Enerji siyasətində yeni çağ

Bakı:

26°C

57%

12m/s

Əlaqə

AZ RU EN

Ana səhifə / YAP xəbərləri / Enerji siyasətində yeni çağ

Enerji siyasətində yeni çağ

05.06.2025 [21:42]

Prezident İlham Əliyevin müdrik siyasəti nəticəsində dünyada söz sahibinə və güc mərkəzinə çevrilən Azərbaycanın beynəlxalq mövqeyi daha da möhkəmlənib. Dövlət başçısının yürütdüyü siyasət Azərbaycanın müttəfiqlərinin və dostlarının sayını artırıb. Son illər Azərbaycanın regionda aparıcı aktora çevrilməsi, dünyada artan nüfuzun beynəlxalq təşkilatlarla əlaqələrində və onların fəaliyyətində fəal iştirakına gətirib çıxarıb. Müasir dünya siyasətində etibarlı tərəfdaş kimi tanınan, Cənubi Qafqaz regionunun lider ölkəsi olan Azərbaycanının uzun illərdir ki, bir çox beynəlxalq əhəmiyyətli tədbirlərə ev sahibliyi etməsi ölkəmizin beynəlxalq nüfuza malik olduğunu göstərməklə yanaşı, etibarlı tərəfdaşlığını da sübut edir.

İyunun 2-də Bakı şəhəri növbəti dəfə Xəzər regionunun ən nüfuzlu enerji tədbiri olan Bakı Enerji Həftəsinə ev sahibliyi etdi.

Bakı Enerji Həftəsi çərçivəsində keçirilən 30-cu Yubiley Beynəlxalq Xəzər Neft və Qaz Sərgisi “Caspian Oil and Gas”, 13-cü Xəzər Beynəlxalq Energetika və Yaşıl Enerji Sərgisi “Caspian Power” və 30-cu Yubiley “Baku Energy Forum”un rəsmi açılış mərasimində çıxış edən ölkə başçısı vacib nüanslara toxundu.

Ölkə başçısı çıxışında Azərbaycanın enerji sektorunda keçdiyi inkişaf yoluna toxunaraq xatırlatdı ki, “Caspian Oil and Gas” sərgisi 1994-cü ildə, yəni “Əsrin müqaviləsi”nin imzalanmasından əvvəl təşkil olunmuşdu. Bu, Azərbaycanın beynəlxalq enerji bazarına daxil olmasının başlanğıcı idi. İlham Əliyev həmin dövrdə ulu öndər Heydər Əliyevin liderliyi ilə atılan addımların bu gün Azərbaycanın enerji diplomatiyasının əsasını təşkil etdiyini vurğuladı.

“Əsrin müqaviləsi” və sonrakı dövrlərdə reallaşdırılan transmilli layihələr — Bakı-Tbilisi-Ceyhan, Bakı-Tbilisi-Ərzurum və Cənub Qaz Dəhlizi kimi nəhəng infrastruktur layihələri — Azərbaycanın enerji ixracatçısı kimi rolunu möhkəmləndirdi. Prezident İlham Əliyev çıxışında bu layihələrin siyasi, iqtisadi və geostrateji əhəmiyyətinə xüsusi diqqət ayırdı.

Dövlətimizin başçısı Avropanın enerji təhlükəsizliyində Azərbaycanın oynadığı rola da xüsusi yer ayırdı. Cənub Qaz Dəhlizi layihəsinin təkcə Azərbaycan üçün deyil, həm də Avropa İttifaqı ölkələri üçün strateji əhəmiyyət daşıdığını qeyd etdi. Bu kontekstdə Azərbaycan qazının artıq 8 Avropa ölkəsinə ixrac edilməsi və bu coğrafiyanın genişlənməsi planları müzakirə olundu.

O bildirdi ki, Azərbaycan qarşıdakı illərdə qaz ixracını daha da artırmaq niyyətindədir və bu istiqamətdə tərəfdaş ölkələrlə texniki və siyasi danışıqlar davam edir. Azərbaycanın Avropanın enerji bazarına uzunmüddətli və etibarlı tərəfdaş kimi daxil olduğu bir daha təsdiqləndi.

Prezident İlham Əliyev çıxışında qeyd etdi ki, “Baku Energy Forum” artıq regional deyil, qlobal səviyyəli bir platformaya çevrilib. Forumda dünyanın 30-dan çox ölkəsindən nümayəndələrin, enerji şirkətlərinin rəhbərlərinin və dövlət rəsmilərinin iştirakı Azərbaycanın beynəlxalq enerji dialoqunda mərkəzi rolda olduğunu sübut edir.

Azərbaycanın həmən tədbir çərçivəsində yeni investisiya müqavilələri və tərəfdaşlıq razılaşmalarını imzalaması, enerji texnologiyalarının transferi, dayanıqlı inkişaf və enerji səmərəliliyi sahəsində yeni əməkdaşlıqların bünövrəsinin qoyulması da qeyd olunmağa dəyər məqamlardandır.

Bir sözlə, Prezident İlham Əliyevin çıxışı, bir daha göstərdi ki, enerji siyasəti yalnız iqtisadi strategiya deyil, həm də uğurlu diplomatiyanın və milli inkişafın əsas təməl sütunudur. Azərbaycanın enerji sahəsindəki uğurları təkcə daxili resursların idarə olunması ilə deyil, həm də uzaqgörən siyasi kurs, etibarlı tərəfdaşlıq və çevik geosiyasi manevrlərlə bağlıdır.

Fidan Hüseynova,

YAP Quba rayon təşkilatının sədri

Paylaş:

Baxılıb: 208 dəfə