baba ocaqlarına qayıdan laçınlılar doğma ocaqlarında “Laçın Şəhəri Günü”ni qeyd edirlər. Ali Baş Komandan, Prezident İlham Əliyevin vurğuladığı kimi, biz öz doğma torpağımızda qürurla yaşayırıq. Hər bir laçınlı, hər bir keçmiş məcburi köçkün bu gün qürur hissi ilə yaşayır.

Bəli, bu gün Azərbaycan xalqı qürur hissi ilə Müzəffər Ali Baş Komandan, Prezident İlham Əliyevin yenilməzliyi, siyasi müdrikliyi, xalqın yumruq kimi bir olması ilə böyük Zəfərdən tərəqqiyə, işıqlı gələcəyə gedən yolla irəli addımlayır. İşğaldan azad olan torpaqlarımızda həyata keçirilən bərpa-quruculuq tədbirləri, “ağıllı kənd”, “ağıllı şəhər” layihələrinin reallaşması ölkə iqtisadiyyatının nə qədər möhkəm, dayanıqlı olduğunu nümayiş etdirir. Azərbaycanın igid oğullarının qanı-canı bahasına azad edilən torpaqlarımızın yenidən qurulması, keçmiş məcburi köçkünlərin əzəli yurdlarına qaytarılması Azərbaycan dövlətinin gücündən, xalqımızın milli qürurla, milli ruhla bu torpaqlarda işıqlı gələcəyin qurulacağını nümayiş etdirir.

Paylaş:

Baxılıb: 142 dəfə