Qazaxda 2025-ci il “Konstitusiya və Suverenlik İli” çərçivəsində tədbir keçirildi

Bakı:

11 °C

93 %

7 m/s

Əlaqə

AZ RU EN

Ana səhifə / YAP xəbərləri / Qazaxda 2025-ci il “Konstitusiya və Suverenlik İli” çərçivəsində tədbir keçirildi

Qazaxda 2025-ci il “Konstitusiya və Suverenlik İli” çərçivəsində tədbir keçirildi

25.04.2025 [21:38]

25 aprel 2025-ci il tarixdə Yeni Azərbaycan Partiyası Qazax rayon təşkilatı, Qazax Rayon İcra Hakimiyyəti və Milli Məclisin beynəlxalq münasibətlər və parlamentlərarası əlaqələr komitəsinin birgə təşkilatçılığı ilə 2025-ci il “Konstitusiya və Suverenlik İli” çərçivəsində “Ümummilli Lider Heydər Əliyev müstəqil Azərbaycan Konstitusiyasının müəllifidir ” mövzusunda tədbir keçirildi.

Tədbir Ümummilli Lider Heydər Əliyevin büstünün ziyarəti ilə başladı.

Azərbaycan Respublikasının Dövlət Himni səsləndirildikdən sonra Ümummilli Lider Heydər Əliyevin və müqəddəs şəhidlərin əziz xatirəsi bir dəqiqəlik sükutla yad edildi.

Tədbiri YAP Qazax rayon təşkilatının sədri Anar Nəbiyev açaraq tədbir iştirakçılarını salamladı, Möhtərəm Prezidentimizin 28 dekabr 2024-cü il tarixli Sərəncamı ilə 2025-ci ilin “Konstitusiya və Suverenlik İli” elan edildiyini bildirən rayon təşkilatının sədri tədbirin mahiyyətindən, əhəmiyyətindən, xalqımızın milli sərvəti sayılan ərazi bütövlüyümüzün, suverenliyimizin bərpa olunmasından, bütün ölkə ərazisində konstitusiya quruluşumuzun tamamilə bərqərar edilməsindən, Möhtərəm Prezidentimiz İlham Əliyev cənablarının rəhbərliyi altında qazanılan misilsiz qələbə sayəsində Dövlət Bayrağımızın bu gün bütün ərazilərimizdə əzəmətlə dalğalanmasından ətraflı bəhs etdi.

Konfransda Qazax Rayon İcra Hakimiyyətinin başçısı Rəcəb Babaşov geniş məruzə ilə çıxış edərək bildirdi ki, müdrik xalqımız bu il müəllifi Ulu Öndər Heydər Əliyev olan Milli Konstitusiyamızın qəbul edilməsinin 30 illiyini və Vətən müharibəsində qazanılan Möhtəşəm Zəfərin 5 illiyini təntənə ilə qeyd edəcəkdir. Rayon İcra Hakimiyyətinin başçısı Möhtərəm Prezidentimiz tərəfindən imzalanan Sərəncamın mühüm tarixi əhəmiyyətindən, qazanılan uğurlardan, əldə olunan nailiyyətlərdən, qarşıda duran mühüm vəzifələrdən geniş danışdı.

YAP Təftiş Komissiyasının üzvü, Milli Məclisin Beynəlxalq Münasibətlər və Parlamentlərarası əlaqələr komitəsinin sədri Səməd Seyidov çıxış edərək dünyadakı mövcud durumdan, beynəlxalq aləmdə cərəyan edən hadisələrdən, Möhtərəm Prezidentimiz İlham Əliyev cənablarının rəhbərliyi ilə ölkəmizin qazandığı uğurlardan, qələbələrdən ətraflı danışaraq, Ümummilli Lider Heydər Əliyevin siyasi kursunun bu gün uğurla davam etdirildiyini və müstəqil, suveren Azərbaycanın beynəlxalq aləmdə söz sahibi, nüfuz sahibi olduğunu və hazırda ölkəmizin yeni bir inkişaf dövrünü yaşadığını xüsusi vurğuladı.

Tədbirdə şəhid atası Elxan Abdullayev, Qazax Dövlət Sosial - İqtisadi Kollecinin tələbəsi Sücayət Mahmudova, partiya veteranı, şair Cavanşir Rüstəm “Ümummilli Lider Heydər Əliyev müstəqil Azərbaycan Konstitusiyasının müəllifidir " mövzusunda ətraflı çıxış etdilər.

Qazax şəhər 2 saylı tam orta məktəbin şagirdləri Ulu Öndər Heydər Əliyevə həsr olunmuş şeirlər səsləndirdilər.

Tədbirin sonunda rayonun ictimai- siyasi həyatında fərqlənən partiya üzvləri YAP Qazax rayon təşkilatının Fəxri Fərmanı ilə təltif olundu, partiya sıralarına yeni qəbul olunmuş üzvlərə partiya üzvlük vəsiqəsi təqdim edildi.

Paylaş:

Baxılıb: 418 dəfə