Təhlükəsiz quruculuq, güclü dövlət: Yeni Azərbaycan Partiyasının VIII Qurultayından irəli gələn vəzifələrin müzakirəsi

Bakı:

23 °C

73 %

5 m/s

AZ RU EN

Ana səhifə / YAP xəbərləri / Təhlükəsiz quruculuq, güclü dövlət: Yeni Azərbaycan Partiyasının VIII Qurultayından irəli gələn vəzifələrin müzakirəsi

Təhlükəsiz quruculuq, güclü dövlət: Yeni Azərbaycan Partiyasının VIII Qurultayından irəli gələn vəzifələrin müzakirəsi

21.10.2026 [15:07]

Bu gün Yeni Azərbaycan Partiyası Nəsimi rayon təşkilatının Füzuli küçəsi 70 üzrə (FHN Tikintiyə Nəzarət Dövlət Agentliyi) ərazi partiya təşkilatında növbəti müşavirə keçirilib. Müşavirə Azərbaycan Respublikasının Prezidenti, Yeni Azərbaycan Partiyasının Sədri cənab İlham Əliyevin YAP-ın VIII Qurultayındakı nitqindən irəli gələn məsələlərə həsr olunub.

Tədbir Azərbaycan Respublikasının Dövlət Himninin səsləndirilməsi ilə başlayıb. Daha sonra Ulu Öndər Heydər Əliyevin və ölkəmizin ərazi bütövlüyü və suverenliyi uğrunda canlarından keçən şəhidlərimizin əziz xatirəsi bir dəqiqəlik sükutla yad edilib.

Müşavirəni ərazi partiya təşkilatının sədri Emin Rəhimov aparıb. O, çıxışında VIII Qurultayın Azərbaycanın ərazi bütövlüyünü və suverenliyini tam bərpa etməsindən sonra keçirilən ilk qurultay olduğunu vurğulayıb. Emin Rəhimov Qarabağda və Şərqi Zəngəzurda aparılan genişmiqyaslı quruculuq işlərindən və «Böyük Qayıdış»dan danışıb. O bildirib ki, bu tikintilərin müasir standartlara və təhlükəsizlik normalarına tam cavab verməsi prosesin uğurunun mühüm şərtidir. Ölkəmizin seysmik baxımdan aktiv zonada yerləşdiyini nəzərə alaraq, tikinti təhlükəsizliyi sahəsində çalışan əməkdaşların üzərinə böyük məsuliyyət düşdüyünü vurğulayıb.

YAP Nəsimi rayon təşkilatının sədr müavini Abbas Pənahov Partiya Sədrinin qurultayda müəyyən etdiyi vəzifələrdən danışıb. Bunlar sırasında hərbi gücün artırılmasını, ideoloji təhlükəsizliyin təmin olunmasını, ideoloji işin formal yanaşmalardan uzaq, müasir formatda qurulmasını və gənclərlə işin gücləndirilməsini qeyd edib. O, Partiya Sədrinin YAP fəallarına olan etimadını xatırladıb və hər bir partiya üzvünün bu etimadı doğrultmalı olduğunu bildirib.

Ərazi partiya təşkilatının sədr müavini Novruz Rəhimov dövlət başçısının vurğuladığı təhlükəsizlik və əmin-amanlıq mühitinin indiki dünyada böyük sərvət olduğunu qeyd edib. O, kollektivdə qurultay materiallarının canlı formatda müzakirəsinin və əməkdaşların ictimai fəallığının artırılmasının vacibliyindən danışıb.

Təsisatdankənar Dövlət Ekspertiza Baş İdarəsinin şöbə müdiri, partiya üzvü Bahaddin Hüseynov çıxışında layihələrin peşəkar ekspertizasının tikinti təhlükəsizliyindəki roluna toxunub. O bildirib ki, hər bir binanın etibarlılığı arxasında orada yaşayan ailələrin həyatı dayanır və bu sahədə heç bir güzəştə yol verilməməlidir.

Çıxışlar ətrafında müzakirələr aparılıb. İştirakçılar Prezident İlham Əliyevin VIII Qurultayda müəyyən etdiyi vəzifələrin icrasında fəal iştirak edəcəklərini bildiriblər.

Tədbir Yeni Azərbaycan Partiyasının Himni ilə yekunlaşıb.

Paylaş:

Baxılıb: 51 dəfə

Xəbər lenti

Hamısına bax