Yeni Azərbaycan Partiyasının yaradılmasının 26-cı ildönümü münasibətilə YAP İsmayıllı rayon təşkilatında tədbir keçirilib

Bakı:

25 °C

64 %

4 m/s

AZ RU EN

Ana səhifə / YAP xəbərləri / Yeni Azərbaycan Partiyasının yaradılmasının 26-cı ildönümü münasibətilə YAP İsmayıllı rayon təşkilatında tədbir keçirilib

Yeni Azərbaycan Partiyasının yaradılmasının 26-cı ildönümü münasibətilə YAP İsmayıllı rayon təşkilatında tədbir keçirilib

22.11.2018 [09:12]

Yeni Azərbaycan Partiyası (YAP) İsmayıllı rayon təşkilatında partiyanın yaradılmasının 26-cı ildönümü münasibətilə geniş tədbir keçirilib. Tədbirdə İsmayıllı rayon İcra Hakimiyyətinin başçısı Mirdaməd Sadıqov, YAP İsmayıllı rayon təşkilatının sədri Sevil Əhmədova, təşkilatın Şura üzvləri, ərazi ilk partiya təşkilatlarının sədrləri və partiya fəalları iştirak ediblər.
Tədbir iştirakçıları öncə Ümummilli lider Heydər Əliyevin abidəsini ziyarət edib, önünə gül dəstələri düzüb, Ulu öndərin xatirəsinə ehtiramlarını bildiriblər. Daha sonra tədbirdə Yeni Azərbaycan Partiyasının ötən 26 il ərzindəki fəaliyyətindən bəhs edən videoçarx nümayiş etdirilib.
Tədbiri giriş sözü ilə açan YAP İsmayıllı rayon təşkilatının sədri Sevil Əhmədova partiyanın yarandığı mürəkkəb tarixi-siyasi şəraitdən, keçdiyi çətin və şərəfli mübarizə yolundan, Heydər Əliyevin xalqın və dövlətin qarşısında göstərdiyi xidmətlərdən danışıb. Tədbirdə həmçinin YAP İsmayıllı rayon təşkilatının sədr müavini Məhərrəm Əhmədov, YAP İsmayıllı rayon Təşkilatı Gənclər Birliyinin sədri Qönçə Ağazadə, YAP İsmayıllı rayon təşkilatı Qadınlar Şurasının sədri Xuraman Qurbanova və başqaları çıxış edərək Yeni Azərbaycan Partiyasının ölkəmizin inkişafındakı yerindən bəhs açıblar.
Tədbirdə çıxış edən İsmayıllı rayon İcra Hakimiyyətinin başçısı Mirdaməd Sadıqov əsası Ümummilli lider Heydər Əliyev tərəfindən qoyulan və Prezident İlham Əliyev tərəfindən uğurla davam etdirilən siyasətin Azərbaycana mühüm uğurlar qazandırdığını diqqətə çatdırıb. M.Sadıqov bildirib ki, bu siyasətin davamı ölkəmizi daha da işıqlı gələcəyə aparacaq və dünyadakı nüfuzunu möhkəmləndirəcək: “Dövlətimizin hərtərəfli inkişafı və xalqımızın tərəqqisi naminə həyata keçirilən islahatlar ölkəmizin daha böyük və əsaslı uğurlarına zəmin yaradıb. Bu gün ölkəmizin dünyada söz sahibinə çevrilməsi, bütün sahələr üzrə dinamik və məqsədyönlü uğurlara imza atması iqtidar-xalq birliyinin, həmrəyliyinin məntiqi nəticəsidir”.
Tədbirin sonunda YAP sıralarına yeni üzv qəbul edilən bir qrup gəncə üzvlük vəsiqələri təqdim edilib. YAP İsmayıllı rayon təşkilatının ictimai-siyasi həyatında fəal iştirak edən bir qrup partiya fəalı təltif olunub.

Paylaş:

Baxılıb: 843 dəfə