Müasir Azərbaycan dövləti hərtərəfli və dinamik inkişaf yolundadır

Bakı:

14 °C

88 %

6 m/s

Əlaqə

AZ RU EN

Ana səhifə / YAP xəbərləri / Müasir Azərbaycan dövləti hərtərəfli və dinamik inkişaf yolundadır

Müasir Azərbaycan dövləti hərtərəfli və dinamik inkişaf yolundadır

21.09.2013 [09:57]

Bu fikirləri Xızı rayonunun Tıxlı kəndinin seçiciləri səsləndiriblər
Yeni Azərbaycan Partiyasının (YAP) prezidentliyə namizədi cənab İlham Əliyevin təbliğat-təşviqat kampaniyası Xızı rayonunda da uğurla davam etdirilir. Dünən kampaniya çərçivəsində Xızı rayonunun Tıxlı kəndində seçicilərlə növbəti görüş keçirilib. Görüşdə YAP Xızı rayon təşkilatının sədri Fərrux Haqverdiyev çıxış edərək bildirib ki, 10 il ərzində ölkə iqtisadiyyatı 3 dəfə artıb: “Ölkə Prezidenti İlham Əliyevin apardığı daxili siyasət Azərbaycan iqtisadiyyatını, insanların sosial rifahını gücləndirir, möhkəmləndirir”.
Bu gün Azərbaycanın real siyasi-iqtisadi müstəqilliyə malik olduğunu deyən “Səs” qəzetinin baş redaktoru Bəhruz Quliyev qeyd edib ki, davamlı inkişaf edən güclü iqtisadiyyatda ölkəmiz insan amilinə böyük önəm verir: “Ölkənin zəngin təbii resurslarından dövlətin, xalqın mənafeyinə uyğun səmərəli istifadə, dünyanın müxtəlif qitələrində yerləşən dövlətlərlə əməkdaşlığın daim genişlənməsi və dərinləşməsi, ən mötəbər beynəlxalq təşkilatlarda uğurla təmsil olunmağımız, regional və beynəlxalq əhəmiyyətli layihələrin uğurla reallaşması müstəqilliyimizin və inkişaf etmiş dövlətə çevrilməyimizin ciddi və əsas zəminini təşkil edən amillərdir”.
Daha sonra çıxış edən Tıxlı kənd orta məktəbinin müəllimi Bəhram Həsənov təhsilə verilən önəmdən danışıb: “Şübhəsizdir ki, hər bir ölkənin inkişafı üçün ən başlıca şərt həmin ölkənin təhsilinin səviyyəsidir. Cənab Prezident İlham Əliyevin təhsil sahəsinə yönəldilən yüksək diqqət və qayğısı dövlətimizin əsas prioritetlərini ön plana çəkir. Biz müəllimlər də təhsilimizin inkişafı naminə İlham Heydər oğlu Əliyevə səs verəcəyik”.
Fəal gənc Pərvin Abdinov qeyd edib ki, hazırda ölkəmizdə gəncliyin inkişafına yaradılan əlverişli şərait, gəncliyə verilən qiymət Ulu öndərin bizə nümunə qoyduğu və cənab Prezident İlham Əliyevin davam etdirdiyi siyasətin əsas hissəsidir.
Kənd ağsaqqalı Əlihüseyn Əliyev çıxışında isə qeyd edib ki, bugünkü firavanlığı, müstəqil dövləti xalqımıza Ulu öndər Heydər Əliyev bəxş edib: “Biz Ulu öndərin xalqımız qarşısındakı əvəzsiz xidmətlərini heç vaxt unutmayacağıq. Heydər Əliyevin xatirəsini daim anmaq hər birimizin vətəndaşlıq borcudur. Bu gün Ulu öndərin xatirəsi yalnız Azərbaycanda deyil, ölkəmizin hüdudlarından kənarda da hörmət və ehtiramla yad edilir. Prezident İlham Əliyev də ölkəmizin tərəqqisinə - bütün sahələrin inkişafına xüsusi diqqət yetirir. Buna görə də, Prezidentimizə minnətdaram. Ona səs verəcəyəm”.
Oktay

Paylaş:

Baxılıb: 1274 dəfə