8 mart-Beynəlxalq Qadınlar Günü Hacıqabul rayonunda qeyd edilib

Bakı:

23 °C

57 %

10 m/s

Əlaqə

AZ RU EN

Ana səhifə / YAP xəbərləri / 8 mart-Beynəlxalq Qadınlar Günü Hacıqabul rayonunda qeyd edilib

8 mart-Beynəlxalq Qadınlar Günü Hacıqabul rayonunda qeyd edilib

08.03.2014 [09:50]

8 mart-Beynəlxalq Qadınlar Günü münasibətilə Hacıqabul rayon İcra Hakimiyyəti və YAP Hacıqabul rayon təşkilatının təşəbbüsü ilə tədbir keçirilib. Tədbir iştirakçıları öncə Ulu öndər Heydər Əliyevin abidəsi önünə tər çiçəklər düzüblər. Daha sonra Hacıqabul rayonunda yerləşən Heydər Əliyev Mərkəzində davam etdirilən toplantıda Azərbaycan qadınlarına həsr olunmuş qısametrajlı film nümayiş olunub.
Çıxış edən Hacıqabul rayon İcra Hakimiyyətinin başçısı Əhməd Muxtarov qadınları bayram münasibətilə təbrik edib. Ə.Muxtarov bildirib ki, qadınlar istər cəmiyyətin inkişafında, istərsə sağlam ailənin formalaşmasında mühüm rola malikdirlər. Cəmiyyətdə qadınların rolunun danılmaz olduğunu qeyd edən İcra Hakimiyyətinin başçısı Ümummilli liderimiz Heydər Əliyevin hər zaman Azərbaycan qadınlarına yüksək qiymət verdiyini bildirib. Onun sözlərinə görə, bu gün Prezident İlham Əliyevin yürütdüyü siyasi kurs qadınlarımızın cəmiyyətin inkişafında ön sıralarda təmsil olunmasına geniş imkanlar açıb: “Partiyamızın qurucusu, Ulu öndər Heydər Əliyev daima Azərbaycan qadınına böyük hörmətlə yanaşıb və onu yüksək dəyərləndirib. Bu gün demokratik inkişaf, hüquqi dövlət quruculuğu yolunda sürətlə irəliləyən Azərbaycan cəmiyyətində qadınlarımız hər zaman bir örnək olaraq Heydər Əliyev Fondunun prezidenti, UNESCO-nun və İSESCO-nun xoşməramlı səfiri, millət vəkili Mehriban xanım Əliyevanın fəaliyyətini nümunə göstərirlər”.
Daha sonra Hacıqabul rayon İcra Hakimiyyəti başçısının müavini Fikrət Qasımov geniş məruzə ilə çıxış edib. Tədbirdə çıxış edən YAP Hacıqabul rayon təşkilatının sədri Hafiz Bəşirov Azərbaycan qadınının tarix boyu öz ağlı, zəkası, namusu, qeyrəti, isməti, fədakarlığı, çalışqanlığı, mərdliyi, vətənpərvərliyi ilə, millətinə, torpağına olan hədsiz məhəbbəti və gözəlliyi, xalqımızın milli xüsusiyyətlərinə sadiqliyi ilə tanındığını vurğulayıb: “Prezident İlham Əliyev Azərbaycan qadınının istər cəmiyyətdə, istərsə də ailədəki zəhmətini yüksək dəyərləndirir. Azərbaycan qadını hər zaman ölkəsinin inkişafı, cəmiyyətin sağlam formalaşması istiqamətində bütün əziyyətlərə qatlaşmağa hazır olduğunu əyani şəkildə sübut edib”.
Tədbirdə çıxış edən Hacıqabul rayonu Təhsil şöbəsinin müdiri Şükür Məmmədov, Gənclər və İdman İdarəsinin rəisi Saleh Ələskərov, Mərkəzi Rayon Xəstəxanasının baş həkimi Beydulla Qarayev, Mədəniyyət və turizm şöbəsinin müdiri Elnur Əmiraslanov və başqaları Azərbaycan qadınlarının hər zaman ən gözəl sözlərə layiq olduqlarını, onların fəaliyyətinin yüksək dəyərləndirildiyini deyiblər. Sonda bir qrup fəal qadınlara Hacıqabul rayon İcra Hakimiyyətinin, YAP Hacıqabul rayon təşkilatının, Gənclər və İdman İdarəsinin Fəxri fərmanları və qiymətli hədiyyələri təqdim edilib.
Pərviz SADAYOĞLU

Paylaş:

Baxılıb: 1177 dəfə