Cənab İlham Əliyev növbəti dəfə möhtəşəm qələbə qazanacaq

Bakı:

27 °C

59 %

6 m/s

Əlaqə

AZ RU EN

Ana səhifə / YAP xəbərləri / Cənab İlham Əliyev növbəti dəfə möhtəşəm qələbə qazanacaq

Cənab İlham Əliyev növbəti dəfə möhtəşəm qələbə qazanacaq

24.09.2013 [10:41]

YAP Ağdam rayon təşkilatı partiyamızın prezidentliyə namizədi cənab İlham Əliyevin təbliğat-təşviqat kampaniyası çərçivəsində seçicilərlə növbəti görüşü rayonun Üçoğlan və Alıbəyli kəndlərində keçirib
Yeni Azərbaycan Partiyası (YAP) Ağdam rayon təşkilatı partiyamızın prezidentliyə namizədi cənab İlham Əliyevin təbliğat-təşviqat kampaniyası çərçivəsində seçicilərlə görüşlərini davam etdirir. Kampaniya çərçivəsində növbəti görüş rayonun Üçoğlan və Alıbəyli kəndlərində keçirilib.
Tədbiri giriş sözü ilə YAP Ağdam rayon təşkilatının sədri İsgəndər Quliyev açaraq rayon ictimaiyyətini seçkilərdə fəal iştirak etməyə çağırıb. Təşkilat sədri çıxışında əsası Ümummilli lider Heydər Əliyev tərəfindən qoyulan və böyük təşkilatlanma yolu keçən Yeni Azərbaycan Partiyasının fəaliyyət istiqamətlərindən, ölkəmizin ictimai-siyasi həyatındakı rolundan, gördüyü işlərlə xalqın böyük inamını və dəstəyini qazanmasından bəhs edib.
İsgəndər Quliyev əlavə edib ki, Azərbaycan xalqının Ümummilli lideri Heydər Əliyevin siyasi kursunu uğurla davam etdirən Prezident İlham Əliyevin rəhbərliyi ilə hazırda Yeni Azərbaycan Partiyası ölkəmizin ictimai-siyasi həyatında ən aparıcı rola malik olan siyasi qüvvədir: “Təsadüfi deyil ki, respublikamızda keçirilmiş prezident, parlament və bələdiyyə seçkilərində Yeni Azərbaycan Partiyası həmişə böyük üstünlük əldə edib və bununla da alternativsiz siyasi qurum olduğunu sübuta yetirib”.
“Yeni Azərbaycan Partiyasının Sədri cənab Prezident İlham Əliyevin rəhbərliyi ilə Azərbaycan stabil və dinamik şəkildə inkişaf edir. Bu baxımdan, artan templi iqtisadiyyata malik Azərbaycan cəmiyyətində sosial dəyişikliklər sürətlənir, insanların rifah halı yüksəlir” - deyən, YAP Ağdam rayon təşkilatının sədri Yeni Azərbaycan Partiyasının namizədi cənab İlham Əliyevin qarşıdan gələn prezident seçkilərində möhtəşəm qələbə qazanacağına əminliyini ifadə edib.
Qərargah üzvü Əvəz Sadıqov isə cənab İlham Əliyevin Sədri olduğu Yeni Azərbaycan Partiyasının xalqımız və dövlətimiz qarşısındakı xidmətlərindən bəhs edib. Bildirib ki, bu müddət ərzində ətrafına 600 minlik kontingent toplamağı bacaran ümummilli partiyamız faktiki olaraq qarşısına qoyduğu məqsəd və vəzifələri layiqincə yerinə yetirməyi bacarıb. “Əlbəttə ki, əldə olunmuş nailiyyətlərin fundamentini xalq dəstəyinin və etimadının təşkil etməsi YAP-ın geniş fəaliyyətini daha səmərəli və uzunmüddətli edir” - deyə, Ə.Sadıqov vurğulayıb.
Çıxış edən seçicilər Nüsrət Əzizov, Möhübbət Hüseynov, Almaz Sadıqova və digərləri isə vurğulayıblar ki, Ümummilli liderimiz Heydər Əliyevin qurucusu olduğu və bu gün cənab Prezident İlham Əliyevin Sədrliyi ilə böyük inkişaf yolu keçən Yeni Azərbaycan Partiyası ölkənin ictimai-siyasi həyatında mühüm rol oynayır. Kənd sakinləri prezident seçkilərində Yeni Azərbaycan Partiyasının Sədri cənab İlham Əliyevə səs verəcəklərini bildiriblər.
NURLAN

Paylaş:

Baxılıb: 1258 dəfə